وصلت رساله ل ريفان من تركي انه عند الباب وراحت قالت ل البنات ولبست عباتها وطلعت
في السياره :
تركي : ارحبي
ريفان : البقى وين بنروح
تركي : بوديك مكان يجنن
ريفان : وين طيب
تركي : تشوفين بعد شوي
ريفان : تمام
تركي : الا قولي لي كيف الشاليه
ريفان : تخيل
تركي : تخيلت
ريفان بدت تقوله كل شي صار وكيف ميرال ضربت زينب وتركي كان يسمع لها بكل حب
ريفان : بس والله تستاهل
تركي : اهم شي ميرال اخذت حقك
ريفان ابتسمت : اي الحمدلله ميمو كفو
تركي : بروح اشتري من الكافي تبين ؟
ريفان : اي تكفى ابي v60
تركي : من عيوني
و وصل عند الشباك
العامل : وش طلباتكم
تركي : ابي اثنين v60
العامل: شي ثاني ؟
تركي : لا
العامل: شبكه ولا كاش
تركي : شبكه
العامل: تفضل الشباك الثاني
وراح تركي الشباك الثاني و اخذ المشروبات وحطها بمكان الاكواب بسياره { يارب فهمتوني 😭} و وصلو مكان ونزلو وكان المكان هادي ومافي الا صوت البحر وفرشو الفرشه و جلسو
ريفان : تركي
تركي : لبيه
ريفان : شكرا على كل شي سويته
تركي ابتسم : العفو ما سويت شي وهذا قليل بتشوفين اشياء ثانيه
ريفان عقدت حواجبها: وش باقي
تركي : كل شي بقوته يحلوه
ريفان : نشوف
تركي ابتسم : رفوني
ريفان : هلا
تركي : تخلقين فيني حُب الحياة وانتي الحياة الي احبها
ريفان ابتسمت و استحت و نزلت راسها
تركي : ارفعي راسك
رفعت راسها ريفان ودق جوال تركي ورد وكانت ميرال وقفل المكالمه
تركي لف على ريفان : يلا رفوني خل نمشي
ريفان: ليه
تركي : خل نروح ناخذ البنات من الشاليه بعدين اوديكم القصر و اروح المزرعه
ريفان : تمام
و وقفو وبدو يشيلون الاغراض و تركي ربط ثوبه على خصره و وبدا يشيل الفرشه و ريفان من شافته عضت على شفتها وسرحانه فيه
تركي ابتسم : ريفان وين وصلتي سرحانه
ريفان : لا ولا شي يلا
وركبو وطول الطريق الصمت سيد المكان وصلو الشاليه
تركي : ريفان ادخلي ناديهم
ريفان : طيب
ونزلت تناديهم وركبت وركبو معها وشغلت ميرال اغنيه وبدو يغنون و وصلو القصر وكل وحده راحت ل غرفتها تغير لبسها و تمسح المكياج ورجع الجد و العيال البيت
في الصاله:
ميرال كانت تقول كل الي صار ل اسيل
اسيل : كفو كفو اي هاذي بنت محمد
ميرال بغرور : كفوك الطيب
جود ضحكت : بس والله قهر نسيت اصور لك اشكالهم و خصوصا زينب و شعرها وخشمها حاله ثانيه
وضحكو
فهد : اما ميرال سوت كل ذا
ميرال رجعت شعرها على ورا : انا بنت محمد مستحيل اخلي احد يضايقنا
تركي : اي وريهم وجهك الثاني
اثير : ذولي فشلونا ونتم تعززون بدال ما تقولون لهم اعتذرو!
رائد : منجدك يعتذرون منها وهي الغلطانه اثير انتي قلبك ابيض بزياده
عبدالرحمن باس راس ريفان ولف على ميرال : بس والله انك كفو دافعتي عن ريفان
ريفان ناظرت عبدالرحمن: انا كنت بتهاوش معها بس عشانها قالت وسكتت
وناظرها عبدالرحمن وفهم عليها وباس يدها : معليك منها ذي تدور المشاكل
ريفان ابتسمت : دحومي بكرا عندك دوام
عبدالرحمن: اي مع الاسف
ريفان : قهر كنت ابي اطلع معك
رائد: ونا وش مرايه عندك
عزوز : اي حنا وش عندك مرايه ولا بس تحبين عبدالرحمن
ضحكو
عبدالرحمن: شدخلكم خلوها تحبني
ريفان طلعت لسانها : اننن احب دحومي اكثر منكم
وقامت تركض و عزوز و رائد يلحقونها والباقين ميتين ضحك
ميرال : شفتو هم توم وجيري مو انا و فهد
فهد : صادقه بس شاطرين يضحكون
وجت ريفان وحضنت عبدالرحمن: دحوميييي شوفهممممم
عبدالرحمن: ابعدو عن رفوني يلا هش
رائد : اوريك اوريك خلي عبدالرحمن يروح محد بيفككك مني
عزوز : ونا معك
ميرال : حشى وش الي انا معك عرض انتم اشتري واحد و واحد مجانا
وضحكو
اثير : يلا قومي نامو بس
وكل واحد راح ينام
_______
اسفه بارت قصير
بس لا تنسون ⭐️
