" توجه بطلنا سلطان للمطبخ يسوي شاهي له ولجده
عند جوري قامت جوري من نومها وسوت روتينها المعتاد ولبست مخور وتعطرت ورفعت شعرها ونزلت المطبخ تسوي فطور وهي رايحه المطبخ راحت لجدها وقالت : صباح الخير
الجدّ ببتسامه : صباح النور يبنيتي
جوري : ها ماجاء خبر عن ليان من هنا ولا هنا
الجد تنهد بخفه : لا والله يبنتي
سلطان الي كان يسمعهم واستغرب شفيها ليان وماعطى الموضوع اهميه وحط الشاهي بالدله ورتب المطبخ من حوسته البسيطه وراح بخطواته للصاله
الجد : جاني اتصال من الشرطه
جوري بفرحه : لقوهاا
سلطان بستغراب: مين
جوري : ليان
سلطان بصدمه : شفيها ليان
الجد تنهد وماهو عارف كيف يبداً لف سلطان على جوري وقالها بشبه عصبيه : شفيها لياان!
الجد : استهدي بالله يوليدي مافيها إلا كل خير
جوري ماسكه دموعها وتطالع سلطان اللي مستغرب منهم وشفيها ليان وليه يخبون عليه ؟ قال : شفيها بتعلموني ولا كيف
الجد بحزن : انخطفت
غص سلطان بالشاهي وقال بصوت مرتفع : كيييف!!!
الجد : اهدأ يسلطان
سلطان الي ماهو عارف وش يسوي وماهو مصدق وش يقولون قام سلطان واتجه لعرفتها وكانت جوري وراه وتبكي وتقول : انخطفت يسلطان انخطفت
سلطان ماكان مستوعب وقال بعصبيه : كيف تخللونننها لحالها كيف انخطفت
جوري ببكي : مدري مدري
سلطان وهو ماسك كتف جوري بقوه ويهزها ويقول : كيف ماتدددرين جاوبيني !
جوري : اهدأ يسلطان اهدأ
سلطان بعصبيه : كيف اهدأ يجوري وهي بعيده عني علميني كيففففف!
جوري بألم : سلطان تراك قاعد تعورني
استوعب سلطان وش قاعد يسوي وراح غرفته ولقط مفتاح سيارته وطلع وجوري وراه
جوري : وين رايح
سلطان طلع من البيت بدون رد ركب السيارت وهو مو عارف وين يروح وش يسوي
عند ليان
كان صقر نايم بخمول من كثر التعاطي عندها بالغرفه وحاط جواله بجيبه صحت ليان بألم وقامت ورجعت طاحت بالأرض وكانت بتصرخ بس مسكت نفسها وقامت تزحف لييين صقر الخسيس وطلعت جواله من جيبه بكل خفه وفتحت الجوال لأكن طلع برمز دقت على الطوارئ
ليان بصوت خافت : ااالللوووو
الطوارئ : اهلاً أستاذه
ليان بصوت مرتجف : أنا مخطوفه ساااعدوني
الطوارئ : يأختي حاولي ماتطفي الشبكه من الجوال عشان نوصل للموقع
ليان بألم: طيب طيب
الساعه 11:23 الظهر
صحو الكل من نومهم وقاموا سوو روتينهم المعتاد ويحاولون يعيشون طبيعي طبخت لهم جميله كبسه
جميله : يلا يلا حياكم
الجد : يلا بسم الله سموا
جميله الي التفت وشافت هدى تهوجس وقالت : يلا يهدى تعالي
هدى بتعب : مابغى بالعافيه عليكم
سلمى : يعمه تعالي مو عشاني عشان ليان تكفين
جوري بترجي : ماكلتي شي من صارت السالفه
هدى بتعب : بالعافيه
عبدالرحمن : خلوها لا تضغطون عليها
عند سلطان
وقف عند باب البيت وجلس يهوجس وبعد مصارعات نزل لقاهم كلهم متجمعيين يأكلون
الجد : سلطان تعال كل يوليدي
لفت جميله على ولدها : سلطان ولدي يهلاااا ييمه
سلمى الي فرحت برجوعه : الحمد الله على السلامه
سلطان : الله يسلمكم
الجد لف على سلمى وقال : سلمى وانا جدك روحي صحي سعود وتركي
سلمى قامت : طيب
جميله : خلها تكمل أكلها يعم
سلمى بخجل : لا لا شبعت
جميله ببتسامه: بالعافيه
ومسكت جميله ولدها وخلته ياكل غصب عنه وجلس يسولف عن الدوام وبنص السيره فتحوا موضوع ليان وجلسوا يتكلمون وسلطان جته الضيقه وبنص حديثهم قاطع حديثهم صوت رنين الجوال رفع الجد جواله وقال : هلا
الشرطه : السلام عليكم
الجد : وعليكم السلام ها بشر
لفوا عليه كلهم وخصوصا سلطان
الجد بفرح : الله يبشرك بالخير ياااارب
لفت هدى وقالت : ليان ليان لقوها !
الجد ببتسامه : اي اي
الكل قااام يصارخ والجد سجد شكر لربه وجوري حضنت اخوها الي مو مصدق
الجد : أنا بروح أجيبها أنا وسلطان
وانتوا جهزوا لها سلامه بسيطه
جميله : لا تتأخرون علينا
هدى بفرح : بروح معكم
الجد برفض تام : لا لا
راح الجد وسلطان الي متشفق لشوفة محبوبته
الشرطي : مين ولي امرها
الجد : أنا
الشرطي : تفضل معي
راح الجد وشاف ليونته بنته صغيرته مضروبه ووجها احمر وجسمها كدمات وتبكي اول ماشفت جدها ركضت له
ليان ببكي وشهاق : جدددددي
الجد بدموع : اخخ يبنتي اسف اسف سامحيني والله سامحيني
ليان ببكي : سامحتك والله بس لا تخيليني مره ثاانيييه
الجد بدموع : ابشري والله ابشري
طلع الجد معه ليان ولقت بوجها سلطان سلطان فز قلبه من شافها وده يحضنها
سلطان ببتسامه : الحمد الله على السلامه
ليان بصوت مبحوح وتعبان : الله يسلمك
زعللل سلطان مرررره على حالها وده ينتقم وده يكسر يد الي لمسها وأذاها
وراحوا السياره نامت ليان براحه بعد ما حست بالأمان بقرب سلطان وجدها
وصلوا البيت لف الجد على ليان لقاها نايمه
الجد بصوت خافت عشان ما تخترع: ليان ليان
ليان وهي تتألم : ها
الجد : قومي قومي يبنتي وصلنا
ليان قامت وعدلت حجابها وقامت ورجلها ماكانت شايلتها مشت خطواتين وبغت طيح إلا سلطان مسكها وقال بخفه : اسندي علي
ليان بصوت مبحوح : شكرا
مشوا لين البيت ودخلوا وناظرت ليان العائله كلها موجوده ومسوين حفله بسيطه فكت ليان الطرحه عن وجهها وكلهم شهقوا من المنظر كانت ليان لابسه الطرحه عشان شكلها ماتبي احد يناظر فيها ويحطها شفقه
ركضت أمها لها وحضنتها بقوووه : ليااااان ياليان وش صار فيك يبنتي
ليان استغربت من رده فعل أمها اول مره تحس بحنان الأم دايم كانت تلومها وتاعتبها بكت ليان بحضن أمها تحت أنظار سلطان الي مصدوم من الكدمات والتورم الي بوجها كاااان بذيك الحظه وده يكسسسر كل إصبع انمد عليها
تحمدوا كلهم لها على السلامه واحتفلوا احتفال بسيط جداً
قال سلطان بخفه : خلوها ترتاح البنت
الجد : وصلوها اسندوها
هدى وهي تنسند بنتها وجاء سلطان يسندها كان منتظر الحظه وش اقول وش اخلي عند شعور سلطان بذا الوقت ساندها وحست ليان انه صدق أمانها صدق عوضها دخلتها أمها الغرفه ووجهتها الى الحمام ( أكرمكم الله) وساعدتها بالشور وطلعت لها بجامه وساعدتها وحطتها بحضنها وقالت : اهه ياليان والله غيابك عني عذابي
ليان ببكي : اسفه اسفه
هدى وهي تحاول تمسك نفسها : لا تتأسفين يقلبي نامي نامي
ليان الي سمعت كلام أمها لأنها فعلا كانت تعبانه ومرهقه ونامت وطلعت أمها من غرفتها وقفلت الباب ونزلت تحت
العصر 4:56
صحت ليان سوت روتينها المعتاد ورتبت شعرها ونزلت تحت مكان تجمعهم
الجد : يهلا ومسهلا
سعود : والله لك وحشششه على قولت تركي
ليان ببتسامه : يقلبي أنتوا
سلطان الي كان يعطي سعود نظرات حاده وفهم سعود قصده وقعدوا يتقهون ويتكلمون قامت ليان للمطبخ ونادت جوري وسلمى
ليان : وجع زمااان عنكم
جوري بضحك : يومين ترا
ليان بضحك : شفت عذابي فيهم وضحكت حسوا البنت بضيقه تجاهها وأنها تسوي نفسها قويه
سلمى : بنات بقولكم شي
جوري بحماس : وش
ليان : وش
سلمى بترداد : بعترف لسلطان
ليان غصت وقالت : بإيش
جوري بعدم فهم : ها
سلمى : ياخي لا تصيروا دلوخ بحبي له
غصت ليان زياده وقالت : اهااااا
سلمى بضحك : شفيك تغصين واجد
جوري بضحك تبغى تغير الموضوع : اقوولل روق المنقا
ليان بزعل بس مابينت انها تحس بمشاعر تجاهه : الله يهنيكم
سلمى بفرح : امييين
جوري عرفت زعل ليان وقالت : يبوي قفلي السيره خلاص عاد
سلمى : شفيك بيبي
جوري بضحك : امحق
دخلو تركي وسعود عليهم وقال تركي : يهلاااا باليونه
ليان ببتسامه مع ظهور غمازتها : يهلااا بتروك
تركي غمز لها وقال : إذا مو احلى تروك ماكون افهم
دخل سلطان عليهم بعز ضحكهم وقال ضحكوني معكم وقال تركي : لحول العجوز
سلطان رفع حاجبه : أنا عجوز يالصيده
جوري بضحك : اخس اخس يالكويتي
سلطان بضحك : شرااايك
جوري : حيلللل غويييي
سلمى بتدخل : واغوى من الغوي
سلطان : تسلمين
لف سلطان على ليان الي كانت تسمعهم وساكته واستغرب منها وقال شرايكم نطلع سينما اليوم ؟
سعود حضنه بقوه : يشيخ تفهم
تركي : سلطان ايلافيوووو
جوري : ييشيييخ تفهم
سلمى بفرح : تم تممم
لف سلطان على ليان وقال : وأنتي ليان
لفت ليان وقالت : تمام
ابتسم سلطان لها اهه ما أجمل الشعور وردت الابتسامه وشاف غمازتها وهنا غرق بطلنا
_______________
أتوقع لليوم تكفي بارتات 😚💕💕
* اي اخطاء املائيه تجاهلوها
يوم سعععَيد عليكم .
