هلو ماقدرتش نصبر حتى لغدوى وزيد حابا نكمل بلخف بيسك عندي فكرة لرواية جديدة المهم علقوا بين فقرات ونجووم ومشااهدات تان اوو لتس ڨووو
رحت لشومبرتي بعدما تعشينا وحكينا شوي مع بعض
بقى كلام جمال في مخي ياربي ماحبش يروح
رغم اني سمعت لكلام هذا الف مرة من الجرات وبنات خالتي بصح جامي لاتأثرت
لحق نص ليل ونعاس مابغاش يطل عليا ياربي شحال نكره كي يطرلي نعاس
الحل الوحيد نطلع للاطيراس ايواه طلعت وحكمت بلاسا مليحة
طلعت عينيا لسما وغصت فيها عشت 7سنين برك مع والديا بصح نشافالهم نشافا لوجهم ملامحهم هدرتهم
كلشي فيهم كلشي ڨاع الذكريات واللحظات
ايا خانوني دموعي وبديت نبكي بلا صوت بصح دموعي كي الشلالات غير تقوى ودات مجراها في وجهي
والديا كانوا النجوم الي فالسماء بالنسبة ليا وبديت نهدر معاهم :
😔🥺😞😓😥😢😩😖😣🤧💔💔💔💔
بابا ماما لو كان جيتوا عايشين كنت حتفتاخروا بيا ياك صح
كنت حتحبوني صح ماشي عيب نكون بحقيقتي صح عادي عادي نكون على طبيعتي مرتاحة
ما با صراحة علاه خليتوني وحدي خليتوني لا مع عيباد يحبوني ولا ناس يفرحولي من غير جدي
ادوني معاكم ياك انا بنتكم على وجه ربي والنبي
😞😓😥😢😩😖😣🤧💔💔💔💔💔💔
وزدت نهرت بالبكاء سيريو علاه خلاوني وحدي راحوا مع بعض ونساوني ...........
المفاجأة كان خو جمال~ نواف~ ورايا وسمع كلشي
حسيت شخصيتي راحت هكذا
كان شعوري هو صح من الغباء تخمم بلي كون يشوفك الناس تبكي معناها خلاص
انت ضعيف وكأييب وشخصيتك تروح هذا كامل تفكير ناس متخلفة وغبية
المهم دوك نقوللكم كيفاه عرفته
كان مورايا ومسح على ظهري وشعري تخطفت وخزىت فيه هذيك النظرة(بومباستيك سايد آي)
ستأذن باش يقعد ممبعد قعد قدامي
خزرتلوا وهدرت بعد من السكات : شكون فيهم انت ؟؟
قالي : نواف انا لكبير فيهم ولعاقل ڨاع هه
قلت : سقسيت على اسمك برك المهم شوف نسمع بلي قلت لكاش واحد من ولامن راسك يطير ماتقولش طفلة. صعيبة عليها كيما نذبح لكباش نذبحك او واحد مايجيب عليك خبر اوكي.
ضحك وقال : هدرتك تبان نتاع قاتل متسلسل مش طفلة زلة كيفك ؟ ( احمم الاخ تحمس شوي 🤣😉😉😉)
غير قال هك انا خزرت ليه وقلت زلة زلة ؟؟ ماتحرش ياخو صحا المهم هيا نرقدوا نعست وزيد غدوة عندي خدمة مش كيفك فارغة شغل بونوي
ابتسملي وهبطنا كيفكيف
رقدنا ممبعد نضت مع اذان الفجر توضيت من بعد جيت رايحة لصالون نصلي لقيت نواف يفرش فالزربية
ايا صلينا مع بعض ممبعد قالي نرجع نرقد
بصح هو مجاهش نعاس ايا بغا يشوف وش ندير بقا في كوانا ويشوف
انا حسبالي راح سيبو المهم رحت نوضت جدوا ديتوا لتولات نبدلوا حوايجوا من بيجامة لحوايج شابين
وضيتوا وحطيتوا في كرسيه صلى ممبعد راح ليفوتاي يشوف لاتيلي
طيبتله قهوته السخونة
وجدت لمسمن ولحليب العمي وولاده (من عادتي نطيب مسمن ولا بغرير او كسرة كل فجر ) حطيتهم في الطابلة
وطيبت لفطور وخليتو فلبوطاجي حلاخاطر نولي مع المغرب منلحقش للغداء
بدلت من بيجامة لحوايج الزراعة حملت قزادر لحليب هذوك الي كانوا فري ثقال تقوشي رصاص يابن عمي
كان نواف يخزر فيا غير من بعيد وليت عشية
نختاصر شوي فانوا لعشر ايام وعمي رجع هو وايوب وقرر يخلي جمال ونواف يفوتوا عام هنا باه يتعلموا الرجلة صح مش يعيشوها بدراهم شاريكات عمي برك
انا ونواف رجعنا ليزامي بزاف قراب نحكوا مع بعض نڨسروا الخ......
بارت قصير باش نصبر روحي بيسك حبيت ننشر لكن بارت يا اعماري غدوة نزيدلكم بارت نجمة ماتضركمش كيليكو عليها آخر البارت وانشروا روايتي مع اصدقائكم احبكم وشكرا لدعمكم المستمر ياعيوني 💞😆
أنت تقرأ
ذنب في رقبتي (باللهجة الجزائرية)
Romansaرواية تتكلم عن رقية الفتاة الريفية التي تعيش مع جدها لكن بمجرد دخول عمها واولاده تتغير حياتها رأس على عقب رواية جزائرية من النوع القصير
