الصبح في القصر تحديدا بغرفه بطلتنا ريفان :
صحت ريفان وغسلت وجهه وصلت وسوت روتينها المعتاد بالبشره و لبست بنطلون ابيض و بلوزه ورديه وحطت شوي مكياج و سوت ويفي لشعرها القصير وكبارا طقت الباب
ريفان : ادخلي
ميرال : الله الله شذا الجمال من الصبح
ابتسمت ريفان : شرايك بس
ميرال : مزه مزه ياحظ الي بياخذك
ريفان : ثانكس
ميرال :ولكم الا صح جايه بقولك فكره
ريفان : قولي
وجلست على السرير ميرال ونطقت : شرايك نروح سطبل خيول
ريفان : والله فكره
ميرال : بس جوجو ما قامت لسه نايمه و اسيل راحت تقول عندها محكمه اليوم و اثير تحت
ريفان : ماشاءالله ونتي شاطره تراقبين الناس
ميرال : شسوي طفشانه
ريفان : امشي نفطر بالمطبخ الي بدور حقنا بدال ننزل تحت وًنشوف اذا قامت جود
ميرال : يلا
وراحو المطبخ
ميرال : اممم شنسوي فطور
ريفان : مدري
ميرال : بسوي وافل تبين ؟
ريفان : تم ونا بسوي v60 اثيوبي تبين؟
ميرال : يلا
وبدو يطبخون وشغلت ريفان اغنيه وصارت تغني
صدفه ومن بين كل الناس علقنييييي
من يوم شفته وعينيي جات في عييينه
حسيت شي بعيونه حييييللل يجذبنيييي
وكان تركي واقف عند الباب ويسمعها تغني ويتاملها ويقول بينه وبين نفسه : يلبى على الصوت و الجمال من الصبح ارفقي بحالي يابنت سعد
ولفت ميرال و شافت تركي وصرخت : يمهههه من متى هنا
ابتسم تركي : من يوم بدت تغني ريفانو
استحت ريفان ونطقت ميرال : الله الله ريفانو بعد
تركي : وش تسوون جوعان
ميرال : انزل تحت شف مسوين فطور
تركي : ونتم وش مسوين يعني
ميرال : ذا فطوري انا و فوفتي
تركي بعصبيه : هي وش فوفتي قولي لها ريفان !
ميرال : ونت شكو لايكون حبيبها على غفله تراك طرف ثالث هش هش
ريفان : شفيك على الولد هدي
ميرال : بحبيبتي يعيوني انتي ذا مثل فهد نفس الطبع ما ينفع معهم الا كذا اخوي و اعرفه
تركي : توك تدرين اني اخوس
وجا فهد : وش الريحه ذي
ميرال : خذلك جا الثاني
تركي : جيت بوقتك ريفان مسويه v60 و ميرال وافل
فهد : الله ابي جوعان
ريفان : تمام بسوي لكم تجلسو
ميرال : هييي انتي وش الي اجلسو و تمام
ريفان : حرام مساكين خلينا نسوي لهم معنا
فهد : اي اي مساكين
ميرال : قلبتي جود فرع ريفان
وجت جود : وش فيني
وضحكو ونطقت ميرال : والله لوني جايبه طاري المليون ابرك
جود : اقول اخلصي شفيني
ميرال : سلامتك
وافطرو ونزلو تحت
في الصاله :
وهم يمشون بدرج ريفان لمحت عز و زايد وراحت ركض قبلهم
فهد : شفيها ذي كانه كلب يلحقها
ميرال :لانها شفات عز و زايد وراحت قبلنا
وراحو لهم وحضنت ريفان زايد
ريفان : اشتقت لك وينك مختفي
زايد : والله اشغال دنيا
ريفان ميلت شفايفها : زعلانه منك ترا
تركي ابتسم من شافها ودقه فهد : ولد اثقل
تركي : طيب طيب
زايد : افا تزعلين لا ما يرضيني زعلك
عزوز : زايد كانك ما تعرف اختك اذا جت انت اصير دلوعه وتقلب شخصيه ثانيه لانك معطيها وجه بزياده
شمقت له ريفان ونطق زايد : ونت شعليك فيها خلها تصير دلوعه
طلعت لسانها ريفان : اننن تستاهل غيران مني
وضحكو
ريفان : دودي
زايد : عيونه
ريفان : وين ارياف
زايد : والله كانت ودها تجي بس جت امها لها
ريفان : يروحيً هي هات عز
واخذت عز وحطته بحضنها وجلست تبوسه وتلعبه
تركي بينه وبين نفسه : ليتني مكان عز
فهد : ترا سمعتك
تركي : طيب استر
ميرال : ريفان جيبي عز
ريفان : لوء ذا حقي انا صح دودي
زايد: اي حق ريفان شتبين انتي
ميرال : عشتو وليه ان شاءالله حقها ارياف لي جابته مو هي
علي : بنتي شفيك على ريفان بنهايه عمته
ميرال : جدو حتى انت واقف معها
علي : انا مع الحق يابنتي
ميرال : ليت مشاري فيه
وضحكو عليها
ريفان : الا صح جدو بطلبك طلب
علي : اطلبي
ريفان : انا و البنات نبي نروح الاسطبل عادي ؟
علي : اي عادي ليه لا اختارو مين يوديكم
ميرال لفت على العيال : يلا من فيكم فيه خير يودينا !
العيال يطالعون بعض وقالو كلهم بيروحون
ميرال : انتم شكلكم بط لازم تمشون مع بعض ولا محد يروح
فهد : حنا نبي نروح طيب ؟
ميرال : اقوم اتجهز احسن لي
وقامو لبسو ميرال لبست بنطلون اسود وبلوزه بيضه وعبايه صفرا وطرحه بيضه وسوت شعرها ذيل حصان واما بطلتنا بحكم انو شعرها قصير خلته ويفي ولبست كاب ابيض وعبايه ورديه وشورت ابيض وبلوزه ورديه وطرحه بيضه و بوت وردي اما عند جود لبس جمبسوت عنابي و بلوزه بيضه وبحكم شعرها وسط سوت شعرها نصه مربوط و نصه استريت وعبايه سودا وطرحه سودا ونزلو البنات وكانت كل وحده اجمل من الثانيه
هنوف : بسم الله عليكم حلوات كل وحده احلا من الثانيه الله يحفظكم من العين
ردو : امين
اثير : بنات العيال برا ينتظرونكم
وطلعو وركبو
وارسل عزوز ل جود بسناب
عزوز : يلبيههه وش ذا الجمال اغار ترا اغار
جود استحت وردت بقلب
وكان تركي يناظر ريفان بمرايه وانتبهت له ريفان انه يناظرها وقالت بينها وبين نفسها : هذا شفيه يناظرني شوي و ياكلني
وصلو الاسطبل وكلهم نزلو
في الاسطبل :
ريفان راحت تركض ل حصانها لونها ابيض ومسميته ادهم و ميرال راحت تركض ل حصانها البني مسميته رحب و جود نفس الشي راحت ل حصانها الاسود ومسميته بهاج
عند جود:
جا عزوز عندها
عزوز : من يوم ونتي صغيره تحبين الخيول
جود : اي احبها
عزوز : هي اغار
جود ابتسمت : خبل انت كل شي تغار منه
عزوز : اي كيفي
ابتسمت جود و ركبت بهاج وصارت تمشي فيه و عزوز ركب حصان وصار يمشون جنب بعض و يسولفون
عند ميرال :
جاها فهد
ميرال : من الحين اقولك اذا جاي تحارش فا انا مو فاضيه لك
فهد : لا بس جاي اشوف
ميرال عقدت حواجبها : وش تشوف ؟
فهد : كيف تركبين الخيل
ميرال : شقصدك ما اعرف
فهد : يمكن
ميرال : امش نسوي سباق
فهد : يلا
وقعدو يركضون بالخيول
عند ريفان :
جا تركي
تركي : ابي افهم شي
ريفان : شنو
تركي : من يوم كنا صغار ونتي بس متعلقه ب ادهم
ريفان ابتسمت ولفت على ادهم : اي متعلقه فيه لان هو الوحيد الي يفهمني كنت اذا متضايقه اجي عنده ولين الحين ونا نفس الشي
ابتسم تركي وركب ادهم ونطق : اركبي
ريفان : ليه
تركي : نمشي
ابتسمت ريفان : تمام
وركبت وًصار ورا تركي ومسكته مع ظهره ويمشون
ريفان : تركي عادي اسال سوال
تركي: اسالي
ريفان بفضول: ليه عصبت امس اوكي عرفت انو جود زعلانه عشان غارت بس انت ليه ؟
تركي : تبين الصدق
ريفان : اي
تركي وقف ادهم ولف على ريفان
تركي : شفيك وقفت
تركي : الصراحه مدري ليه عصبت يوم قلتي ل عزوز حبيبي
ابتسمت ريفان وفهمت انه يحبها بس ما يبي يقول : امممم متاكد ما تدري
تركي : اي متاكد
ومشى ب ادهم
وسمعو صراخ قوي و ...................
