بهاج مسك شعرها ونطق بصراخ :الولد الي كنتي تطلعين معه !! نسيتي ولا ليكون فيه اكثر من واحد ركبتي معه !
العنود بصدمه ودموع :والله العظيم اني ماطلعت مع احد
بهاج شد شعرها ونطق :قولي لي ليش هربتي من عند جدتك
مسكت العنود يده وفكته عن شعرها : أنا هربت من جدتي لاني كنت انضرب منها ومخليتني مثل الشغاله
بهاج ضحك : لانك طالعه مع رجال لو اني بدالها ذبحتك
العنود صرخت في وجهه بهاج :اي رجال تستهبل انت ماقد طلعت مع احد !
بهاج مدري ليه حس انها صادقه من ملامحها وتركها وقفل الغرفه عليه ونوره تصارخ في وجههه
:عنوددددد وينننن شسويت فيهااا
بهاج سحب عليه رغم سلوب نوره السلبي اتجاه بهاج
راح بهاج يهدي نفسه وادرك انه ما اخذ من خوال العنود دليل على صحة كلامهم !
راح بهاج للديره لانهم خوال العنود راحوا لديرتهم
بعد اربع ..
عند نوره الي تكلم العنود من ورا الباب وما تسمع صوتها
وعند العنود المحبوسه في الغرفه تحس عظامها متكسره من ضرب بهاج
عند الجد الي يتوعد في العنود وعياله يهدونه علشان مرتفع الضغط عليه
عند ام راشد الي ماتدري وش السالفه بس تدور مفتاح يفتح الباب ويشوفون العنود
عند راشد وعيال عمه الي يتصلون على بهاج وما يرد عليهم وخايفين عليه وش صار معه
عند بهاج واقف عند بيت الجده نوير له ساعتين ينتظر عيالها
بعد مرور يوم كامل >>
عند بهاج الي يراقب تحركات خوال العنود وناسي العنود
عند الجد المنوم في المستشفى بسبب ارتفاع الظغط وهبوط السكر
عند ام راشد ونوره اول ماعرفوا الحقيقه يحسون ان مستحيل العنود تسوي
عند عمام العنود الي كارهينها ولو شوفها ذبحوها
وعند عيال العم نواف وثامر وخالد وراشد يبحثون عن بهاج
عند البنات ريناد وساره ومشاعل ولين ونوره وام راشد وام نواف وام خالد كل وحده تقول العنود مستحيل تسويه لان يعرفون العنود تربت على يدهم ومن ناحيه ثانيه خايفين على الجد ناصر
عند الطير المكسور الملاك الذي قاعده يصارع الموت العنود
مقدرت تتحرك بس جالسه على الارض يدها توجعها وجهها مليان كدمات وأنفها يصب دم والجوع صارعها يوم كامل ما اكلت شي ! قامت العنود وبالقوه تسحب رجوالها ودخلت الحمام "يكرم القارئ " وكانت ماتقدر ترفع يدها من الالم مسكت العنود مقبض الباب تحاول فتحت لكن حيلها مهدود ولا قدرت
(معلومه بيت ابو راشد مسوي للعنود قسم حمام وغرفة)
طاحت العنود وكانت عيونها تغبش بس اصرت انها تقوم
وجت بتقوم على يدها الي توجعه بس الالم كان قوي كانت ماتقدر تصرخ بسب الالم والجوع ولا قدرت تفتح فهما حاولت مره ثانيه تقوم قامت ولكن اول ماقامت الدنيا صارت ضلام وطاحت على الارض وصقع راسها بحافة الطاولة
بعد مرور خمس ساعات
الساعه ٣صباحاً >>
بعد ماالكل رجع بيته وجاء ابو راشد ونفسيته بخشمه وراح لغرفته بعد ثلاث دقايق لحقته ام راشد وغطوا ب النوم
نوره في حاله انهيار كان ابوها منعها تروح لغرفة العنود ولكن تاكدت ان ابوها نام وراحت لغرفة العنود وحاولت تناديه لكن مافيه صوت نادته مره و ثانيه وثالثه نادته اكثر من عشر مرات لكن ما سمعت صوته وفز قلبه ليكون فعلاً ماتت
انطلقت لغرفته اتصلت على بهاج المره الاولى لكن مارد واتصلت المره الثانيه ورد
بهاج بعصبية:نعم !
نوره بدموع وانهيار وكلامها مقطع :به..اج (بهاج )
(بهاج كان ناسي العنود انشغل ب المراقبه
بهاج بخوف :علامك ليش تبكين؟
نوره بدموع :العنود
بهاج تذكر العنود وتوقع انهم فتحوا الباب لها
نطق بعصبيه : وش مسويه لك !!
نوره :ماتتكلم من يوم رحت شكلها ماتت
بهاج فز بخوف :ليههه ما فتحتوا لها الباب ؟؟!!!
نوره :انت مقفل عليه وماله حس من يوم رحت !
بهاج سكر الخط وانطلق للشرقيه توقع العنود ماتت وكان يصارع الندم لان حس ان العنود مظلومه من تحركات خوالها بس يبي يتأكد
وصل الشرقيه على حدود اذان الفجر وكان ضميره متقطع
دخل البيت ركض وراح لغرفة العنود وفتحها وهنا انصدم من المنظر ما قدر يتحرك لمدة دقيقه من الصدمه كانت العنود طايحه على وجها والمكان كله دم
ركض له وقاس النبض لكن مافيه نبض
عند نوره ضمت رجوالها وقعدت تبكي حست بصوت احد دخل البيت وكانت عارفه انه بهاج انطلقت لغرفته وما حصلته وراحت لغرفة العنود ودخلت وشافت المنظر قدامها !! صاحت ب اعلى صوتها وركضت لها فز بهاج من صرختها
قامت ام راشد ابو راشد ركض لغرفة نوره لكن ما حصلوها وعرفوا الصوت جاي من غرفة نوره ركضوا لها وشافوا منظر الدم والعنود بحضن بهاج ونوره ماسكه يدها تصيح وبهاج يحاول يسعفها
ابو راشد على غضبه من العنود إلا انه حس بالذنب وان راشد قعدت تصارخ وجلست على ركبها شالها بهاج وركض خارج البيت حطها في السياره وكانت نوره في حالة انهيار وقلبها مليان عتاب لابوها وابو راشد كل ماقرب من مكان الدم يقشعر جسمه ولكن
شكله الخارجي مايدل على كذا قرب من نوره يب يرفعها لكن صرخت في وجه ابوها كن عتاب السنين محبوس في قلبها
نوره بصراخ :البنت مضلومههه بس انت متى فهمتني علشان تفهما كم مرره قلت لك العنود ماتسويه كل اسرارها عندي ومستحيل تسوي ذا الشي لو فعلاً طلعت مع ذا متوقع ان خوالها بيسكتون اقل شي يسونه يذبحونها لان يبون مال اليتيم
،ابو راشد كان ساكت ولا نطق بحرف عكس العواصف الي بداخله
صرخت ام راشد وهي جالسه على الارض حاظنه نوره : انت اكثر واحد تعرف انهم يكرهون البنت وناشبين بحلقها الي يخربون حياتها ، معهم دليل طيب وين الدليل
ابو راشد كان ساكت وتذكر انهم فعلاً ما عندهم دليل بعدها جاته لحظة ادراك (مين قال لهم ان العنود مخطوبة السالفه على بعضها مو مركبه !) طلع ابو راشد وركب سيارته وكان قاعده يفكر ب الموضوع الي مو راكب على بعضه قرر يرسل في قروب العائلة
قروب العائلة
ابو راشد "بكره الساعه ٨:٣٠الكل يكون موجود بيت ابوي
راشد "جدي فيه شي!
ابو راشد "لا مافيه شي بس اجتماع العائلة كلها
سكر جواله لان الكل نايم اول مايوصلون الفجر بيشوفون الرسال
عند بهاج بعد مادخل المستشفى وبحضنه العنود وقعد يصارخ
جيبوا سرير !
جابوا سرير وحطوا العنود فيه وكان ثوب بهاج مليان دم
الممرضه صراخ :جيبوا الدكتورررر بسرعههههه
الممرضه ٢تقيس النبض: النبض قليل
بهاج يدف السرير معهم :استعجلوا بسرعهههه
دخلوا العنود العنايه المركزه..
بعد مرور ثلاث ساعات والعنود بالعنايه المركزه وبهاج كانت اطول ثلاث ساعات ب النسبه له كانها ثلاث سنين
طلع الدكتور وكان يناظر بهاج بنظرت حزن بهاج مسك راسه
بهاج :ماتت ؟
الدكتور ناظره بحده وقال :وين كانت آخر مره ؟!
بهاج :بيتنا
الدكتور :وش سبب الكدمات الي عليها
بهاج : مو شغلك البنت فيها شي؟!
الدكتور : معليش راح نستدعي الشرطه
بهاج وقف بهيبه ونطق : معك العقيد بها بن متعب بن ناصر ال**
البنت فيه شي !
الدكتور :الحمدلله على سلامتها ولكن
بهاج :ولكن ايش !
الدكتور :المريضه حالياً عندها ضربه ب الراس وعندها كسر ب اليد وجسم البنت ضعيف من غير الكدمات ولازم نسوي لها عمليه
بهاج بخوف :عملية وش ؟
الدكتور : عملية استئصال ألياف من الرحم
بهاج فتح عيونه بصدمه : خطيره ؟
الدكتور : لا أن شاءالله ماتكون خطيره ولكن ايش تقول لمريضة؟
بهاج :زوجها
الدكتور :تمام البنت بتكون في العناية المركزه لين يجي دكتورها تبدا العمليه
بهاج :متى يجي ؟
الدكتور :بكره
مشى بهاج ورا الدكتور وهو يصارع الندم
دخل الدكتور غرفته وسكر الباب وجلس على الكرسي وبهاج مقابله
الدكتور مد ورقه لبهاج :وقع هنا علشان نقدر نسوي العمليه ونعطيك النصايح
بهاج اخذ الورقه وقراءه وتمنى ان هو يكون مكانها ! من شدة الندم وقع الاوراق ومدها للدكتور
__________________
سبحان الله العظيم
النجمه تدعم الرواية ⭐️
YOU ARE READING
عوضتني عن باقي سنيني انت العوض الجميل
Spiritualأن تُحب امرأة كاتبة يُشبه أن تمتلك الدنيا بين يديك . كاتبه لاول روايه اتمنى تنال إعجابكم 🤍 ((اللهم لاتجعل روايتي تلهي عبادك عن طاعتك)) لا استبيح النقل مامثلك بلد🇸🇦
