نزل محمد من دوامه وصارت خطبه حيدره و كلها اجت وخواته قبل اسبوع يحضرن بل ملابس واني بس اكول لمحمد اريد فلوس اشتري ملابس يكلي
محمد: واني منيلي حتى انطيج فلوس
كوثر: بس كلها اشترت ملابس واجرت بس اني
محمد: اني شعلي شوفي شتلبسين
كوثر: غير انت رجلي ولازم همين تشوف شلبس لا اني ما عندي شي البسه
محمد: وملابسج مال نشيان شكفرهن ما دكليلي
كوثر: هنه وينهن مال نيشان وينهن كلهن لبستهن
محمد: واذا لبستيهن لبسيهن مره ثانيه شني شبيهن
كوثر: مو لبستها و بنات خالك شافني بيهن اذا شافني مره ثلنيه شي يكولن
محمد: شي يكولن خلي يكولون اني شعلي بيج
كوثر: خرب انه موتتني
وكمت ولبست شالي ونزلت وشفتها كلها مبدله ومكيجه بس اني الوحيده بيهن ردت البس ملابسي مال بيت من ردت اصعد اجاني حسن
حسن: كوثر مها دكول خلي تجيني
كوثر: هااا خوش
رحت كلت لعمتي
كوثر: عمه مها دزت عليه اروح
زهره: روحي عمه كاضتج اني
رحت لمها لكيتها متانيتني بل باب دخلت وسلمت عليه وكال
مها: كوثر بسلا تردين تلبسن ملابس البيت
كوثر: اي لعد شسوي
مها: كوثر انجبي
كوثر: ليش شبيج
مها: اني خيطت الج ثنين فساتين
كوثر: ليش تعبتي نفسج
مها: تعبج راحه لبسيهن خليهن يتعجبي عليج
كوثر: مشكوره ما انسه وكفتج وياي
مها: حبيبتي
رجعت لكيتها كلها مبدله واجتني جهان وكالت
جهان: روحي لبسي فستانج وتعالي خليلي مكياج
كوثر: تدللين
صعدت بدلت وخليت مكياج وصرت اكتل نزلت وخليت لجهان وخواتها مكياج و من ردت اكوم سحبتني جهان ودخلتني بنص النسوان وشعلن اغنيه واني وجيهان لفينه الشال وكمنه نركص بنص تقسيم وكلها ضلت صافنه علينه من وره ركصنه وبنات خال محمد راحن يمه ويسولفون ويضحكون عليه واني اسمعهم بس مغلسه وبنص ال خطبه طگت المجاري وعمتي كامت تصيح
أنت تقرأ
خذلان الحياه
Spiritualتتكلم القصه عن أمراه اسمها كوثر عمرها 36 سوف نتكلم عن قصه حياتها البائسه وكم عانت في حياتها منذ ان ولدت الى الان لم تحمل والدتها باي طفل لمده عشر سنوات وعانو حتى ولدت كوثر ومن ثم ولدت ورائها 4 شباب 1 وشابه وهي قصه عراقيه داخل محافظه بغداد وتتكلم ال...
