عند أبطالنا
سلطان بحزن وهو يشفط سم الدخان : بتوافقين؟
ليان بصدمه منه سؤاله : مدري
سلطان : تكفين لا توافقين
ليان بصدمه ماهي مصدقه وش يقول وقالت بصوتها الناعم : ليه
سلطان : أبيك
ليان : كيف يعني
سلطان ماهو مستوعب وش يقول بس من خوفه يفقدها اعترف لها وقال : لياان والله أبيك مستعد أتقدم لك الحين لو تبين
ليان بصدمه ماعرفت وش تقول وهربت داخل سلطان الي استوعب وش قال وحس انه فقدها من غباءه مايدري انه خلى قلبها يرفرف من السعاااده هربت ليان داخل وراحت المطبخ عند البنات وجهها مصفوق من الصدمه
جوري مستغربه من شكلها : شفيك
ليان بتوتر : ها لا مافيني شي
شكت جوري ان اخوها له دخل بالموضوع وتجاهلت الموضوع كله وراحوا عند الحريم يكملون عزيمتهم بعد فتره دق الجد حازم على تركيه وقالها : يلا يحرمه مشينا
تركيه : يلا يلا طالعه
تركيه وهي تقولهم : يلا عاد اعذروني بروح عاد ردوا الزياره لنا
هدى ببتسامه: إن شاءالله يقلبي
جميله : ان شاءالله
ودعوها ودخلو الصاله وجاهم العيال كلهم وقال الجد : حازم خطب ليان لفهد
هدى ببتسامه : والله ونعم ولد ناس ومتربي
الجد : اي الله يوفقه
سلطان الي ماسك أعصابه على آخر شي وقام عشان ما يتفاعل وراح غرفته بعد ما استأذنهم ودخل غرفته
تحت عندهم
سعود : يوه ليان بتتزوج عاد
ليان بصدمه : وخر ماني متزوجه
هدى : وليه ان شاءالله
الجد بستغراب : هدى ! خلي البنت براحتها
جوري وهي تسحب ليان معها لغرفتها ولحقتهم سلمى وقفلوا الباب وجلسوا ليان : مااابي اتزوج
جوري : صدق مالومك
سلمى : افا افا ليه ماتبين
ليان : مابيه مااابيه
جوري غمزت لليان لأنها عارفه من تبي حبيبي القلب وميين غيره سلطان اكيد
ليان : أنا بقول لجدي أنا مابغى
جوري : كيفك عاد
سلمى : غبيه
راحت ليان لجدها مسرعه وجلست جنبه وقالت : جدي
الجد : سمي يبنتي
ليان بحيره : مابغاه
الجد بستغراب : ليه ليه يبنتي
ليان : ماني مرتاحه مررره
الجد : اجل خلاص براحتك خلي يمر يومين ونرد لهم
ليان وهي تبوس جدها بخده : احبك والله احبك
ضحك الجد على حركه حفيدته وراحت ليان غرفتها سوت روتينها المعتاد ونامت
عند بطلنا الي جلس يفكر باليان وهل بتوافق ولا بترفض وش بتكون ردة فعله لو وافقت بعد مصارعه مع نفسه قرر ينام وعدل وضعيته ونام
بعد مرور يومين
رد الجد على حازم وكتب له : السلام عليكم والله اعذرني ياخوي البنت مارتاحت والله يوفق فهد و الجميع يارب
شاف حازم الرساله الي كان منتظرها وقال لاهله مانخبي ان فهد زعل لأنه كان وده فيها بس تخطى
رد عليه حازم : وعليكم السلام معليه اسأل الله ان يوفقها ويسعدها يارب
عند بطلتنا
شالت جوالها ونزلت تحت لقت العائله مجتمعين كالعاده إلا سلطان راحت سلمت عليهم وجلست إلا فجاه يجي سلطان ويسلم عليهم وقاطع صوتهم صوت الجد : أنا رسلت لهم رفض ليان
جميله : الله يوفقه يارب
عبدالرحمن بحده : عاد كان خوش رجل وليه رفضتي
ليان بتوتر : مارتحت والله يخال
طالع سلطان أبوه وكان وده يتكلم بس بالنهايه يبقى أبوه واختار السكوت
الجد بحده : لا تتدخل يا عبدالرحمن
هدى حبت تلطف الجو : ليونه وشرايك تسويلنا تشيز كيك من يدك
جوري : اي اي بالله
تركي : عاد صدق مشتهيه من يد ليان
ليان ببتسامه مع ظهور غمازاتها : ابشروا
اشرت ليان لجوري وسلمى ولحقوها يساعدونها وسألت جوري سؤال عشوائي : بنات قد حبيتو
سلمى ببتسامه : للحين احب
ليان : اخص اخصص الورعه
سلمى استحت : موهينه أنا
جوري : وميين سعيد الحظ
سلمى بصوت خافت : اخوك
جوري بستغراب: ها اخوي اخوي مين ؟
سلمى : سلطاااان ياخي
شرقت ليان على إجابتها وسالتها : وهو يبادلك
سلمى : لا ماعترفت له
ليان بغيره : اها كويس
جوري بصدمه : مالقيتي إلا سلطان
