ان بعد العسر يسرى
وعسى ان تكرهوا شئ وهو خير لكم
كي نظت من الغيبوبة لقيت جمال عند راسي
نختاصر الامر اعترفت له ديراكت
طبعا بكيت حتى خلاصت. دموعي على نواف
وكنت نزور قبره باستمرار
انا وجمال زدنا تعلقنا وحبينا بعض اكثر واكثر
جامي لحملني ذنب موت خوه ولا مام عمي حكينالوا وكان معايا
عمي مات ربي رحمه كبر .
اما مرت عمي الي محبتنيش خلاص
مام علابالها بلي نواف انتاحر بصح دايما لسقتها فيا
كانت توسوسني وتبكيني ودخلتني اكتئاب حتى
سيات تقتلني بصح سلكت
لحد الان مش مصدقة خويا مات وهو يعتبرني مرته اخخخخ
اللطيف انتاعي مات كنت نحبه نحب تفاصيله ڨاع
ذو عينين العسل الكبار
و الشعر القصير الحرير
طويل بيض
عندو لحية كحلى معضل
هادئ يحبني ويقدرني
بصح ربي كتبلي وقدرلي نحب خوه
الحنين الزل
عينيه صغار وزوقا كي البحر كل ماتدخل فيهم تحب تزيد تتعمق
شعروا يحلق لقريب رقبته كيرلي
اسمر متوسط القامة
عنده شوي لحية خفيفة
جذاب وشباب
انا درك نحبه ونعشقه
مكرسا حياتي ليه ولولادنا
نعم ياسادة
عندي ولاد منه تزوجنا خفيف خفيف في بيناتنا باختصار لانو فاميلتنا صغيرة وزيد يماه ماكانتش حابتني
انا نخدم سيكرتيرة راجلي جمال
في شركة عمي الي ورثها كامل جمال وشويا ماماه
انا تصالحت مع انوثتي
دايما ندعي لنواف بالرحمة ىالغفران
عمري 32 وراجلي 34
وليدي الكبير نواف 10سنين
يامن 8سنين
اية 4سنين
علاقتي مع عجوزتي بدات تتسڨم حمد الله
في يوم من الايام
نواف : ماما نسقسيك
انا : نعم حياتي
نواف : علاه سميتيني نواف كل منقول لبابا عينه تدمع وانت تقوليلي محبته كبيرة شكون ذا ؟؟؟
يامن : انا بابا سماني على صاحبه هه
اية : وانا سماتني جدة
رقية : انسان غالي على قلبي هو عمك خو باباك ومام انا نحبو كيما خويا.
درك راه يعيش في بلاسه بزاف شابة
كمال : سلاموووو شكون توحشني
كامل : حنا باباتي
انقضوا عليه كامل وهو يضحك كي خلص منهم
راح لمستورد الطاقة انتاعوا وام ولادو حب حياتوا
قطع بينهم يامن : بابا نعرف معنى اسم نواف ذرك
نواف : بابا ديني نشوفوا ماما قاتلي بلي يسكن في بلاسة شابة وهو عمو صح
كمال وحابس دموعه : اايه ندي وليدي معليش🥺
اية : وقاتلنا بلي اااا تحبه كي خوها ثااان ههه
رقية والدمعة حاصلة بين رموشها 🤧😭:
هيا نروحو كمولتي
وصلوا للمقبرة
نواف : ميت ؟؟؟؟
يامن : الموت مش مليح بلاسة مش شابة
نواف : اخخ قصدك دخل للجنة
الاولياء: هههه ايه ايه هيا نقراولوا قرءان وهذا عمكم كي باباكم دايمن باقي فقلوبكم
رقية : هذا الي موالفا نحكيلكم مغامراتي معاه بصح مقلتلكمش اسمه ههه اسمه نواف 🤧😁😩
النهاية 😩😁🤧😭🥺✨💋💖💗
علابالي متوقعتوهاش ودرتها بيكم ههه سوري
ان شاء الله تكون عجبتكم انشروها مع اصدقائكم احبكم وشكرا لدعمكم المستمر ياعيوني 💞😆
استودعكم الله 💖 في رواية خلاف
أنت تقرأ
ذنب في رقبتي (باللهجة الجزائرية)
Romanceرواية تتكلم عن رقية الفتاة الريفية التي تعيش مع جدها لكن بمجرد دخول عمها واولاده تتغير حياتها رأس على عقب رواية جزائرية من النوع القصير
