سلاام لبنات ان شاء الله تكونو بخير اليوم حبيت نكتب رواية باللهجة الجزائرية بلهجتنا ان شاء الله تفهموها وتدعموها اول رواية بهذه اللهجة ليكرنيك حيكونوا قصار شوي مي معليش هه ايا نبداو لتس ڨو متحمسة معاكمم
السلام عليكم اسمي رقية انا بنت الريف كيما يقولوا عليا قبايلية من تزي وزو يتيمة الابوين نعيش مع جدي الحبيب هو كلش في حياتي لوكان ماشي هو كون قتلت روحي من شحال
ماعندي لاخال و لاعمة عندي خالتي وحدى مراات وين تطل عليا مراات. وعمي الي مانعرفوش فليvيزاج مامبا ملي تزوج راح هو ومرتوا للمدينة
عمي جامي شفته وعلى حساب معرفي عنده 3ذراري
وخالتي عندها زوج بنات. وراجلها ميت ربي يرحموا
اني عرفتكم عليا شويا المهم . عندي انا وجدي مزرعة صغيرة فيها البڨر الكباش المعيز الجاج كلش الله يبارك
كنت معتانيا انا فيها زارعا فيها النوار (الورود) الاشجار ونرعى المواشي انتاعها
بحكم جدي كان يخدم عليا كي كنت صغيرة وكي كبرت تعوق مسكين ورجع في كرسي متحرك
انا كنت نحلب البڨر والمعيز فاليل وغدوى فالفجر نخرج لسوق الدشرة ونبيعه ونولي مع المغرب هكا باش نقدروا ناكلوا
البنات انتاع الدشرة(القرية) دايما يقولولي صح فقيرات المال بصح ماشي لازم نفقروا انوثتنا ارواحي اخدمي خياطة معانا ولا زرابا خيرلك من هذه التمرميدة انتاع الذراري
مي انا نرفض لانو هذه المزرعة عندي ذكريات فيها مع والديا الي ماتو وخلاوني في عمري 7سنين كانت شابة حبيتها تقعد شابة
وزيد خدمها جدي وبابا وعمي زمان ماشي دك نخليها تتهجر بغيت دايما نخليها شابة و مريحة للابصار
وزيد انا عندي عادي نخدم كلشي المهم نكسب دراهم حلال نوكل بيها جدي ونوكل روحي باينا ههه
وزيد الخلصة انتاع لحليب الدوبل انتاع الخياطة وانا دايما نتبع وين الفايدة
صح لحياة كلفتني نخسر اونوثتي
مانشبهش لبنات لخرين ماندير لامكياج ولامانكير لاوالو مانعرفش ندير مكياج اصلا .
ماعنديش يدين رطبة ومرطبات لوجهي وسيرومات لشعري
بصح شعري كان طوييل و ناعم والشكر لزيت الزيتون والقردون باينة هه
صح نخدم فالشمس بصح بشرتي قعدت كيما هيا بيضا كي الثلج وخدودي رطبين عكس يديا
أنت تقرأ
ذنب في رقبتي (باللهجة الجزائرية)
Любовные романыرواية تتكلم عن رقية الفتاة الريفية التي تعيش مع جدها لكن بمجرد دخول عمها واولاده تتغير حياتها رأس على عقب رواية جزائرية من النوع القصير
