Last Devoted ( Mafia )

Last Devoted - 11

                     Chapter - 11

BY - GRAPESY

( MAFIA|| ROMANCE )

Sicily kan pan dawn kha chuan ka peihlo viau kha a nia, mahse a hmun ah chuan sawi sel tur engmah reng ka hre hauhlo. Ebgkim mai chu an famkim hlauh hlauh a tih theih ang.

" Raphael "

Ka en a, a ni erawh chuan min en ve lo thung, zawh duh tam tak ka nei a mahse a rem vek kher a ngem tih te ka ngaihtuah a, a tan phurrit mai nih pawh ka hlau rum rum tawh. God father ni thei reng a nih laiin keimah vang in kum khat a nghak chu ani sia, lawm tur nge lawm loh tur tih pawh ka hre thiam chuanglo.

Tuipui kam a hotel lian zet ah chuan kan ding a, ka zan in thil tawn tur ka ngaihtuah zawng ringawt pawh hian ka khur thei hial a, ka zam lawk em em bawk. Ka zep lo ka hlauh ngawih ngawih a, ka tiril thleng hian a fan bawk, hotel ah chuan kan pen lut dun a. Counter a lo ťhu chuan ťha takin min lo chhawn a, eng mah sawilo in elevator ah chuan min luhpui nghal a, a chet dan chu mak tak a ni.

Elevator a in hawng rual chuan kan chhuak dun leh a, kan room tur a an lo buatsaih lawk diam tawh kan hmuh chiah chuan ka chil ka lem leh khalh bawk.

Rimtui an lo hal chu a nam chem chem a, darthla lang lian tak aťang chuan tuipui fawn hlurh hlurh chu a hmuh theih bawk, rose sen duk tak nen khum chu an lo chei a. Ka chauh tawh em vang chuan zah pawh sawi theilo in ka mu nghal thlawp a, ka hahdam nghal sawng sawng thei hial a ni.

" Abigail va in ti fai rawh " Raphael chuan a rawn ti thum dut a, ka chhanglo thung. Peihlo zet chuan ka tho a, bothroom lam pan ka tum mek lai chuan Raphael chuan min rawn ko a, ka hawi let nghal zat bawk.

Chu tah ka mit a en kar chung chuan  a rawn pen hnai a, ka hma zawn ah tak chuan a ding run a, min melh chhuk nghal run bawk. Ka kawng ah chuan a rawn vuan a, ka thaw lak a rawn buai nghal vek bawk.

" Hnunglam hawi rawh le " ka mit a en kar chung chuan a ti a, thuawih deuh chuan hnunglam chu ka hawi nghal zat bawk.

Ka hnunglam aťang chuan ka mokawr chu a rawn hlip a, ka â lo chauh a ni ka ti ril a khur a, ka zam hle bawk. Hlauh avang in ka kut ka hum chiam a, ka khawng nghal awt bawk. Ka mokawr hak lai chu chhuat ah chuan a tla a, chu tah Raphael chuan ka sam sei hnuang chu ka dar dinglamah chuan a rawn uai thlak tir a, ka kawng ah chuan rawn chelh in ka nghawng vel ah chuan a rawn thaw lum nghal ham ham bawk.

A mi khawihna vang ringawt pawh chuan ka zawi vek thei hial a ni, ka ngaihtuahna a buai vek a, rilru fim reng ka pu thei hauhlo.

" Raphael " ti a thei leh theilo a kan en chuan ka hmui a rawn khar chilh hmiah a, chu kher chu ka thil beisei loh tak a ni. A mi fawhna chu dawngsawng dan tak ngial pawh ka thiamlo a, ka lo tih ve chhun chu lo ding khawng awt chauh a ni.

Ka kawng ah chuan a rawn chelh nghet zual sauh a, a duh thawh telh telh bawk, hun kal lai chu an chawl ťhuap nimai hian ka hria a,Raphael hian tiang reng hian mi ti danglam thei ang tih ka ring pha ngai hauhlo, a kut chu a hlei tial tial a, ka âwm ah a kut chu a tawp nghal chat bawk " Raphael " âw khur dar dar a ka tih chuan alo rum ngut a, a mitmeng ka en chuan alo phi deuh chiai a, ka ngaihtuahna ang bawk hi a ngaihtuah ve a ni tih ka hai hauhlo.

" Va in ti fai rawh le " Tih leh kalsawn a rual a, a chet dan mak lutuk vang chuan kei pawh chu chet ngaihna ka hre hauhlo. Ka en reng lai chuan a coat hak lai chu a phelh a, min hnung chhawn zawng in a ding thung.

A kamis chu a phelh leh a, a taksa mawi lutuk vang chuan ka mit a tla lo chauh a ni, a silai te chu a rawn phawrh a, hei hi chu Mafia ho dan ve reng a nia nge " Ka rawn chhunzawm dawn nge i in ti fai dawn, Naupangte "  A rawn ti chuan ka harh deuh zawk a, eng dang sawilo in bothroom ah chuan ka tlan lut nghal bawk.