أسقطتني سقيما في فتون عيناها

Ch. 2

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 1 : ✧ أنقاضُ الهَوىٰ ✧

علامات العمر كانت تتسلل بمرونة على ملامحها.. اعطاتها حكمة و مرونة وشعرها شلال من الفضيات "الشيب" ووجهها فيه خطوط وعلامات الزمن "تجاعيد"، واقفة بصرامة و قوة على 20 خادمة من الدوغ الاول مستفين كلهم من الاقدم للاحدث وفتون قبل الثلاتة اللخرين كتسمع بآذان صاغية وعقل خفيف

أسية:" غيكون حفل كبير غيحضرو غير شكون وشكون خاصكم تجمعو معايا راسكم"
كتتمشى وترجع قدامهم ورافعة سبابتها بتهديد:" منبغيش الغلط.. معندكمش الحق فالغلط"

حرركو رأسهم باه :" يالله كل يشوف خدمتو"

كلهم تفرقو وفتون جات كتجري عندها:" خالتي أسية "

أسية بغضب:" كنقولك عمري نسمع منك خالتي فالقصر ولا قدام شي حد"
حطات يديها على فمها:" سمحيليا نسيت أ كبيرتي "

كبيرتي لفظ احترام ملقبين بيه رئساء الخدم وهما سبعة فالقصر على حسب الدوغ والمجال كاين تنظيف والمطبح و الجاردينيي و الحراسة

فتون:" ديالاش الحفل لي غيكون ؟"

أسية:" حتى انا غير خدامة فحالك"
فتون كتحرك فيها بدلع وغنج كتتوسلها:" عافاك قولي ليا واش غيجي ؟"

أسية نفضات منها بعن&ف:" فتون راه كيخرج ليك العقل ا بنتي واش عارفة راسك شنو كتخرجي من على فمك"

وحمرات فيها وخرجات عينيها حتى تخلعات فتون:" هذاك سيدك نتي لتحت"
وكتشير باطراف صباعها للاعلى:" وهو هنااا الفوق"

حطات يديها فوق راسها:" تحركي لخدمتك وتبتي راك كطيري وعاقبتك مغتكونش على خير"

خرجات فتون كتتغبن.. :" عاوتاني الصابون ياك هاد الفراش صبناه غير البارح"

صاحبتها:" بن جلون الى لبسو اللبسة اليوم ميعاودوهاش غذا وحتى الفراش لا نعسو فيه اليوم ميعاودوش فيه غذا"

فتون:" ، علاش دخلوك للقصر انا فراسي لي صغر من ربعين ميدخلش"

ضحكات عليها:" انا بقا ليا غير شهرين وندير ربعين أ الهبيلة"

فتون مصدومة:" زكية، كضحكي معايا ياك! كاعما باينة فيك.. سمحيليا لاهضرت معاك بلا رسميات"

زكية:" هضري كي بغيتي متشرفينيش راني باقي صغيرة حتى العمارية مزال مجربتها"