وبعد ما خلصو طلعتهم رجعو البيت بدون احداث تذكر وجا اليوم المنتظر ملكه ابطالنا
الظهر في غرفه ريفان :
كانت ريفان صاحيه وتحط مسكات شعر و وجه عشان ملكه اليوم وتغني وترقص ودخلت عليها جود
جود : اشوفك مروقه
ريفان : اي الحمدلله
جود ابتسمت : جعلها دوم الروقان
ريفان ابتسمت: امين وياك
جود : اسمعي تعالي المطبخ الي فوق انا و البنات صاحين بنسوي غدا
ريفان : يلا روحي ونا دقيقه وجايه
جود : تمام
وطلعت و ريفان عدلت شكلها و طلعت
في المطبخ :
كانو البنات يسوون غدا و يضحكون و يسولفون و دخلت ريفان
اسيل : نورت عروسه اليوم
ريفان : نورج حب
ميرال : اسمعيني زين فوفو
ريفان : عيوني
ميرال : خليس مسيطره عليه واذا رفض لس كلمه اطلبي الطلاق وخليه خاتم بصبعك
اسيل : معليك منها ريفان لا تصدقين ذي المجنونة تبي تخرب بينكم
جود : لا اسيل ميمي صادقه خليها تصير مسيطره عليه لا يسيطر عليها ويتحكم فيها
ريفان عقدت حواجبها و مو فاهمه شي ونطقت : مافهمت يعني انتم تنصحوني ولا تحرضوني
ميرال : افا افا ريفان انا احرضك على اخوي لا مين قال انا قاعده انصحك فقط
اسيل : لا ابد واضح نصيحه
وندخل فهد وعبدالرحمن عليهم
فهد : وش صاير
اسيل : ميمي و جوجو يحرضون ريفان على تركي
جود : لا اسيل قصدها ننصحها
عبدالرحمن حضن ريفان : لا تسمعين كلامهم اهم شي هو يحبك وانتي تحبينه
ريفان ابتسمت : دحوم بتجي الملكه ؟
عبدالرحمن: اكيد بجي لملكه اختي الحلوه و المواعيد باجلها
ودخل عزوز ونطق : مجتمعين بدوني وش عندكم
ميرال : وش تشوف انت يعني وش عندنا اليوم
عزوز : ترا سالت بس
اسيل : المهم ما علينا يلا كل واحد يروح يشوف شغله
وكل واحد راح
وبعد مرور وقت بدون احداث تذكر و جا المغرب وابطالنا جاهزين
جا الشيخ و بدا مراسم الخطبه و راح سعد عشان ريفان توقع
في المجلس الصغير :
كانت ريفان خايفه و متوتره ومعها امها و اسيل وجا سعد
سعد : هلا حبيبه ابوها
ريفان : هلابك
سعد : وقعي
ريفان اخذت الكتاب و وقعت و رجعته ل ابوها
سعد : يلا ترا بيجي تركي يشوفك
ريفان ابتسمت: تمام
وراح سعد ونطقت هنوف : يلا يعيوني انا و اسيل بنكون برا اذا احتجتي اي شي قولي لنا
ريفان : سمي
وطلعو و دخل تركي وهو الابتسامه شاقه وجه وجا عندها وحضنها وبادلته الحضن
تركي : اخيراااا صرتي حلالي و حرمه تركي
ريفان : احبك
تركي : اهخخخ اعشقس و اهواس و اموت فيس
ريفان : تركي
تركي : لبيه يروح تركي
ريفان: انت متوتر مثلي ولا بس انا ؟
تركي ضحك بخفه : حبيبتي هذا التوتر يجي ل الكل
ريفان : اها طيب متى تجي المصوره
ودخلت المصوره ونطق تركي بصوت هادي : والله لو طاري المليون افضل
ضربته ريفان بخفه : عيب عليك
المصوره : السلام
ردو : وعليكم السلام
المصوره : وش حابين نبدا فيه
ريفان : نصور وحنا نلبس الخاتم
المصوره : تمام
وبدو يصورون وبعد ما خلصو كل الصوره وراحت المصوره
تركي : ودي انام
ريفان : منجدك !
تركي : اي
ريفان : ترا بسوي لك خلع
تركي ضحك : ليه ان شاءالله
ريفان تمثل الزعل : عشانك بتنام وتسحب علي وعلى الملكه
تركي : يلبى الزعلان
ريفان ضربت كتفه بخفه : ما توفر يراسي
تركي : يلا انتي روحي ل الحريم ونا بروح ل الرجال
ريفان : تمام
تركي : قبل ما اروح اسمعي
ريفان : لبيه
تركي : انتبهي لنفسك وحصني نفسك عيون الناس ما ترحم واي احد يزعلك او يهاوشك او يسوي لس شي تعرفين شنو تسوين صح ؟
ريفان : لا شنو
تركي : تدقين علي
ريفان : حاظر ونت بعد انتبه لنفسك لا تتهاوش مع احد واذا بغيت اي شي دق
تركي ابتسم: من عيوني
وطلع تركي و راحه ريفان عند الحريم وبدو يرقصون البنات و يغنون ومعهم ريفان
عند الرجال :
جا تركي وشاف العيال وراح عندهم
عزوز : جا زوج اختي
تركي : يوه نسيت انت بتصير خال عيال
عزوز عقد حواجبه : وش فيني ؟
تركي : لا ابد بس تخيلت كيف بتصير خال
عزوز : احسب بعد
فهد : الا صح وش شعورك يا تركي
تركي : فرحان ودي الحين اطير تصدق
ضحك زايد : صدقني بعدين بتقول مابي اطير
تركي : لا معليك انا قد الزواج اصلا
رائد : نشوف بعد كم تجي تقول انا مو قد الزواج
مشاري : خلو الولد يفرح شوفو انا الحمدلله بخير ونعمه وقد الزواج
الحين معي بنت
فهد : انا اقول امشو نرقص
وراحو وبدو يرقصون دبكه وضحكون و الي يصورهم
وبعد مرور وقت بدون احداث تذكر من فرحه
في اخر ليل بغرفه ريفان :
كانت ريفان تمسح مكياجها وتسوي سكن كير ودق باب الغرفه
ريفان : ادخل
ودخل تركي وقال : شتسوين
ريفان: سكن كير
تركي : اها
ريفان : غريبه ما نمت
تركي : ما جاني النوم واشتقت النوم بحضنك
ريفان : بس يا وصخ
تركي : وش وصخ تراس حرمتي و زوجتي وحبيبتي وحلالي
ريفان : اي زين عرفت عرفت بس اسكت
تركي : نشوف
وخلصت ريفان وجت عند تركي بالسرير
ريفان : لايكون بتنام عندي ؟
تركي : اي
ريفان : تمام بس قم قفل الباب
تركي : بشرط
ريفان : وش
تركي : انام بحضنك
ريفان : من عيوني بس قم قفل الباب لا يدخل احد
قام تركي وقفل الباب رجع انسدح على حضن ريفان
تركي: واذا دخل احد ترا عادي انتي حلالي حلالي افهمي
ريفان : اي ادري بس احس احراج
تركي : انا اقول نوميني احس
ريفان : من عيوني
وبدت تنومه وتلعب بشعره لين نام ونامت معه
في غرفه عزوز :
كان عزوز جالس يلعب ببجي بالجوال ودق الباب غرفه عزوز
عزوز : ادخل
ودخلت جود وابتسمت و ابتسم عزوز من شافها وسكرت الباب وجت عنده تركض وحضنته
عزوز عقد حواجبه: جوجي شفيس يروحي
جود ببكي : عزيزز
عزوز : عيون عزيز
جود ببكي: الجامعه رفضتني
حضنها عزوز : يقلبي يمكن فيه خيره محد يدري ومعليك بتنقبلين ان شاءالله
جود : بس انا نفسي بذي الجامعه حلمي من زمان
عزوز : ادري يروحي بس انتي اهدي و ارتاحي وبكرا نرجع نرسل لهم يمكن يقبلونس
وعزوز بدا يقرا عليها و يمسح على شعرها لين نامت
______________________________
لا تنسون ⭐️
واخيرا رتبت جدولي وخصصت وقت عشان انزلكم بارتات انتظروني راجعه بقوه بإذن الله 🤍.
