أسقطتني سقيما في فتون عيناها

Ch. 1

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 1 : ✧ أنقاضُ الهَوىٰ ✧

كانت راكعة على ركيباتها فزاوية من زوايا الغابة الخلفية لدار الخديم.. وتتماوج اشعة الشمس الذهبية على شعرها البني المتدفق فحال شلال الحرير.. والعوينات بحجم الجوهر واسعين وديما مضوويين ببريق ولكن هاد المرة البريق كان حزناا... تغرقان في بحر الدموع
هازة بين يدياتها طائر صغير يغرق فالد&م ويدياتها ملونين بد&مو كان يغرد ليها الحان الصباح ودابا راقد بلا حراك نظرتها المثقلة بالحزن تروي براءتها و حنانها وتعاطفها مع العصفور الصغير والالم واضح على كل

تفاصيل وجهها الرقيق وكتهضر معاه بصوت خافث:"
قت&لك يتم ليك وليداتك حتى نتي"

سمعات صوت أسية كتغوت من وراها:" فتوون شحال غنبقا نعاودها ليك من مرة"

شدات شعرها بعن&ف كتجمعو ليها:" راه الى لقاوك طالقة عليهم سوالفك غيقطعوه"

فتون خافت وجرات ليها من يديها شعرها كلو تطلخ بالدم وطلعات عويناتها عامرين بالدموع:" لا شعر كان عزيز على ماما"

حطات خصلة من شعرها فوق نيفها المرسوم:" كنشم فيه ريحة يد ماما"

أسية:" هي لا جمعتيه ولا غيحففوه لييه، غيصلعوه ليك"

اعطات لأسية تجمعو ليها:" مالك كتبكي على طير عاوتاني"

فتون كتزيد من صوت بكاءها:" علاش كيقت&لهم "

أسية:" هادي هي هواية بن جلون "
فتون:" كيوكلوهم من ارضهم باش يقتلو&هم "

كتنخصص بقوة:" حرام عليه، عندها وليدات صغار مزال مكيعرفوش يطيرو هي لي كانت كتجيب ليهم الماكلة"

أسية:" نتي تعاطفي غير مع راسك عاد شوفي الطيور"

حركاتها:" يالله تبعيني للكوزينة "
فتون كتمسح عويناتها بطرف يديها غير متداركة بلي الدم كيعمر وجهها فنفس الوقت:" غندفنها ونجي "

أسية:" هادي مبقاتش غابة رجعتيها مقبرة ديال الطيور.."

غادراتها اسية وهي ضمات الطائر لصدرها بلطف فحالا خايفة على بيضة تفقص :" علاش عيد ميلادي نحس  كنخسر شي حد ، ماما ونتي دابا "

حطاتها فالارض وبدات كتنبش بصبيعاتها الصغار فالارض في مشهد درامي يكتنفه الحزن والاسى.. صبيعاتها كيلانسو التراب برفق حفرت قبر صغير بحجم يديها وحطات فيه الطير و خطاتو بلطف.. ضورات راسها فهاديك البقعة الارضية لي كانت كلها مقلبة وترابها باين منبوس حديثا حيت دايرة مقبرة لطيور وكل اسبوع فيوم الصيد كتخرج تجمع الطيور لي كيقت&ل وكتدفنهم وتبكي عليهم..