في المساء 10:22 .
جوري : مو مصدقه تخيلي قالي بيجون عندنا
ليان : كيف يعني !
جوري : لا تستهبلين بيجون هنا
ليان : البيت
جوري : اي يغبيه
ليان : جوري انقلعي عني بنام تعباااانه قفلت جوالها ورسلت جوري رساله محتواها : ياخي نفسيه هش الله يعين زوجك عليك بس عند ليان الي شافت الرساله وماردت وسحبتها نومه
____________
عند سلطان طلع من الحمام (أكرمكم الله ) بعد ما أخذ دش راح طلع لها شورت ولبسه وسحب جواله من الطاوله الي جنب السرير راح غرد بالتويتر
- يوم شفتك خفت من عيني عليك من كثر سحر العيون الناعسه -
وقفل جواله ونام
___________
عند الجد
جاه اتصال من ولده مطلق : الو يبه
الجد محمد : هلا يوليدي
مطلق : عساك بخير يالغالي
الجد : بخير بخير انت شلونك شلون عيلتك
مطلق : والله الحمدالله ييبه
مطلق : يبه حنا بكرا ماسكين خط لعندكم
الجد : عز الله تنور نجد بوجودكم يوليدي
مطلق : والله منوره بوجود أهلها على عاد مابي اطول عليك
الجد : يلا فمان الله يوليدي
___________
عند جميله وزوجها عبدالرحمن
لفت جميله على عبدالرحمن وقالت :والله ياليان ذي محزنتني
عبدالرحمن : عاد أبوها الخسيس يبغاها
جميله : يويلي هو شيبي فيها مو كافي مسبب لها عقده المسكينه
عبدالرحمن : خلاص اقطعي السالفه
لف للجهه الثانيه
_________
عند سعود وجوري
جوري : يزق حط الفلم ذا
سعود : مابيه خايس
جوري تأففت : يشيخ وخر بس
سعود : وين ليونه
جوري رفعت حاجبها : شدخلك !
سعود : يليل تابعي تابعي بس
جوري جلست تفكر شوي وقامت
سعود استغرب : على وين أم ملفي
جوري شمقت له : أم ملفي بعينك بروح أنادي ليان
سعود : انقلعي
راحت جوري عند غرفه ليان ودقت الباب ونادت ليان : ليان لياااان فكي الباب ليان وهي نايمه وصحت من نومها على صوت دق الباب قامت وهي لابسه بجامه وشعرها مربوط ومنفوش شوي قامت فكت الباب ليان بعصبيه : هاااا هاااا يعله شتبين
جوري : ليييونه تعالي عندنا بالحوش قاعدين نتابع فلم
ليان بعصبيه : مصحيتني عشان فلم !!!!!!
جوري : تكفين ليان واسوي لك قهوه سوداء لمده أسبوع
ليان : أسبوعين وأوافق
جوري : وصخه طيب خلاص تم
ليان : اصبري بسوي شعري
جوري : يلا
ليان رحت الحمام ( أكرمكم الله ) غسلت وجها وفرشت أسنانها وخلصت روتينها المعتاد ورحت عند تسريحتها وعدلت شعرها وربطته كعكه وكانت لابسه بجامه ورديه واخذت شرشفها الأسود وحطته على كتفها
جوري : يلبييييه بس
ليان : اقول امشي بس هههههه
نزلوا تحت الحوش وكان فيه سعود وكأنو حاطين البلوجكتر ومسوين جلسه
سعود : ارحببوووو تراحيب المطر
ليان : البقى البقى
جوري : ول كل ذا عشان ليان يخسيس
سعود غمز لجوري : لأنها سبشل
ضحكوا الكل وجلسوا يتابعون فلم رعب وكأنو باليل وسمعوا صوت الباب ينفتح لفت ليان : يمه
جوري : في صوت والله
سعود الي كان يضحك عليهم فجاه يطلع الجد من غرفته جوري : خوفتنا يجد
الجد : هههههه بسم الله عليكم
ليان : وعليك
الجد : وراكم مانمتو بكرا عندنا ضيوف ليان وسعود مع بعض : ضيوف!!
جوري الي كانت مو مصدومه لأنها تعرف مين الضيوف لفت عليها ليان وفهمت مين الضيوف سعود سأل جده : مين الضيوف يجد
الجد : عمك مطلق وعائلته
سعود : اها حياهم الله
الجد : يلا قوموا صلوا الفجر وناموا وانا جدكم السهر ماهو زين
سعود : عالخشم
ليان : ابشر
جوري : سم
كل واحد راح يتوضى راح الجد يصحي باقي العائله للصلاه راح الجد جهه غرفه سلطان دق الباب : سلطان سلطان يوليدي الصلاه وانا جدك
سلطان الي نومه كان خفيف قال بصوت مبحوح اثر النوم : سم سم يجدي
قام سلطان جهه الحمام ( أكرمكم الله ) راح غسل وجهه ويتوضى
ولبس ثوبه وطلع من غرفته
___________
