_انا عايزه اعرف بنتي ازاي تتضرب كده؟
قالتها وهي تصيح بـ غضب شديد ف ارتبك من أمامها وحاول تبرير الموقف:
يفندم حضرتك عارفه خناقات البنات وكده يعني هنصالحهم دلوقتي
تعجبت من رده وزاد هذا من غضبها اكثر
_يعني ايه تصالحوهم، هو انا جايبه بنتي مدرسة خاصه علشان تتضرب من واحده مشافتش بربع جنيه ربايه تضرب عيله صغيره، دنا همرمطها في الارض انهارده!
خاف من أمامها فـ هذا سيضره في مكانته هذه ف وقف وهو يحاول تهدئتها ويقول:
يا فندم هجيبها لحد هنا عندك واخليها تعتذر ولكن مينفعش كد.... يا فندممممممممم
_بت يا "شجن"
-نعم يا ماما
_اللي يقولك كلمه رديهالوا بستين كلمه
-حاضر يا ماما
كانت "شجن" تنظر لمن في الأرض بـ شماته وهي تضحك بـ سخريه على زميلتها التي ضربتها هي ووالدة زميلتها التي ضربتها والدتها
ما إن عادوا حتى وجدوا "مصطفى" يجلس وبجانبه "وَسن"، كان غاضبًا وهي متوتره
(فلاش باك)
فيروز: انا هوريها بكره.
وَسن: يا ماما بالهداوه لما بابا يرجع نشوف حل!
فيروز: ابدًا، أنا اصلًا مش هقول لأبوكي هي ساعة زمن هضرب فيها الوليه دي وهرجع.
وَسن: يا ماما بلاش بالله عليكي، بابا لو عرف هيطربق البيت على نفوخنا!
فيروز: اسكتي أنتِ بس واتكتمي ومتحكيش حاجه.
ـــــــــــــــــــــــــــــــــــــــــ
_ها يا بابا عملت ايه؟
تكلم "مروان" بـ لهفه فـ نظرت له "أسماء" بـ سخريه وهي تقول:
يخويا أومال لو كانت حلوه كنت عملت ايه!
نظر لها "مروان" بـ ضجر ثم قال:
ماما اسكتي انتِ بس، يا بابا مش بترد ليه عملت ايه؟
غضب "شاكر" من زنه ومن طريقة تحدثه مع والدته فـ صاح بـ غضب:
بقولك ايه يالا بطل زن صدعتني، ومتتكلمش مع امك بالطريقه دي تاني احسن وأقسم بالله لهوريك الوش التاني!
تعجب "مروان" من طريقة تحدث والده معه فـ هذه اول مره يتحدث معه هكذا فـ دائمًا كان يتحدث معه باللين
وقف مروان وذهب لـ غرفته وهو يتمتم:
ماشي يا "وَسن" إن مكنتيش ليا مش هتبقي لغيري.
______________________
_"شهاب" بقولك ايه.
-نعم يا "جميله"
نظرت له بـ غضب واستنكار وهي تقول:
ايه جميله دي اسمها "چميله"، ايه ساقطين عربي!
YOU ARE READING
مُرشدةَ قلبِي
Romanceوها هي في المناطق اللتي تحبذ ان تذهب إليها كثيرًا، تشعر بها بالراحه وهي ترى ما فعله اجدادها المصريين القدماء، وبعد هذه الصدفه المُبهره بالنسبه لها، ف هي احبت هذه الآماكن اكثر عندما قابلته، ف هو مهندس وهي مُرشده، ارشدت قلبه للطريق الصحيح، وفي عالم ال...
