Last Devoted ( Mafia )

Last Devoted - 12

                       Chapter - 12

BY - GRAPESY

( MAFIA|| ROMANCE )

" Min thlah teh, tenawmpa i kut bawlhhlawh tak khan min dek hlek suh " tiin Raphael chu ka theih ang tawk tawk chuan ka bei a, ka rilru na lutuk chu sawi fiah thiam dan mai ka hre mawlhlo.

" Abigail, min ngaithla teh " a tih pawh chuan ka che lai chu ka tawp chuanglo " Thu awih rawh Abigail " a rawn ti tuar a, a thu chu zawm lo tak ka ni. Ka biang tawn tawn ah chuan a vuan a, kei erawh ka ťap nasa zual sauh thung.

Ka mit ah tak chuan a en kar a, ka ťap erawh ka bang chuanglo. Hun harsa tak tak ka pantlang nual tawh a, ka mittui hian tlak lai reng an nei ngailo kha a nia, mahse tunah zet zawng a tawp khawk takzet a ni.

Ka thil vei tam tak, ka rilru natna te ka lunglenna te chuan thawrh theih chin an lo nei ve vek tih ka hre chhuak a, thlipui nasa tak a tleh hawm hawm ang mai hi a ni.

Beiseina sang tak nen Raphael kha ka pan kha a nia, mahse ka hmuh let tak chu beiseina sang tak khan min lo ti beidawng mai chauh a ni tih hi. Kan beisei ang a thil alo thlen loh chiah hian kan na mai mai a ni tih ka zir chhuak a, Raphael lakah ngat phei chuan beiseina nung, alh hlauh hlauh kha chhem darh vek a ni tawh.

" I duh leh khang mi hur ho bulah khan awm ta che, tinge min rawn um zui kher a? Mawhh?? " ka ti tuar tuar a, kawng a awm ho chuan min en hrek hrek tih chu hai rual a nilo. Ka kiang a ding pa, min chelh mak tu vang chauh a min rawn hnaih chilh ngamlo an ni tih pawh ka hre chiang hle bawk.

A ngawih reng tak ah chuan " In sawi fiah ngaihna i hre na nge? " ka ťah nuih hak a, ka rilru a na hle bawk " In sawi fiah ta ila min ring dawn chuang em ni Abigail?? " âw ki dam deuh zawk chuan a rawn ti a, a thusawi ringawt pawh chuan min vilh ngawt ngawt a, ka na hluah hlauh bawk.

" Min thlah teh tenawm pa " ka tih pawh chu enga tan mah a ngailo a " I duh pe thei tu che hmeichhe lak ah chuan kal ta che " ka ti leh tuar a, ka mittui chu a tla leh nghal zung zung bawk.

Nghet zet in a awm ah chuan min pawm bet a, tal chhuah ka la tum fan tho " Tenawm pa " tiin a awm ah chuan ka chum awk awk a, ka nat dan chu ťawngka a sawi fiah chi rual a nilo.

Ka sawi fiah thiam dan ber chuan, khuarkhurum mawng nei lo a tla thla vawn vawn ang mai hi ka ni, beisei tur ka neilo a, pui tu leh chhan chhuah tu tur tak ngial pawh tumah ka beisei ngam heklo.

" A hua che Raphael " ka ti leh a, min chhanglo a, nghet tak in min kuah thung.

Haw kawng tluan in ka ťawnglo a, ka ťah nasat luat ah ka chau hluah hlauh a, ka thin chu chemte a dimna tel leklo a vih ang mai hi a ni, a nat dan chu keimah chauhlo chuan an hria thiam ka ringlo hial bawk.

Sicily ah kha chuan kan la hlim dun hle kha a nia, mahse tunah zet zawng a danglam hlak tawh. Rome hi vanduaina min thlen tu emaw ka ti rum rum hial a ni.

Guard ho chuan gate chu an lo hawng a, duty ho hmel hne awm tak ka hmu zui nghal zat bawk. Motor a tih din rual in ka chhuak nghal a kawngkhar chu ka khar ri nghal bur bawk.

Kailawn ah chuan ka pen chho pawk pawk a, kan nupa room ah chuan lut in Chiara chu ka call a, a la thei dawnlo tih hre mah ila ka rilru na lutuk hnem tu neilo mangang chuan Chiara lo belh tur ka hre miaulo a tin ni, rin ang nei in chhanna a awmlo.