الظهر في الصاله :
علي : غريبه وين اثير بالعاده تنزل تقهوى معنا
هنوف : نايمه
علي : فيها شي تعبانه لان مو من عاداتها
اماني : والله ياخالي البنات و العيال ما نامو الا متاخرين وكان معهم عبدالرحمن و اثير
علي : روحو صحوهم عندي عزيمه اليوم و المزرعه تبي ترتيب !
هنوف : يبه الله يهديك تونا الظهر و شمس و حر خلهم ينامون اذا صار العصر نصحيهم
علي : فيصل قم شغل السياره ابي اروح الشركه اخلص كم شغله
فيصل : سم يبه
علي بعصبيه : انا بروح الشركه واذا جيت و ذولا ما قامو ترا مايصير لهم خير
ردو : سم
وراح فيصل و علي
هنوف : بقوم اشوف العيال
لطيفه : ونا بشوف البنات
اماني : اجل اجهز الغدا ؟
هنوف : اي الله يعطيك العافيه
وراحو
في غرفه عبدالرحمن:
دخلت هنوف تصحي عبدالرحمن الا تشوف ريفان نايمه عنده وبحضنه وابتسمت من شافتهم وبدت تصحيهم
هنوف : عبدالرحمن ياوليدي قوم بتتاخر على المستشفى قوم ريفان يمه قومي جدكم بيجي يعصب قوموو
قام عبدالرحمن: الساعه كم
هنوف : 12 الظهر
عبدالرحمن : وراس يمه مقومتني تو الوقت
هنوف : ابوي يقول لازم تقومون الحين قبل يجي من الشركه
قامت ريفان : مامي ابي انام
هنوف : قومي بس جدك بيعصب عليس
عبدالرحمن باس راس امه وراح يتوضى ونفس الشي عند ريفان وطلعت هنوف
في غرفه تركي :
دخلت هنوف و شافت تركي نايم وبدت تصحيه قام تركي وشاف الساعه 12 الظهر
تركي : مساء الخير عمه
هنوف : مساء النور
تركي : عمه وراس تقوميني الحزه
هنوف : ابوي يبيكم راح لشركه وبيجي ومعصب يبيكم تقومون
تركي : اجل دام الموضوع فيه جدي اقوم اصلي قبل يجي
هنوف بضحك : يالله يمديك
تركي ابتسم وراح يتوضى
في غرفه البنات :
دخلت لطيفه تصحي اسيل و ميرال و جود وبدت تصحيهم
اسيل قامت وتصارخ : الساعههههه كممممم
جود فزت: وجع ليه تصارخين خرشتيني
ميرال : اسكتوووو ابي انام
لطيفه: بسم الله عليس الساعه 12 الظهر وراس يبنتي تصارخين
اسيل : ااا اسفه ياخاله بس حسبت راح علي الوقت عندي قضيه
ابتسمت لطيفه : اجل قومي تجهزي امك مسويه الغدا وجدك يبيكم بعد شوي راح لشركه
اسيل ابتسمت : تمام
جود : ماما بالله شنو يبي جدو
ميرال : اكيد يبينا نكرف كانك ما تعرفين جدي
لطيفه : مدري وش يبي بس اذا جا نشوف يلا قومو
ردو : تمام
وقامو يغسلون
في غرفه عزوز :
دخلت هنوف و بدت تصحي عزوز وقام
عزوز : يمه مافي جامعه ابي انام
هنوف : قوم لو ابوي يجي وانت لسه نايم بعصب عليك قم
عزوز : يمه وش يبي جدي
هنوف : قوم صل وتعال وشف بنفسك
وقام عزوز وهو يتافف
في غرفه اثير :
دخلت لطيفه تصحي اثير وقامت اثير
ابتسمت اثير : يالله مساء الخير
لطيفه : مساء النور
اثير : يمه الساعه كم بالله
لطيفه : 12 الظهر
اثير مسكت راسها : ياويلي راحت علي نومه
لطيفه : معليه معليه اهم شي نمتي
اثير : اي الحمدلله نمت
لطيفه : اسمعي جدك يبيكم كلكم تحت بيجي بعد شوي من الشركه ويبيكم وترا سال عنس
اثير : حاظر بس بقوم اصلي و اغير لبسي وجي
لطيفه : زين
