تذكير: عطاني دراهم قالي هذا كادوك بصح بشرط انك تعلميني...........
خدمتك راني حاب نعاونك منا ورايح
ماشي انت بنت تخدمي علينا انا وخويا
قلت: بيان سور من غدوة نعلمك كلش باه تعاونني هه
فات شهر من التعليم وكذا نواف فهم الخدمة بلخف
ايا رجعت انا نحلب البڨر والمعيز فاليل وغدوى فالفجر يبيع نواف ومرات العكس
مام جمال مع الوقت حب يتعلم
معلول بديت نضحك عليه وقتلوا :
هذه مش خدمة الذر هذه خدمة تجيب بيها خبزتك
ولاول مره ماجاوبنيش ناض وراح ديركت
انا و بالطبع جاني فضول نعرف وين راه رايح
لقيتو قعد في حافة الجبل وكان مقلق وحسيت بلي جرحتوا بهدرتي
لاعيلنا بديت نضحك وراحت قعدت معاه
هو صاح عمره 21 سنة بصح مزاله صغير صغير عليا في مخه
المهم كانت في جيبي شوية حبات كابريز (نوع من حلوى 🍬 الكراميل الجزائرية 💗)
نشفا بالظبط كانو 5حبات دينا زوج زوج
شحال بنينة لدرجة كي قعدت حبة
بدينا نتضاربوا عليها واش حسبالكم حكينا شوي راحت العداوة ناو ناو هه
ايا سوطا فوقي سوطيت فوقه جبدلي وذني جبتله شعره
حتى زلقت رجله وطاح
وانا كي الاغيول (الحمار حشاكم هه). حبيت نعاونه
ايا زدت رميت روحي نعاونه بدا يسب فيا ايا بديت ناكل الحبة قدامه ابخي جا نواف عاوننا
هو تكسرت رجله بيسك مايعرفش يسلك روحه
مي انا ماصرالي والو بيسك موالفا بالجبال نتسلق فيهم وفالشجر ....
تقول تارازان ولا ماوڨلي هه المهم
والله غير بالجبال بالنبات الي فيه تشهد بلي
طاح وحده رمى روحه مش انا الي رميته بلعاني
هو راح كي التوتو شكا لجدي بلي أنا السبة ياخي حمار كلب رخيس دجاجة مشمخا مئة و .....
ايا جدي الحبيب قالي نرجع خدامته اه ااخخ لمدة يومين
كي نقوللكم عينيا خرجهملي يعني شفت العذاب في طلباته الاداعي منها ياخي ياخي .
جمال حلاتلوا وعجبوا لحال بزاف ابخي هذوكك اليومين
رحت عند جدوا حلفتوا بلي مش انا السبة
أنت تقرأ
ذنب في رقبتي (باللهجة الجزائرية)
Любовные романыرواية تتكلم عن رقية الفتاة الريفية التي تعيش مع جدها لكن بمجرد دخول عمها واولاده تتغير حياتها رأس على عقب رواية جزائرية من النوع القصير
