Introduction
1
•ماقبل الفصول•
أسقطتني سقيما فــي فُتونِ عيناهـا ♡
ELYAAKOUBI Ikrame .. ✍︎
• مسقط الرأس : فاس أو "أفاس، مدينة الانقاض" •
مدينة التاريخ والجمال... مدينة الانقاض و التناقضات... مدينة تجمع الغني والفقير... تجمع الشفار مع مول الشكارة، كيليميني مع مول المساطر... شوارعها ضيقة تعانق الأزمنة جدرانها حكاية واسوارها تنطق بصوت المجد وصوت ضحايا السرقة والقت& ل... مدينة الرقي والاجرام
• على بعد 46 كلمتر Imouzzer-kandar •
منطقة أمراء الخليج و الاغنياء من الاجانب يتموقع قصر "بن جلُّون" تبلغ مساحة السطح 60 كلمتر ما يعادل 600.000 خطوة باش تساليه... اسوارو عالية كتمنع الرؤية لداخل.. متقدرش تحدو بالعين كلو شجر ونخل طريق ملكية كتوصل لبناية... وداخل داك البناية العالية كتشوف من شراجمها الثريات الغالية كتلمع كانت جالسة فالارض كتماصي ليها
رجليها فوق مخدة ديال الريش:"لالة خاصنا خدامات هاد العام خرجات 15 خدامة تقاعد"
خدات رشفة من لاتيزان:" تواصلي مع بنات الخدم القدام لي عندنا وكي ديما متجيبيش ليا وحدة قل من ربعين عام"
حركات رجليها باش تثير انتباهها ونطقات بجدية هازة صباعها فوق راس الخدامة:" ومعندها بنات"
كتضغط على كلامها بصيغة تأكيد:" واخا صغاارات"
وحركات يديها فحالا تفكرات شي حاجة:" ويكونو معلمات البروتوكول"
كتحط ليها الكريمة فوق رجليها:" كوني هانية الالة رزان كلهم بنات الدواور باين فيهم تمارة والعمر وݣاع بناتهم كيزوجوهم على 15 العام ودراري كيسيفطوهم للمدينة يهزو الصنادق فالسواقات"
فعالم ثاني مختالف على الاول عالم الفقر المدقع والجوع والبرد... يديهم مزرقين بالبرد مدخلين معاهم مجمر للبيت ورادين الباب وكل واحد لايح على رجليه مانطة..
• دوار تماتيلت جبال لي فوق الاربعاء تغدوين نواحي مراكش، الحوز •
وسط بيت صغير مفرسين حصيرة وهياضر من صوف الخرفان ديال العيد مربعين ومغطيين ووسط منهم براد اتاي مجموعين عليه:"لا سمحو ليا انا تكافيت حتى مع ولادي نزيدني هجالة و بنتها"
هز كاسو :"نزوجوها و نتهناو منها"
رد الرجل اخر"شكون غيقبل بهجالة مع بنت"
أنت تقرأ
أسقطتني سقيما في فتون عيناها
Romanceكانت اكبر مخاوفها ان تقع في حب سيدها ولكن ماذا لو وقع سيدها في شباك عشقها ؟ وهو مصاب بلعنة الكِبر..أسيحبها ام سيطفؤها؟ #أسقطتني_سقيمـأ_فِــي_فُتُون_عيناهـَا ✨🫀 Written by : ELYAAKOUBI Ikrame ✍🏻
