تذكير (رجع عمي للمدينة وقرر يخلي جمال ونواف يفوتوا عام هنا باه يتعلموا كسب دراهم بعرق جبينهم ودا خوهم الصغير أيوب انا ونواف رجعنا امي مي كمال نظيرله غير vu وهو تان منهدروش مع بعض )
في مرة من المرات كانت لانيفارسار انتاعي انتاع 20 سنة
عرف نواف وقالي نخير حاجة الي حابيتها يديرهالي
ايا قتله وانا حشمانة خدودي حيطرطقوا بغيت نجرب مايك اب وغوب
ضحك وقالي : راني تحت امرگ حتى انا بغيت نشوفك لابسا هكاك حسبالي انت ماتحبيش .
قلت : لا الظروف الي ماحبتش هه المهم نروحوا نشروا
خرجت معاه بلامبرغيني انتاعه الي القرية كل كانوا مشوكيين فيها ايا حنا قريتنا مافيهاش بزاف امور شابة
ايا رحنا للمدينة تبعد 1ساعه عادي. نورمال
لحقنا لمول كبير من حانوت للأخرى هاشريت 4ليغوب 2سروال 3تريكوات شابوات ليسيكان ليباسكات ليطالون
ومكياج بزاف ماعرفتش نديروا {الحانوت يلي راحولها تسمحلهم يجربوا يماكيوا خطرا باش يشوفو كيفاه تجيهم المكياج بصح كي يجو يخرجوا يمسحوه }
كي جربت جيت كيلبهلوان نواف قعد غير يضحك عليا كنت حابا نوض نصرعوا ههه
ابخي داني لمختصة علمتني اساسيات المكياج وعطاتني فيديو نتبع فيه الخطوات
قالي قيسي لبسا محبيتش قتلوا ممبعد مش درك
وزيد بانتلي بزاف قصيرة بصح هو قالي لا ولسق فيهم
وزيد بدا يخرط عليا اللامود وكذا شديتهم باش يبلع فمو عليا هه
ڨسرنا على كلش غير على جمال بيسك مرة على مرة كان يتنمر عليا يا خي تافه ياخي
لحقنا للدار جمعهم نواف وقاللهم يبدلو باش نخرجوا نتعشاو برا في غيستوغوا فالمدينة
حقا كي دخلنا لقيت بنت خالتي. لتم ليلى ولا أسماء ماتجيش ڨاع تقريبا
ليلى كانت كي العادة زللة
بيضاء شعرها قصير شاتا عينيها زروقا
كانت لابسا جيب بزاف قصيرة صفراء وتريكو بيض يبين كرشها وطالو صفر مع ساكوشا ڨوتشي بيضا
ومكياج طابلو
وباينا كانت معروضة العشاء معانا
واما جدي قاللنا انا منحبش نجي عييت وزيد في وسط ليجان وليجونفي ماعندوا ماداني ديجا تعشيت انا
جمال قالو: حمد الله فهمت روحك
انا حسيت روحي حننفاجر شديت لفاز انتاع الورد وخزرت فيه وقتله :
جماال عاود جاست كيما هذه برك بهذه لراسك ديراكت
نواف بدا يضحك ابخي قالي فوذني
روحي بدلي الي يحبك راهو السير باغي يشوفك كيفاه حتجي للمدينة.
رحت وانا فالطريق للاشومبر نستوعب واش قال
واش قصده عليه هو باغي يشوفني بصح قال يحبك وهو باينا خويا وانا حنكون خته قصده على خوه بصح يظل يدابز معايا اوو بلاك يحبني كيما الروايات انتاع الواتباد يدابزني باش يسمع صوتي ههه ااخ واش راني نخرط ياربي المهم نروح نبدل وندير مكياج ان شاء الله نديروا مليح .
لبست غوب حمراء لجونو انتاعي بزاف شابة مع طالون نواغ وفيونكا لشعري نواغ
وساكوشا حمراء شانال
وجيلي بالريش بيض
ومكياج خفيف
وطلقت شعري وكان طويييل ولامع
ممبعد خرجت للحوش جبت ساشي انتاع لاغفا كنا نسيناها لتم درت منها كانت ريحة الياسمين بزاف مليحة ومنعشة
كي جيت ندخل للدار دخلت من الباب الكبيرة بسك الباب لخرى تتحل غير من الداخل
ايا دخلت على الجماعة الي فالصالون
هدر جدي : شكون هذه الطفلة عندكم ختكم ؟؟
قال جمال : نو . ليلى هذه هي ختك أسماء؟
ليلى: نونو
جمال : بونجوغ مادموزال من انت !؟
انا: بونسواغ ههه
انا كي ضحكت جدي عرفني مي درتلوا بيدي اش سونسمير عجبني الحال نتمسخر بيه شوي ولا نواف كان غايس فيا ويبتسم ابتسامة ويخزر فيا خزرة ماعرفتش معناها
ممبعد قلت لجمال: ميسيو المعاملة انتاعك تغيرت معايا هه
قالي : نونوانت برانساس كيفاه عاملتك من قبل أصلا مانعرفكش بصح يشرفني نعرفك
تفلقت بالضحك منبعد قلت : صقسي نواف يقولك شكون انا
نواف كان غايس ممبعد كي سكتنا ڨاع فاق مع عمروا ايا تحمحم وقال : اهه هذه رقية الريفية واش رأيكم هه
جمال فمو طاح من الشوك وبنت خالتي بدات تتعوج كي حست بلي ديتلها الأضواء
تقوشي رانا في عرض باريس هه المهم
جمال قالي بتخدر : راكي بزاف زلة وعلاش ماتلبسيش هاك كل يوم
تبسمت وخلاص طلعنا لسيارة باش نروحو وجدي خليناه راقد دخلنا للمطعم كموندينا واش بغينا ممبعد بنت خالتي قاتلي هاكي هذه الرواية الجزء 5من رواية ابابيل للكاتب أحمد آل حمدان خرج السمانة الي فاتت عنقتها وكنت حنطير من الفرحة عندي قريب عام وانا نستنا ينزل (ياربي ينزل صح بالخف هو صرح انه ينزل 2025 المهم )قالي نواف هذه كانت لكادو انتاع لانيفارسار انتاعك كي راكي صديقة رائعة ليا ونقدر نمضي وقت معاك وزيد على عيد ميلادك خرج باكي انتاع دراهم عطاهملي قالي بصح كاين عندي ليك طلب ياك حققتلك امنيتك وعطيتلك كادو. قلت : وشنو هو ؟ قالي : حبيتك تعلميني..........
يتبع.....
وهنا يكون خلاص البارت ان شاء الله تكونو بخير اليوم درتلكم هذا البارت وسييت نطول فيه المهم بارت جديد ههه ايا نحبكم كامل شكرا لكم على دعمكم المستمر خاصة هذوك الربعا الي دايما يعلقولي نحبكم عينيا لوفيوووووو 💗 🍯 باي يا عسل 🍯 💖
أنت تقرأ
ذنب في رقبتي (باللهجة الجزائرية)
Romanceرواية تتكلم عن رقية الفتاة الريفية التي تعيش مع جدها لكن بمجرد دخول عمها واولاده تتغير حياتها رأس على عقب رواية جزائرية من النوع القصير
