خذلان الحياه

البارت 2

كعدت جاسميه كوثر وهيه تحاجيها

جاسميه: كوثر كعدي اليوم اجتنه خالتج ليلى

كوثر: اي مامه كعدت

فتحت كوثر عيونها وهيه تحس اكو واحد لازم ايدها دارت وجهه حتى تشوف ياهو بس ما لكت احد وما حجت لواحد خاذف يجذبونها بس وهيه تنظف تحس اكو واحد يباوع عليها وهمين ما حجيت بس كلبها يلجمها اجت خالتها و بناتها كعدت ويه بنات خالاتها وخالتها كعدت يم امها وتسولف

ليلى: جاسميه كوثر هم تشتغل بالبيت

جاسميه: هيه كوثر الي شايلتنه معدل وليل ونهار تنظف

ليلى: عود مثل بناتي بناتي ليل ونهال حتى ما يكعدن

جاسميه: لا عيني اني بنتي هم تنظف

ليلى: شوفي هذا هم تنظيف باعي حتى التراب بعده على الميز
وضلت ليلى تكن على راس جاسميه لحد ما قتنعت وراحت جاسميه تحجي على كوثر

جاسميه: ولج كوثررر وينج كوثر

كوثر: ها يمه شكو

جاسميه: ليش ما ماسحه الميز عدل

كوثر: يمه ولله مسحته عدل ياهو الكلج ما مسحته

جاسميه: اني شفته  وهو مو عدل

كامت فاطمه وكالت

فاطمه: خاله هسه اني راح امسحه الج
ضلت كوثر تباوع وهيه مصدومه من امها وخالتها وفاطمه وصلت الدمعه على طرف عينها من سوالفهن هيه ما تحب خالتها وبناتها يجن لان يحشن براس امها وتجي تذب الحركه بيها وبهاي الاثناء استغل كاسر انو همه ما يشوفونه قبل لا  توصل فاطمه للميز صار كاسر كدامها ومد رجله حتى تعثرت بيها فاطمه وكعت على الميز وكلها كامت عليها تركض شالنها وخلنها تنمطل على ضهرها وفاطمه عبالك ضاربينها طلقه سوت روحه كلش وجاسميه وليلى ضلن يرزلن ب كوثر
جاسميه: شوفي كله من وراج بنت خالتج انضربت

ليلى: هاي انتِ دفعتيها يل وصخه

ضلت كوثر بس تباوع ودموعها شلالات وهيه تمسحن بعيونها بس ما تكدر ما تبجي

جاسميه(بعصبيه): كوثر بدال ما تبجين روحي مسحي وسخه
راحت كوثر وهيه تبجي حتى تمسح ضلت أساور تباوع على كوثر ورجعت حاجت خالتها

أساور: خاله ليش هيج ويه كوثر ترى هيه ما سوت شي
جاسميه: لا شفتي وصاخه الميز وشلون من وراها فاطمه وكعت
أساور: لا خاله البيت من دخلت لحد هسه ماكو انظف منه نظيف ومرتب وثاني شي هيه كوثر ما مسويه شي اختي فاطمه هيه ثوله ليش هيج بجيتيها
وبعدين اخذت نفس وكالت
أساور: خاله بعد لا دكولين عليها وصخه كدام اي واحد يضل بس يعير بيها حتى كدامنه لو كدام اخوانها و زهراء خاف كلشي يصير