مشى معها للقسم الاخر من المستشفى وتقدم للممرضه يسأل عن السونار ونطقت الممرضه:طيب في حاله وحده بس تفضل ادخل قبلها
تقدم صقر يدخل وابتسمت ولايف:واسطه يادكتور ؟
ابتسم صقر يناظر الغرفه بتوتر وجلست ولايف وابتسمت تناظر شكله وارتباكه ونظراته للمكان ودخلت الدكتوره وناظرت صقر:اهلاً دكتور صقر كيف الحال
رفعت عيونها ولايف على صقر اللي ناظر ولايف وهز راسه:الحمدلله
لفت الدكتوره على ولايف ابتسمت:مدام صقر صحيح ؟
ولايف:صحيح
الدكتوره:ماشاء الله الف مبروك الله يتمم لك على خير
ولايف:امين
الدكتوره:طيب تفضلي عشان نتطمن
مشت ولايف للسرير تنسدح ولبست قلفز الدكتوره وتوجهت تجلس عند ولايف ولفت ولايف على صقر اللي واقف ومدت كفها له وابتسمت ومشى لها يمسك كفها ويوقف بتوتر يناظر السونار
وتقدمت الدكتوره تكشف على ولايف وتناظر الجهاز:بيّن معاك جنس البيبي ؟
ولايف:اي عرفته
الدكتوره:وش قالوا لك ؟
ولايف:بنت
ابتسمت الدكتوره تهز راسها:صحيح
لفت ولايف لصقر وهي مبتسمه وابتسم لها صقر والتفت للشاشه يناظر شكل البيبي بوضوح وظل واقف يتأملها واشتغل صوت دقات القلب ورفعت عيونها ولايف على صقر تناظر نظراته للبيبي ، كان يعرف ان هذا الشعور كبير والابوّه شعور ما ينوصف بس مُنى قبل تجي سرقت قلبه وصارت طاقته وقوّته وأمله ، يعرف انها قويه تشبه ظروفه ويعرف انه بيكون الأكثر حظاً لانه بتكون نسخه عن وليفته وبيكون عنده وليف ومُنى لعينه
واخذ نفس براحه يشد على كف ولايف والتفت عليها يبتسم وابتسمت بإنشراح وراحه له ولفت على الدكتوره:طيب ينفع اسافر طيران ؟
الدكتوره:ينفع ان شاء الله بس بالشهر الاخير مهم تكونين مرتاحه ومستعده
سكتت ولايف وهز راسه صقر:بإذن الله
جلست ولايف تعدل شعرها واخذ شنطتها صقر بيده وساعدها توقف ومشت تخرج معه وابتسمت تناظره وهي حاضنه كفه:شفت صورتها كانت واضحه مره
صقر هز راسه:وش تحملت
ضحكت ولايف:بنتي قويه لا تشكك فيها
ابتسم صقر وهو ماسك شنطتها وخرج معها لسيارته:نيّاف وابوي فواز سبقونا للبيت بينامون عندنا
هزت راسها من فتح لها الباب تركب وحط شنطتها بحضنها ومشى يركب بجانبها ويحرك:باخذ عشاء لهم ونمشي للبيت
ولايف:وش صار على سفرتك ؟
صقر:بعد اسبوع ان شاء الله وانتي معي
ولايف:صمود باقي نفاس صقر مابغيت اخليها
صقر:زوجها عندها
ولايف:مدري صعبه
صقر:لا مو صعبه بنروح ولايف
لفت عليه تشوفه متمسك بطلبه وهزت راسها بهدوء ولفت للطريق ووقف صقر عند محل ولف عليها:جايك ياعمري مو مطول
ابتسمت ابتسامه خفيفه من ناداها بإختلاف ونزل يتركها وزادت ابتسامتها لانها تأثرت من مناداته ومسكت طرف شعرها ما تصدق انها حست بالحيا والحب من مناداه فقط وهمست:ياعمري
ضحكت بخفوت تعض شفتها وانتظرته لين خرج بلبس دوامه وبيده اكياس العشاء وخلفه عامل شايل صحن كبير بقصدير وفتح له الباب صقر يحطه بالخلف ومشى يركب صقر وابتسمت ولايف:ماقصرت ياعمري
لفت للأمام تتجاهله بنظراتها وناظرها وابتسم بضحكه:تردينها يعني ؟
لفت عليه تضحك وابتسم يحرك سيارته:لو عجبتك اكثر من وليفي ابشري أقولها لك
ولايف:لا بس من زمان يعني ما دلعتني كنت فاقدتك
لف عليها لثواني تلين ملامحه لانه فعلاً كان بعيد عنها ومقصّر:قصّرت معك ادري بس انتي تعرفين اني أموت بدونك وإنك دروبي وعمري اللي انقضى واللي جاي ، انتي وبس وأقولها للجميع انتي فوق الكل وانتي أهلي
سكتت بخفوت من كلامه اللي شعرت به وتقدمت تمسك كفه:أمزح معاك صقر أعرف غلاتي عندك
صقر ابتسم يناظر الطريق:لا لا ما تعرفينه بس الله يقدرني اوريك غلاتك
سكتت بهدوء تناظر ابتسامته ولف عليها صقر وهو مبتسم ووقف عند الباب ونزلت قبله وفتحت الباب تنتظره يدخل العشاء وخرج نيّاف من سمع صوتهم:وش جايب انت؟
صقر حط الصحن بالارض:مالك شغل ماهو لك
نيّاف:والله ابوي متغدي قبل نجي من بيتعشاه
صقر:نيّاف دخله ولا يكثر بجيب الكيس وجاي
مشت ولايف تدخل وناظرها فواز:جاب معه ذبيحه ؟
ابتسمت ولايف لانه فهم وعرف صقر وهزت راسها وتنهد فواز:أعرفه
دخل نيّاف يحط الصحن بالارض ودخل صقر وناظره فواز:انا ضيف يوم انك تعشيني ؟
صقر:ما يذبحون ذبيحه لضيف بس يذبحون لغالي وعزيز ، انت علمتني
ابتسم فواز وتقدم صقر يحط الكيس ولف عليهم:بغيّر واجيكم ، ولايف لا تحطين يدك بشي جايك
ناظرته ولايف وجلست وناظر العشاء فواز وهز راسه:كريم هالولد وفيه خير
لفت ولايف عليه وناظره نيّاف وكمل فواز:واعرف انه بيسامح أمه ويعدّيها من داخله طيّب ومسامح
ناظرته ولايف بهدوء ورفع عيونه فواز على ولايف:والله عطاه اللي تشبهه
ابتسمت ولايف بهدوء وكمّل فواز:ذهبه وأصيله ووفيه انتي تستاهلينه وهو يستاهلك ، وأشوف بعيون أبوك فخره بك ويمكن انتي ما تعرفين بس الاب ما يبان عليه خصوصاً أبوك كبير بالعمر وعاش عيشه صعبه بس ادري عليه يعزّك ويميّزك
سكتت ولايف تناظره وكمّل فواز:ولو طلال عاش كان عدّك بنته كان وده ببنت أخت مع صقر وعدّ ريم بنت له والله ولا قصر لكن أعرف ان لو شافك كان دخلتي قلبه
ماردت ولايف تناظره بهدوء ولف فواز من دخل صقر:يالله حيّاكم الله
طلع السفره من الاكياس يفرشها مع نيّاف وحط الصحن بالنص يفتح قصديره وتنهد فواز:الله يصلحك بس
صقر:هيّا تعالي ولايف جنبي تعالي
فواز:تعالي وانا عمك وسيع
اشر لها صقر تجلس بجانبه ومشت تجلس بثقل من بطنها وتقدم صقر يقطع لها لحم ونطق نيّاف وهو ياكل:ايييه تجي من اقطع لها لحم ان شاء الله
ولايف:يمكن ما تحبه
نيّاف:الا والله تحبه قالت لي ، قلت لها ترا ابوي ما يقعد اسبوع الا وذابح ذبيحه
صقر:انت تكلمها كل شوي ؟
نيّاف:لا والله بس ٢٣ ساعه باليوم
ضحك صقر وهو ياكل وناظرته ولايف:نشبت بالبنت
نيّاف:والله انها حليله وتسولف معي امس مرسله لي تقول راشد الماجد له حفله بأبها وتحبه وحافظه اغانيه وقعدت تعلمني عن حياته تعرفه اكثر مني
صقر رفع عيونه عليه:اي وش سويت انت ؟
نيّاف:وش سويت ؟ ما سويت شي سلكت لها لاني ما اسمع له كثير
ولايف تنهدت:اهخ مستحيل تتعدل انت
صقر:ياحمار البنت مرسله لك تقول حفله وتحبه وحافظه ولادته وانت ما سويت شي ؟ شغل عقلك شوي واحجز لها وروحوا
نيّاف:وين اروح ؟
فواز:الحفله ياجحش
ضحكت ولايف وناظره فواز:انا وانا شايب فهمت انها تبيك توديها انت ليه ما تفهم
ناظرهم نيّاف بذهول:بالله من جدكم ؟
صقر:اقول دور تذاكر وخذها بس
نيّاف:اوديها وش اسوي صقر ما اعرف للحفلات ذي والاغاني
صقر:شوف بعد العشاء واذا في تذاكر احجز لنا معك
ولايف لفت عليه:مين لنا ؟
صقر:انت وانتي
ولايف:وسفرتك ؟
صقر لف على نيّاف:متى هي ؟
نيّاف:مدري عنها
صقر:شوف وعلمني يصير لو بدري نروح معكم
فواز:روحوا روحوا وكلم اختك تروح معكم ان كان رجّالها مشغول
نيّاف:ايه وانشب بريم معي زياده ، اقول ان ما بيوديها رجّالها انا مالي صلاح
صقر:هذا ان وافقوا اخوانها
نيّاف:لا تكفى ، ابوي تكفى لو رفضوا انت اقنعهم ماهي حاله تراها زوجتي
فواز:تصرّف انت ما انت بزر
تنهد نيّاف وهو ياكل يسكت ونزلت عيونها ولايف لصقر اللي يقطع لها اللحم لانها بعيده عنه وابتسمت تاكل بالملعقه
'
ناظرتهم كلهم ينتظرون ردها ونطقت سلوى:أنفال يا أمي فرصه هذي هم راضين بك ويبونك وشارينك ونعم الناس شوفي اختك رجاوي زوجها بيلف فيها الدنيا بشهر العسل وش تبين أحسن ؟
أميره:لا تضغطين على بنتي هي تقرر اللي تبي وبعدين حاصل لهم ياخذون أنفال الادب والذوق والأناقه
غازي:انتم بتسكتون والا كيف ؟
سكتوا والتفت غازي على أنفال:انا معك باللي تختارينه
أنفال سكتت بتردد ورفعت عيونها على غازي تناظره:بشوفه بس يمكن ارفض
غازي هز راسه:يجون وتشوفينه واللي تبينه يصير
ابتسمت سلوى لأنفال ومشت تتركهم وتدخل غرفتها واخذت جوالها اللي يدق وردت:هلا
رجاوي:وينك أنفال عن جوالك من اول ادق
أنفال:بغيتي شي ؟
رجاوي ابتسمت تناظر وليد:اي وليد بيحجز لنا حفلة راشد الماجد هذا الخميس بتكون وقلت يحجز لك معنا
أنفال:رجاوي مو صاحيه وش يوديني معكم بعدين انتم مو باسطنبول ؟
رجاوي:الا بس بنرجع الثلوث ونقعد لين السبت بعدها بنروح تايلند
أنفال:لا رجاوي فشله روحوا انتم
رجاوي:احجز وليد
أنفال:خير رجاوي سـ
قفلت الجوال بوجه أنفال وناظرت جوالها بصدمه وحاولت تجرب تتصل مره ثانيه بس ماردت عليها رجاوي وتنهدت بتعب منها وقفلت جوالها تناظر صورتها مع ولدها وظلت لدقايق طويله تفكر هي لو بتعيد فرصتها بالزواج بتعيده عشان ترجع تعيش شعور الأمومه من جديد بس تخاف من فرصتها الاولى ومن المآسي اللي حصلت لها مع زواجها الاول
انسدحت تناظر السقف بتفكير ولفت على جوالها من وصلتها رساله وناظرت تذكرة الحفله من رجاوي وتنهدت بتعب منها
'
دخلت المطبخ بملل وثقل ومشاعر غريبه من الحمل اللي أتعبها واخذ من طاقتها واخذت منه نصيب ، حطت الطحين تنثره وهي تفكر بكلام فواز اللي قاله قبل كم يوم هي ودها تكون نِعم البنت ونِعم الزوجه ونِعم الأخت ونِعم الوليف ، عاشت طول عمرها لأجل الجميع وبتموت وهي هذا طبعها ماودها تكون مقصره بحق أي احد تحبه وتبي كل الحنان يحوف الجميع حوف وتكرم وتعطي ، يمكن هالشعور وصلها بعد مرض أمها وفقدها خافت تكون بعيده عن احد تحبه وينتهي عمره وهي ما عطته كفايه
بدت تعجن بيدينها وهي تماماً ساهيه وتاخذها الأفكار ، اذا عاشت بكل هالعطاء كيف بتعيش وهي أم ؟ ، رجف قلبها من حست بشعور الامومه وخوفها وحنيّتها من الان على أطفالها ماودها الا يعيشون برخاء وسلام ولا يجربون شي جربته هي او جربه صقر
رفعت عيونها من شعرت به وناظرت ابتسامته من انتبه عليه ونطق:كم لي واقف ولا انتبهتي علي ؟
ابتسمت تكمل تعجن:توقعتك تتأخر برا
مشى وهو مرجع ذراعينه خلف ظهره ومشى لها يوقف بجانبها:تدري اني فقدت هالزعتر من يدك
ضحكت وهي تفردها وتنثر عليها الزعتر:حتى انا فقدته
رفع عيونه عليها يناظرها تعجن:قابلت سلوى
لفت عليه مباشره تنتبه انه نادها بإسمها وناظرته بقلق وإهتمام تنتظره يكمل ورفع كتفه صقر:كانت تسأل عني وتعتذر مني وتشرح لي
ولايف ماردت وهي تناظره وكمّل صقر:ما كان كلامها كافي ولا اعذارها كافيه بس شفع لها اللي سوته معي
عقدت حجاجها واستكمل كلامه:دخلتك حياتي
لانت ملامحها ونطق صقر بهدوء:ادري انها دخلتك عشان مصالحها هي وعشان يرجع ورثي وهي تكون لغازي وتحارب بك غازي عشان تكون بصفه معه ورغم هذا انا سامحت وعدّيت
سكتت ولايف ولف صقر يناظر العجين:عشان كله يهون دامك معي
لف عليها من جديد يناظرها:واعرف ان كل شي بيكون هيّن عشانك معي
ولايف:وعيّاده ؟
نزل عيونه للعجين ولف عليها:احتاج اخذ وقتي اذا سافرنا
هزت راسها له وابتسم:وكلمت نيّاف لقي لنا مقاعد معهم
ضحكت ولايف:زين لقي حجز انقذ زواجه
ضحك صقر وحط الكيس اللي كان خلف ظهره على الرخام وناظر العجين:بحطها بالفرن
ناظرت الكيس بذهول ورجعت ناظرته يمشي للفرن ويدخل المعجنات ونطقت:صقر وش هذا ؟
ابتسم ولف عليها يرفع كتفه وابتسمت بذهول وصدمه وتقدمت تغسل يدينها وتاخذ الكيس وتناظر الهديه ولفت عليه تناظره مبتسم من مكانه وفتحتها وناظرت الكاميرا بذهول وضحكت:صقر ؟
صقر:ماتحبين التصوير لان مافي شي حلو تصورينه ، الحين عندك مُنى
لفت عليه تناظر ابتسامته وكمّل صقر:وأبو مُنى
ضحكت من غروره ورفعت حاجبها وكمل صقر:بناخذها معنا بالسفره
ولايف:صقر انت ما علمتني وش بيصير مع ولادتي ، ما يمدي نرجع قبل التاسع انا حسبتها
صقر:شفت هناك دكتوره يمدحونها مره
ولايف:دكتورة وشو ؟
صقر:ولاده
ناظرته بذهول:تبي اولد بسويسرا ؟ صاحي صقر ؟
صقر:وشفيها ؟ بالعكس هناك افضل وأريح لك انا بحثت وعرفت وقريت
ولايف:صقر طلع الدكتور هذا من موضوعنا اولد بعيد عن أبها
صقر مشى يخرج:دكتور والا مو دكتور بتشكريني بعدين
ولايف ناظرته تخرج خلفه:صقر ما استهبل مستحيل اولد بمكان ما اعرف فيه احد يخطفون بنتي والا شي
صقر لف عليها بذهول يجلس بالصاله:وانا من ولايف بوديك مكان ماهو زين ؟
جلست بجانبه تناظره والكاميرا بيدها بحيره وناظرها صقر محتاره والتفت عليها بجسمه يسند ذراعه على الكنب:متى اخر مره قلت لك اني أحبك ؟
ابتسمت تتغير ملامحها مباشره ورفعت حجاجها تقصد به فتره بعيده وناظرها صقر:من زمان صح ؟
هزت راسها وتقدم يبوس خدها:أحبك طيب
ناظرته بهدوء ورجع يقبل خدها الاخر:أحبك
ضحكت لانه بيكرر تقبيله وابتعدت عنه:نستفتح الكاميرا اليوم ؟
ناظرها بفرحه:والله ؟ هيّا وريني
ابتسمت تشغل الكاميرا وصقر يعلمها الطريقه ويعدل الاعدادات وابتسم يرفع الكاميرا على اتجاههم وتقدمت ولايف لحضنه تبتسم للكاميرا وصور صقر وابتسم يناظر الصوره ولف عليها يشوف نظرتها للصوره وتقدم يقبّل عنقها وابتسمت تسمعه يتكلم:حرام تكونين جنبي مو صوره وبس وما أبوسك
رفع راسه يناظرها وهي بحضنه وناظرت نظراته وهزت راسها بالنفي:في معجنات زعتر بالفرن
ضحك لانها تفهمه:وتحترق ندق على الدفاع المدني
ضحكت من انحنى لها يقبّلها هي ذاتها وابتسمت بين قبلاته تشعر بإنه رجع لذات طاقته وشغفه وهذا مكسبها اللي سعت له وحطت راسها على كتفه من ابتعد عنها ورفعت عيونها عليه وناظرها وهو ساكت لدقايق طويله لحد ما ابتسمت:ليش تطالعني كذا ؟
صقر:اول مره أحد يعطيني أكثر مما عطوني أهلي
سكتت تناظره ونطق صقر:وأتمنى أعطيك أكثر مما عطيتيني
ولايف:عطيت وبتعطي أدري يكفي اني الاقي هالكتف بكل وقت ودي أستند عليه
صقر:واذا بغيتي قلبي يصير مركاك يصير
غمضت عيونها تقترب لحضنه واخذ نفس صقر وهو حاضنها وبعد دقايق ابتعدت عنه تناظر ملامحه:عادي اسألك سؤال يمكن يوجعك ؟
صقر:ما توجعيني انتي
ولايف:لو أبوك حيّ كان العتاب بيكون أسهل ؟
سكت صقر يناظرها وتشكل طلال بعينه مباشره وحك جبينه لانه توتر وما تخيل المشهد وصد بعيونه عنها:هو لو كان حيّ كان الأمور أسهل
ولايف مسكت كفه بقوه تناظره:ياليت أمي حيّه بعد وتعرفك كان حبتك أكيد
لف عليها يناظرها ورفع كفه على ملامحها لانها لأول مره تتكلم عن أمها وابتسمت ولايف:وتشوفني أكل فطاير زعتر نفس ماودها
ابتسم صقر وتقدم يحضنها:تجي مُنى الصغيره تاكلها وتحبها
ابتسمت ولايف لانه لطيف معها حتى بثقل حزنه وانحنت لحضنه أكثر براحه تتوسطه وابتعد عنها واخذ ريموت التلفزيون صقر:خليني اشغّل الاغنيه اللي اتمنى أسمعها من راشد الماجد
ابتسمت ولايف ترفع شعرها:اجيب الفطاير واجيك
وقفت تتركه وتدخل للمطبخ واخذت الفطاير تحطها بصحن واخذت كوبين تحط ورقتين شاهي ونعناع تقطفه مباشره من نبتة المطبخ واخذتها تخرج على صوته يغني ينتظرها:تفنن في طروق الحب شرقني وغربني
ضحكت لانها تتذكر هذي الاغنيه وحطتها تجلس وناظرها صقر يغني مع الاغنيه:معك يازين دوخات الهوى وياحلو مشواره
شربت من الشاهي تهز راسها:لا انا ابيه يغني اغنيه عاجبتني ، هات اسمعك
اخذت الريموت تكتب وتقدم صقر ياخذ من المعجنات وياكلها وشغلتها ولايف تأشر على مسمعه وضحك يهز راسه وابتسمت تاخذ الكوب وتحطه على بطنها وهي تناظر صقر ياكل من الصحن ويسمع الاغنيه:إنت غير الناس عندي إنت عندي شي كبير ، كيف بصبر وأنا شايف ناس من حولك كثير ، وأنا أحبك وأقولها لك كلمه خليها في بالك ، أنا مو أي عاشق أنا لم أعشق أغير
ضحك صقر وهو ياكل:انتي اعترفي انك تغارين والله بتفرح الدنيا ويفرح صقر
ابتسمت ولايف تغني:من عيون الناس والله أغار ياعمري عليك ما اتطمن وانسى خوفي الا ويديني بيديك ، بس تحمل كل جنوني لأنك أغلى من عيوني
ابتسم صقر يأشر على قله:هذا الجنون سكن قلبي بس بعد غيرتك
ابتسمت تاخذ قطعه:لا حشى ما أغار بس كثير يصبحون عليك يادكتور وهذي كثيره على قلبي
ضحك وتقدم يبوس خدها وهو يضحك:أموت عليك
ابتسمت وهي تاكل ولفت تناظره وتسمع الأغنيه بالبيت الحنون الدافي اللي لطالما كان حضن لها وعُش بعد عُش قلب صقر لها
'
دخلت تناظر المسرح وإسم راشد الماجد بكل مكان والحضور اللي توزعوا بأماكنهم بإنتظار الحفله تبدأ
مشى ويده بيدها وناظر الدرج ينطق:انتبهي ولايف
مشت على مهلها ومشت تجلس بأماكنهم وجلس بجانبها صقر ولفت عليه:جينا بدري
صقر:نيّاف تأخر يبي يستخير قبل يدخل بيت غدي يكلم اخوانها
ضحكت ولايف واخذ جواله صقر يجرّب يتصل عليه ورد نيّاف وهو واقف عند الباب وانفتح الباب بذات اللحظه وسكت يناظر أخو غدي الوسطاني ونطق نيّاف:الو
رفع حاجبه وضحك نيّاف بوهقه يقفل بوجه صقر:اقصد سلام عليكم
هز راسه:هلا وعليكم السلام
نيّاف:كيف الأهل كيف الأحوال كيف حالكم ؟ عساكم طيبين
سكت ثواني يناظره وهز راسه:حمدلله
نيّاف ابتسم:شكلي ازعجتكم جيت يعني اتطمن عليكم وعلى الأهل
رفع حاجبه وتنحنح نيّاف:الأهل أهلك يعني أهلكم ، انتم يعني الله يحفظكم
سكت نيّاف من خرج فهد الكبير وناظره:هلا نيّاف
ابتسم نيّاف يسلّم عليه:هلا بك يالله حيّه
فهد:عسى ماشر
نيّاف:محد صارحكم بشي انتم ليه مستغربين جيّتي
خرج الأخ الثالث وناظره نيّاف بتوتر:يامرحبا
فهد:من يصارحنا ؟
نيّاف:أختك
رفع حاجبه فهد وناظرهم نيّاف يناظرونه بنفس النظرات الثلاثه ونطق:أختكم يعني هذيك أختي أقصد زوجتي شسمها هي
سكتوا وضحك نيّاف بتوتر يمسح جبينه:غدي
فهد هز راسه:اي تنتظرك هي
نيّاف:الحمدلله هيا سرينا
كان بيمشي وناظرهم واقفين ونطق:يعني نادوها نمشي
فهد:بنجي معكم
ناظرهم بذهول يرجع لهم ونطق الوسطاني:نلحقكم
نيّاف:تلحقونا ليه وانا خاطفها ؟
سكتوا يناظرونه وضحك نيّاف:انكت معكم ياشيخ اكيد انا اصلاً حلفت عليها قلت علميهم يجون وانا ادخلهم
فهد:لا حاجزين
نيّاف بلع ريقه وناظر غدي من خرجت وابتسم ورفع عيونه عليهم وتلاشت ابتسامته:سلام عليكم
ناظرته غدي بإستغراب:دوبك كلمتني
نيّاف تنحنح يأشر لها بعيونه ولفت تناظر أخوانها:تمشون الحين ؟
فهد:اي طالعين
ابتسمت غدي ولفت لنيّاف:هيّا
مشى نيّاف قبلها ولف يناظرهم لا زالوا واقفين وركب وركبت بجانبه غدي تربط حزامها:سوق على مهلك أخواني شاكين انك تفحط
لف عليها بذهول:وش افحط ؟
غدي:مدري قالوا كان عندك سياره قديمه ويوم جيت تخطب شريت جديده شكوا فيك انك مفحط تايب
مسك راسه نيّاف وابتسمت غدي:مبسوطه اني بحضر
نيّاف:وجبتي معك الجماعه كلهم وش ابي بهم اخوانك ١٧ نفر الحفله خلصت على اخوانك لو جبتم راشد الماجد يغني في بيتكم كان أحسن
ناظرته غدي تعقد حجاجها:يعني مو مبسوط اني معاك ؟
لف عليها من سمع نبرة صوتها الهاديه يلمس منها الزعل وناظرها:ابوي أنا أبيع أهلي كلهم اولع في الجنوب ياشيخه عشان تجين معي ، اجيب راشد الماجد وابو راشد الماجد لو تبـ
غدي ضحكت:خلاص خلاص مشينا تأخرنا
حرك السياره وناظر المرايه ينتبه لسيارات اخوانها خلفهم ولف عليها:افحط فيك عشان تتأكد شكوكهم ؟
ضحكت غدي:ما يرحمونك هم حلفوني اربط الحزام احتياط
نيّاف:طيب وش رايك نسحب على الحفله واتوههم ونروح ناخذ اثنين شاورما مع لبن ونقعد في العقبه
تلاشت ابتسامة غدي لين تغيرت ملامحها ونطق:ماتبين العقبه ؟
غدي:لبن ؟
نيّاف:وش تشربين اجيب لك عصير براند
ضحكت غدي:لا احب العقبه اروح دايم لحالي اكل بس ما اكل شاورما ولبن عيشة البساس هذي
نيّاف:هاه وش قلت ؟
غدي:لا بشوف راشد الماجد بعدين ناكل لو تبي اشرب بقره كامله شربتها بس بعد الحفله
نيّاف:ياليل الطفش من هالحفله وصقر اشغلني يتصل كأنه هو المايسترو
غدي لفت عليه:صقر موجود ؟
نيّاف:اي
غدي:وزوجته ولايف ؟
نيّاف:اي
ابتسمت غدي:الله عمتي نوف تحكيني عنها تحبها مره وانا شفتها بالملكه بس مدري حسيتها مالها خلق
نيّاف:لا هي كذا دايم حتى معي نفسيه الوحيد اللي تضحك له بالدنيا صقر حتى ابوها ما يعرف صفة سنونها
غدي:ليش احسها عسوله عاد بس الحمل متعبها
نيّاف هز راسه:اي اي الحمل صح
وقف عند مسرح طلال مدّاح اللي بيكون متواجد فيه راشد الماجد ونطق:بسرعه قبل يلقون موقف اخوانك
ضحكت تنزل معاه بحماس وتقدمت تمشي معه ولف نيّاف خلفه يناظر حوالينه ولف عليها وابتسم يمسك كفها وناظرته غدي بهدوء تخفي حياها وابتسامتها ولفت للامام ونطقت:فهد
لف بصدمه يناظرهم واقفين قدامهم وبلع ريقه يغطي كفوفهم:هلا بالشباب ارحبوا متى وصلتوا ؟
غدي:ادخلوا لا تروح مقاعدكم
نيّاف:اي ادخلوا ادخلوا حياكم
مشى من جنبهم مع غدي وهو يناظرهم ودخل يلف عليهم خلفهم ورجع ناظر صقر اللي رفع له كفه ونطق:بسرعه امشي
مشت غدي قبله ونيّاف يناظر فهد ماشي يجلس بعيد وابتسم براحه وتقدمت غدي تناظر ولايف وابتسمت لها ولايف توقف ونطقت غدي:لا ارتاحي والله عادي
جلست بجانبها وصافحتها ولايف:كيف حالك ؟
ابتسمت غدي:الحمدلله انتي كيف الحمل معاك ؟
ولايف:الحمدلله
جلس نيّاف بجانب غدي وتقدم بظهره يناظر صقر اللي جالس يسار ولايف وابتسم له صقر ولف من نطق شخص خلفه:سبحان الله الصدفه
فزّ يناظر اخوها الوسطاني وضحكت غدي:عبادي
لف صقر يناظره ونطق:عبدالرحمن انا
نيّاف لف يهمس:نعرفك نعرفك ياحسره
ضحك صقر:ياهلا
ابتسمت ولايف تلف تناظر المسرح ورفعت جوالها غدي تصور
'
نزلت من السياره تشعر بالغرابه من الوضع ومشت خلف رجاوي ووليد اللي دخلوا للحفله واخذت نفس بتوتر تمشي خلفهم يدخلون لمقاعدهم وابتسمت رجاوي:اخترت مكان حلو
هز راسه وليد:اي توفقنا بالمكان
لفت رجاوي على أنفال وابتسمت لها:انبسطي وشفيك
ماردت أنفال تناظر اللي حوالينهم ولفت خلفها ولانت ملامحها من شافتهم بالخلف ورفع عيونه نيّاف ومن ناظرها تغيرت ملامحه بذهول ولفت غدي عليه تبتسم وترفع جوالها تتصور معه وناظرتها أنفال وصدت مباشره للأمام والتفت نيّاف على غدي وابتسم لجوالها تصورهم والتفت من دخل بالصوره عبدالرحمن وتنهد نيّاف وضحكت غدي وناظرته:نيّاف
التفت عليها يسمع نبرة صوتها ودلعها بإسمه وابتسمت من نظراته تصد عن عيونه وابتسم يناظرها وارتفع تصفيق الجمهور وتحيتهم من دخل راشد الماجد يلوّح بكفه لهم يتوجه لوسط المسرح ويوقف مكانه وبدأ المايسترو وعزفوا الفرقه بأول أغانيه وصرخوا الجمهور لأنها الأشهر بلحنها المميز وابتسمت ولايف تشعر بحضن كفه لكفها ونطق راشد الماجد:وحشتيني
رفعت جوالها غدي تصور وحك دقنه نيّاف بملل وتلفت حوالينه وناظر بالجهه اللي بجانبه أخ غدي الصغير وكان نظره عليهم وناظره بصدمه يصد على غدي بذهول منهم
لفت ولايف تغني مع صقر:رغم بعدك وتقصيرك ورغم انك معي قاطع تزعلني واجي لرضاك وأحبك وارضى بالواقع
رفع حاجبه يأشر على نفسه وضحكت وابتسم من كمل الاغنيه وغنّى يسبقها:ترا مهما جرى مني ومهما كنت انا الغلطان سؤالك عني ما يمنع ولو قلبك عليّ زعلان
تبعت الأغنيه أغنيه أخرى وضحكت ولايف من التفت صقر لها يغني معها:انا اكثر شخص بالدنيا يحبك وانتي ماتدرين ، وفيك انا اموت واحيا من اول يوم لين الحين
ابتسمت تناظر عيونه:متى قلبك ؟ متى ممكن يصافح بالوله قلبي ؟ متى هالبال يطمن على احساسي وعلى حبي ؟ ابي هذا الغلا معلن
عقد حجاجه يناظرها تغني:اكثر من هذا العلن ؟
ضحكت تلف وتناظر المسرح وتتمايل براسها مع الاغنيه وبدأت اغنيه اخرى وصفق الجمهور مع اللحن ولفت ولايف ترفع صوتها وتناظر صقر تناظر ضحكته لأنه خمّن نظرتها له من نطق راشد الماجد:مت من رمش عينك صوبتني سهامك اشهد اني حظيظ وانت حبي المثالي
رفعت جوالها غدي تصور وهي تغني ورفع كفه نيّاف لكفها تصفق على كفه وابتسمت تشعر بصفقك كفوفهم ببعضهم
لف صقر على ولايف يغني:هات ايدك حبيبي وخل تكفى ملامك في وجودك ياعمري طاب حظي وفالي
ضحكت ولايف من اشر عليها يرفع صوته:غيرتك ياغرامي واضحه من كلامك حاجبك لا رفعته منه ياويل حالي
واستبدل الشطر راشد الماجد يكمل:ياسحايب " أبها " وانا وابل غمامك
وصرخوا الجمهور يهتفون ويصفقون وابتسم راشد الماجد يصفق بيدينه الثنتين مع الصولو ولفت رجاوي على وليد اللي يصفق معهم ولفت على أنفال تضحك لها بإستمتاع ونطق وليد:انا جاي عشان اسمع اسمك اذا غناها بكون سعيد
ضحكت رجاوي تنتظر أغنية رجاوي وبدأت الاغنيه الاخرى وابتسم صقر لانه توقعها من الموسيقى فقط وناظر ولايف:أريدك ياعذاب العاشقينا تروح بحفظ مولاك وتجينا ، ولكن لا تطول في غيابك كفاك الله شر الحاسدينَ ، أريدك أريدك ياعذاب العاشقينا
ابتسمت ولايف تناظره وتتمايل براسها مع الاغنيه ونطق صقر يأشر لها:انا لاشفت زولك قمت اهلّي من الفرحه واصفق باليدينا
ضحكت من صفق من يدينه ولف نيّاف يناظر صقر وولايف ولف بملل ما يفهم بالاغاني واخذ جواله يبحث عن الكلمات
ناظرته ولايف هي تغني هذا الشطر وابتسم صقر لانها تشبه هذا البارت بكل جزء منه:الا منك ضحكت يرتاح بالي ولا كتمت من همك بكينا ، حبيبي لا تخاطبني بغيضك تبسّم والفرح خله يجينا
رفع كفها اللي تأشر بها وباس اصابعها وهو مبتسم ورفعت كفها بكفه للاعلى يغنون مع بعضهم:ترا ما للوليف الا وليفه تزين ايامنا والا تشينا ولا يجهلك ظن اني ما أحبك ، أحبك وانت سيد العارفينا
صفقوا جميع من انتهت الاغنيه وتبعتها اغنيه وصرخت غدي:قربي
عقد حجاجه نيّاف ما يفهم واخذ جواله يمينه يدور بين الاغاني وتقدم له عبدالرحمن يهمس:الاغنيه اسمها قربي
لف عليه نيّاف يناظره وغمز له عبدالرحمن وابتسم له نيّاف يكتب الكلمات والتفت على غدي:قربي مني شوي
ابتسمت إتساع ثغرها تناظره ولف لجواله ورجع ناظرها:ردي انفاسي عليّ اتركي خوفك تعالي ودي اشعر اني حيّ ، انثريني وبعثريني واجمعيني واملكيني واجعليني كل شي
ناظر ابتسامتها وتنحنح بفخر من نفسه يرجع يناظر راشد وجواله يقرأ اللي بعده ويردده قبل يقوله راشد الماجد:ياحياتي ليش خوفك وانت بعيوني اشوفك ، لا وربي ما اخونك لو عطوني كل شي ، يابعدهم انثريني واجمعيني واملكيني واجعليني كل شي
ابتسمت غدي تناظره ولفت على عبدالرحمن من اشر لها على جواله وتقدمت تناظره يغش الكلمات من الجوال ولف عليها بيغني وسبقته هي تاخذ الجوال وتغني له:قالوا انك ما تتوب وانك لقلبي كذوب
عض شفته من قفلت جواله وناظرته بنص عين وتقدم يبتسم:ذوبيني وانثريني واجمعيني
ابتسمت لانه اقترب منها وناظرت راشد الماجد وهي مبتسمه تشعر به يدق كتفها ولفت عليه تضحك وضحك يعدل جلسته وياخذ جواله
كانت لستة الحفل ممتعه لهم وأطربهم بأغنية ولهان ، عشان الحب ، عظيم احساسي ، سارق القلب ، شرطان الذهب ، مليون عام ، تلمست لك عذر ، حسك وجودي ، لربما ، تحدوه البشر
وضحكت ولايف تغطي وجهها من ضحك صقر يناظرها:ليه ليه ؟ هذي مو اغنيتك ؟
ضحكت تلتف عليه من غنّى يرفع حجاجه:ويلو ويلو ياسواد ليلو لو معي يلعب بذيلو ويلو لو تزوغ عيونه مره او غلط غلطه صغيره
عضت شفتها تكتم ضحكتها لانها توصفها والله توصف غيرتها وجنونها وابتسم صقر يناظرها:ويلو لو على قلبي غلبني او حسب انه قهرني
ضحكت تلتفت عليه تكمل الاغنيه هي بتحدي:ويلو لو يزيد الطين بله وبحرقة اعصابي تسلّى هو عارف انه بيدي اقلب الدنيا على راسه
ضحك لانها واخيراً تعترف له بغيرتها وابتسمت ولايف تلتفت للمسرح من جديد
لفت أنفال تناظر رجاوي ووليد اللي منسجمين بأغنية رجاوي والتفتت خلفها تناظر غدي ونيّاف اللي يغنون ويتصورون ولفت من جديد تناظر الحفل هي لازم تنتهي من مكانها اللي هي لا زالت فيه والذكريات اللي تلاحقها وتخنقها والمخاوف اللي تسكنها لازم تتقدم خطوه وحده عشان تقدر تعيش ، نزلت عيونها لجوالها تفتحه وناظرت صور طفلها وصورها وصور مراد وحذفتهم بدون تفكير وبسرعه تبي تتخطى وتعيش بدون تأنيب الضمير والخوف واخذت نفس تتأكد من قرارها
'
خرجت تمشي مع ولايف وابتسمت غدي:انا قلت لنيّاف اني بنبسط معاك بس مدري ليش يخوفني منك
ضحكت ولايف تناظر نيّاف وصقر قبلهم يمشون ويتكلمون ولفت لغدي:نيّاف اطيب قلب ممكن تعرفينه صح أنا ما عندي أخوان بس أحس ان نيّاف اخوي
ايتسمت غدي لها:ما مليت من السواليف معك بس نعيدها مره ثانيه اكيد
ولايف:ان شاء الله ليش لا بس انا مسافره بعد كم يوم مع صقر وبنجلس ٣ شهور ، ان شاء الله بعد ولادتي
ضحكت غدي:مع اني بكون خلاص اجهز لزواجي بس نحاول ليش لا
ابتسمت ولايف ولفت من سمعت اسمها وناظرتها رجاوي بذهول:كنتم موجودين ؟
لفت ولايف بعيونها على وليد اللي ابتعد وعلى أنفال وابتسمت تسلّم عليها:اي كلنا
ناظرتهم غدي تجهلهم ولفت رجاوي على غدي ورجعت ناظرت ولايف وابتسمت ولايف:حاضرين لأجل عين غدي كان ودها بالحفله ونيّاف ما قصّر
سكتت ثواني رجاوي ولفت لغدي:انتي زوجة نيّاف ؟
هزت راسها غدي تمد كفها:غدي
ناظرتها أنفال تصافحها وابتسمت ولايف:بنات خال نيّاف
هزت راسها غدي:اهلين تشرفت
صدت بعيونها أنفال والتفت نيّاف يناظرهم ولف صقر من عرفهم من بعيد ورفع كفه نيّاف:غدي مشينا
لفت غدي عليه ومشت لسيارته وناظرتهم رجاوي وابتسمت ولايف للبنات ومشت لسيارة صقر وركبت وناظرت صقر يتكلم مع نيّاف عند السياره
نيّاف:اقولك اخوانها ناشبين لي اشغلوني
صقر ضحك:يانيّاف اختهم الوحيده يبون يعرفون ويتأكدون انك كفو
نيّاف:كفو اكثر من اني جيت اخطب من الباب وش باقي
صقر:تصبّر عليهم كم شهر وتتزوج وانحش فيها للديره
نيّاف:صقر لا تسافر بالله والله اشتاق لك
ابتسم له صقر ورفع كفه على كتف نيّاف:ترتاح من مشاكلي شوي
نيّاف:وش تقول انت وش مشاكلك ذي مشاكلي ومشاكلك ، أخوي انت والا ناسي ؟
ابتسم له صقر وتقدم يحضنه تحت نظرات ولايف اللي بالسياره ونطق صقر:اذا احتجت شي كلمني
ابتعد نيّاف وهز راسه:بحفظ الله
مشى صقر لسيارته يركب بجانب ولايف ومشى نيّاف يركب مع غدي سيارته
لفت ولايف على صقر:رجولي تعورني
صقر حرك السياره ولف عليها:مديها علي
ابتسمت وفصخت شوزها وحطت بظهرها على الباب تمد رجولها له ومسك رجلها بيده يضغط عليها وهو يناظر الطريق وانتبهت عليه انه ساهي:بوشو تفكر ؟
صقر لف عليها ورجع ناظر الطريق:أمي
سكنت ملامحها لانه ناداها بهالمناداه وكمّل بعد ثواني:أشوفها
ولايف:شوفها اذا بخاطرك لا تضغط على نفسك وتكابر خلنا نروح الحين ونتعشى عندها وسـ
صقر:لا انتي تعبانه وقـ
تقدمت له وناظرته:صقر
التفت عليها ووقف بالاشاره وجلست بإعتدال وتعب وناظرته تمسك ذراعه:لا تقسي على شعورك ، انت تحتاجها ومن داخلك ودّك تسامحها خلاص نجرب نروح
سكت يفكر ثواني وهز راسه وابتسمت:خلاص خذ لنا عشاء ناكل هناك ، تاخذ لنا بيتزا ؟
صقر:ماتحبها
لفت عليه ولايف تنتبه انه يعرفها وابتسمت وهزت راسها تناظر قدام:اوكيه ناخذ اي شي
ناظر الطريق صقر ومن داخله متوتر ومرتبك وقلقان وبنفس اللحظه محتاج وضعيف وشفقان ، وده يشوفها ويشوف حالها يعرف ضعفها ووحدتها ويحزن من داخله يحزن ويحترق عليها
ووقف ياخذ عشاء وولايف متعبه ومثقله واخذت نفس تنتظره وركب يحط العشاء بالخلف وحرك لبيت أبوه كان متردد وواضح التردد على ملامحه ومدت كفها وهي مرجعه راسها ومسكت كفه ولف عليها عند الوصول يوقف وناظرها تعبانه:انتي تعبانه
ولايف:تعب بسيط اكيد ما بولد بالسادس
رفع عيونه على البيت يناظره وتقدمت ولايف:مشينا صقر
هز راسه ونزل ونزلت ولايف معه واخذ العشاء بيده وفتح البيت ورفعت عيونها ولايف تناظره ورفعت كفها على ظهره ودخل البيت تدخل معه للحوش وتقدم للبيت وحط المفتاح ولف عليها:ما ندق عليها ؟
ولايف:ادخل صقر هذا بيتكم
ناظرها ثواني وفتح الباب بتوتر يدخل ويسمع الهدوء ودخلت معه ولايف وناظر البيت صقر ومسكت ذراعه ولايف تمشي قبله وكأنها تسحبه معها يدخل وما يتردد بالوقوف ورفعت صوتها:يا أهل البيت
دخلت الصاله ولفت عايده بذهول تناظرهم وناظرت صقر بصدمه ونزل عيونه صقر لها جالسه وحدها وقدامها صحن تاكل منه والهدوء بالمكان استاحشه ، وقفت على حيلها من شافتهم ومسكت كفوفها ببعضها:حياكم الله هلا تعالوا ارتاحوا
ولايف:ارتاحي انتي محنا اغراب
ناظرتها عايده ومشت ولايف تجلس ورفعت عيونها على صقر اللي لا زال واقف ولفت عايده عليه ونزل عيونه للاكياس:جبت عشاء
حطه بالارض ولف عليها يناظرها واقفه وبلعت ريقها عايده تتأمل نظراته وجيّته وتقدمت تحضنه بدون تردد وابتسمت ولايف تناظرهم وماقدر يرفع كفوفه عليها ابد وهو يشعر بها تحتضنه بقوه ورفع عيونه على ولايف اللي تناظره مبتسمه هو من داخله مسامحها وحزين عليها لكن يوم صار يشوفها بإختلاف تغير حاله وكأنه رجع طفل تماماً معها
ابتعدت عنه تناظره ولمست خده وهي تتأمل نظراته وصدت من بكت وانحنت تاخذ الاكياس وتتركهم وناظرتها ولايف تبكي بدون صوت وخارجه واخذت نفس بتعب تسند جسدها على الكنب وتناظر صقر
جلس صقر ورفع عيونه عليها وابتسمت له:بمدد رجولي محنا اغراب هنا
ناظرها تحاول ترتاح على الكنب ولف بعيونه من دخلت عايده تحط الصحون والاكل على الطاوله ومشت بإستعجال للمطبخ تجيب باقي الاغراض وخرجت تمسح دموعها بعشوائيه:حيّاكم
ولايف:محنا ضيوف ياعيّاده خلي التكلّف
وقف صقر وناظر ولايف:بجيب لك صحنك هنا
ابتسمت له لانه مقدّر ومشى للطاوله وناظرته عايده:انا احط لها
صقر:لا لا
اخذ صحن يحط لولايف وناظرته عايده تكتم بكاها واخذ الصحن ومشى لولايف يحطه عندها وابتسمت:شكراً ياعمري
رفع عيونه عليها وابتسم ابتسامه خفيفه ومشى للطاوله وجلس وجلست عايده وناظرته:احط لك ؟
صقر:لا انا اخذ ، كلي انتي
ماردت عليه وهي تتأمله وهو يغرف له وياكل بهدوء وناظرتهم ولايف من مكانهم وابتسمت وهي تاكل حاطه الصحن على بطنها وممده رجولها
ورفع عيونه صقر يناظر عايده ونظرتها له ورجع نزل عيونه للصحن:كلمتني
سكت ثواني يكمل:سلوى
عقدت حجاجها عايده تقترب منه باهتمام:وش بغت ؟
صقر ناظر المكان قدامه وصورة ابوه اللي رجعت لمكانها بالجدار يعرف ان عايده اللي حطتها لانها ماكانت من قبل هنا يفهم ان طلال موجود بعايده وعمره ماكان موجود بسلوى ماكان يذكره من سلوى ولا يشوفه بسلوى بس من يوم صارت عايده صار طلال
لف عليها يناظرها ونطق بهدوء:ما يهم ، ماهي أمي
سكتت عايده من جملته ورجع ناظر الاكل ياكل ونطقت:بتسافر ؟
هز راسه بدون يناظرها ونطقت عايده:عرفت من نوف قالت لي بتروح تشتغل ثلاث شهور
صقر:مو لحالي معي ولايف
عايده:أعرف ، ولايف ولا مره خلتك
ناظرت صحنها ولايف وهي تسمعهم ولف صقر على عايده:واذا احتجتي شي نيّاف موجود
سكتت تناظره ونزلت عيونها بتوتر من الوضع بينهم ورفع عيونه عليها يناظرها وقامت تاخذ صحنها وغمض عيونه ثواني والتفت عليها قبل تروح:يمه
لفت بعيونها ولايف تتوقف عن المضغ من سمعته ووقفت محلها عايده تعيد وتسترجع اللي سمعته ولفت بعيونها عليه تناظره وبلع ريقه يناظرها ونطق بهدوء:تبين شي ؟
ماردت عليه تصد عنه تبكي وقعدت على الارض تحط الصحن بجانبها تبكي وناظرتها ولايف بحزن شديد على حالها وانهزامها وقام صقر من مكانه ومشى لها ومسك ذراعها يقومها وبكت بوضوح تتمسك بذراعينه وحطت راسها على صدره تبكي ورفع كفوفه عليها يسمع بكاها ويوجعه اقصى مافيه من شعوره ومن ضعفها وناظرتهم ولايف تجلس بإعتدال وتحط صحنها وتتأمل حالهم
ابتعد صقر وناظرها:ان احتجتي شي كلميني
هزت راسها وهي تبكي وتناظره ولف صقر على ولايف:نمشي ؟
ولايف:نمشي
وقفت واخذت عبايتها تلبسها وناظرتهم عايده ومشت ولايف لها وتقدمت عايده تحتضنها ونطقت ولايف:نشوفك على خير ان شاء الله
عايده هزت راسها وابتعدت وناظرت صقر:وانتم طيبين
ناظرها صقر ورفع ذراعه على ظهر ولايف:في امان الله
ناظرتهم ومشى يخرج مع ولايف وفتح الباب لها تركب ومشى يركب ويحرك سيارته ولفت عليه ولايف:كذا بتروح وانت بخير ؟
صقر:انا بخير لاني بروح معك
ابتسمت له ولايف وناظر الطريق صقر:بكره اخلص باقي اموري وبعدها نتوكل على الله
لفت ولايف تناظر الطريق واخذ نفس صقر وهو يسوق
'
ناظرها والشاورما بيده وتكلم بحماس بيده يوصف لها:وتندفق كل سطلة السمن بسيارتي واقعد اكد فيها وانظف السياره
ضحكت من عمق داخلها عليه وعلى اسلوبه وهو يحكي لها بحماس وكمّل نيّاف:ويوم رحت عند ولايف مسكتها علي كانت ريحتي كلها سمن تقول راضع من بقره
صرخت تضحك وتصد عنه وضحك نيّاف يناظرها تضحك ورجع ياكل من شاورمته ولفت عليه تتنفس من ضحكها:اهخ نيّاف
ابتسم يناظرها تضحك ومسكت ذراعه وهي تضحك:عسول انت تدري ؟
نيّاف:ما يكفي السمن الحين صرت عسل بعد ؟
ضحكت غدي تترجاه يبطّل:نيّاف
ابتسم نيّاف:والله اول مره اسمع اسمي حلو كذا ، عيديه مره ثانيه اسمعه
ابتسمت بحيا تصد تناظر العقبه ومكانهم الهاديه:لا
نيّاف:هيا عيديه بالله بسمعه منك
لفت عليه تناظره يناظرها وهي مبتسمه ونطقت:نيّاف
رفع كفه يسحب شماغه عن راسه وضحكت من ردة فعله وناظرها:من راشد الماجد واي اغاني واغنيه هذا الطرب ، صوتك حلو واسمي حلو منك وانتي حلوه
ضحكت تهز راسها:ادري اصلاً دايم اغني لاخواني يحبون صوتي
نيّاف:تغنين ؟
ابتسمت تهز راسها وناظرها بذهول:احلفي ؟ غني لي
غدي:لا استحي
نيّاف:بالله غني لي جعلني فداك غدي لا تخلينها في كبدي
ضحكت غدي:نيّاف والله استحي لا مره ثانيه
نيّاف:طيب علميني كيف صرفتي اخوانك الجيش
غدي:حرام عليك ترا بس ٧ وبعدين طيبين ويحبوني ويدلعوني
نيّاف:يعني انتي الحين غير ابوك تدلعتي من ٧ رجال ؟
رفعت حاجبينها بغرور وتنهد:ما بيرضيك اي شي
غدي:انت ضحكني كل شوي كذا بس ضحكتي وبكون مبسوظه
ابتسم نيّاف لانها تضحك بصدق معه وهز راسه:على نخرتي
ضحكت من كلامه وابتسم يناظر ضحكتها
'
ابتسمت ولايف تناظرهم ونطق فواز:والله عشان مرتك حامل وادري بتمرّ علينا قبل تروح قلت اسبقك
صقر:الله يحييكم هذا مكانك
فواز:تروحون وترجعون بالسلامه ومعكم الحفيد
ابتسم صقر:اللهم امين الله يسمع منك
برّاك:انا انحكم علي اقعد الله يعين
لفت عليه صمود تناظره بحده وضحكت نوف:يمزح معك يابنت الحلال هو ميت على قعدة الجنوب كيف والحين زياد عندنا
ابتسمت ولايف تناظر زياد بحضن صمود ونطقت صمود:طيب كيف المستشفى هناك ؟
ولايف:صقر يعرف كل شي ان شاء الله سهالات
نوف:ولو انها صعبه عليك يا ولايف وحدك
صقر:ماهي وحدها صقر معها
لفت ولايف عليه وابتسمت تهز راسها:صقر ما بيقصر
نوف:على هواكم
فواز:مانبي نبطي اجل نتوكل قبل تغرب الشمس
صقر:وين اقعدوا تعشوا
فواز:لا لا بكره رحلتكم ناموا وعدلوا اموركم والله يوجه لكم
نوف وقفت وناظرت صقر:الله يسخر لكم كل خير
هز راسه صقر لها وتقدمت نوف تحضنه وباس راسها صقر وناظرته بحنيّه ولفت لولايف تسلّم عليها ومشت تتبع فواز وخرج معهم فواز وناظر نيّاف اللي يكلّم:ورع نيّاف اترك البربره سرينا
ضحك صقر يناظر نيّاف اللي قفل جواله ومشى له:متى اجيك بكره ؟
صقر:لا لا تعب عليك وش ييجيبك انا اروح ماعليك
نيّاف:لا بودعك بالمطار
فواز:تتعذر تبي تجي ابها ؟ نشبت بالبنت خاف الله فيها
ضحكت نوف:خلهم خلهم
صقر:لا والله لا تجي انا بروح بسيارتي
نيّاف ناظره ثواني وتقدم يحضنه:بتوحشنا
صقر ابتسم يبادله الحضن:محنا مطولين ان شاء الله
فواز:الله ييسر لكم يارب واستودعناكم الله
نوف:لا تنسى الاغراض اللي جبتها حوايج نفاس تاخذها معها ولايف
صقر:ابشري
فواز:هيا فمان الله
مشى صقر يدخل وناظر برّاك:كيف الابوّه ؟
برّاك:طلع لي شيب اكثر من قبل ، طالع الهالات ما ارقد ياصقر
صمود:برّاك تحب تصير ضحيه قول حمدلله بس مو صيّاح هادي
لفت على ولايف تكمل:والله هادي ولايف ياحياتي يبكي بهدوء حتى
ابتسمت ولايف تناظره بحنيّه:اي باين ياحياتي
صمود:عريس مُنى ان شاء الله
نطقت ولايف بذات الزمن اللي تكلم فيه صقر بنفس الكلمه:مستحيل
ضحك برّاك بذهول ولفت بصدمه صمود عليهم:خير شفيه ولدي ؟
ضحكت ولايف تناظر صقر اللي هز راسه:مانبي قرايب هذولا اخوان ان شاء الله
برّاك:اقول فكونا من سواليف الرضاعه وتخالط الحليب ذا زياد عروسته جاهزه
صقر:ماني معطيك بنتي لو تتنكس انت وولدك
برّاك:من الحين تغيرت النفوس هاه ؟
ضحك صقر يأشر له بإستحاله ولف برّاك:مشينا مشينا ما يبونا يا ولدي
ضحك صقر وابتسم برّاك لصمود:هيّا
صمود مدت زياد لولايف وقامت تاخذ شنطتها واغراض زياد وابتسمت ولايف تتأمل زياد وناظرها صقر من مكانه وهو مبتسم ووقفت ولايف بتعب ومدت زياد لصمود ونطقت صمود:طمنيني عليك ولايف تكفين
هزت راسها ولايف:ان شاء الله
صمود:استودعتك الله
تقدمت تسلّم عليها ووقف صقر يحضن برّاك:انتبه على نفسك
صقر:بإذن الله
مشى برّاك مع صمود يخرجون وجلست ولايف بتعب تفك عبايتها عنها وتاخذ نفس:انفاسي صارت ما تكفيني
ضحك صقر لانها متعبه ومثقله فعلاً وتقدم لها يبوس خدها بقوه وتقدم يحتضنها ويجلس:اهخ ولايف
ابتسمت ترفع كفوفها عليه:اهخ ولايف أحبك ؟
ضحك صقر وابتعد عنها:اهخ ولايف أحبك
ولايف:نعسانه يالله جلست معهم متى بتنام انت ؟
صقر:معك هو انا اقدر بدونك ؟
ولايف:شدّ حيلك اجل
صقر:بوش ؟
ولايف اشرت له وضحك:تبين تستغلين عضلاتي ؟
ابتسمت تمسك عضله بقوه:هذي موتي
ضحك لانها قالتها بعفويه واضحه وتقدم ينحني ويشيلها وضحكت:الحين انت شايل ثنتين يادكتور
صقر ابتسم وهو شايله بحذر ومشى بها للغرفه وضحكت من حطها على السرير وانسدح جنبها يمثل الاغماء وضربت كتفه:نصاب
لف عليها وابتسم وتكّى بيده يستند ويناظرها:قاعد انتظر على جمر متى اشوف نونو ولايف
ابتسمت ولايف تمسك بطنها:يمكن تطلع على صقر
صقر كشر:لا تخيلتها عليك ابيها نسخه منك
رفعت كفها على عيونه تلمس رموشه:ابي هالرموش تتوارث
ابتسم صقر واخذ اصابعها يبوسها وناظرته ولايف:انت مسافر عشان تبدي من جديد ؟
صقر:لا عشان ينتهي صقر القديم بكل حياته ، ابي ارجع واشتري بيت جديد وابيع حصتي بالمستشفى هذا واشتغل بمستشفى ثاني وابتعد عن غازي وسلوى واقترب من ابوي فواز وعمتي نوف
ناظرته تسكت وكمّل صقر:وأمي ، أمي تعيش اللي تبي تعيشه من زمان
ولايف:بس تدري غازي بكل شي شين الا بحبه لسلوى انت متخيل وش حصل عشان عيونها ؟
صقر رجع ظهره للخلف يناظر السقف وكملت ولايف:وحمدلله انها خرجت من حياتي ما كانت تستاهل تكون جدة عيالي مع اني للحين ما احسني حاسبتها
صقر:والله اشوف الكل انظلم والمظلوم أنفسهم
ولايف:وانت تصالحت مع الكل
صقر لف عليها يناظر عيونها:عشان اعيش ، مابي حروب مابي عتاب مابي حياه زياده على حياتي ابي اعيش بسلام بأمان حتى عتاب مابي
ناظرته وجلس صقر يناظرها وابتسم:اروح شغلي الصباح بعد ما اخذت لقمه من فطورك اللذيذ وبوسه من وجهك الألذ
ضحكت وكمل صقر:اشتغل بالمستشفى واصير معروف واسمي معروف والظهر تجي تزورني منى بالبريك وتجلس على مكتبي تلعب عليه وانا راجع اجيب لك طقم ذهب هدية الفطور
ضحكت ولايف لانه يتكلم وهو مبسوط ومرتاح وهزت راسها:كل شي عادي ما يصير الا انك ما تجيب لي ذهب
صقر:اصوغ لك معادن الدنيا كلها
اقترب يبوس عنقها وانحنت براسها تحضن وجهه بكفوفها وابتسمت:الصفقه اللي على راسك خلتك تصحصح وتحبني
ضحك يناظرها من قريب:اهخ ياهذيك الصفقه طير عقلي من مكانه صدقيني
ولايف:انت مجنون ؟ كنت متخيل ردة فعلي اذا عرفت انك تمشي وش بتكون ؟
ضحك صقر من تذكر مواقفهم وابتسم يبوس خدها ويرجع يحتضنها وابتسمت ترفع كفوفها على عضل ذراعينه:بس شلتني بهذي العضلات
ابتعد يرفع ذراعه تبان عضلاته وناظرتها ولايف ورجعت ناظرته:أحبها
صقر سكت يناظرها وكملت ولايف:وأغار عليك
ضحك من اعترفت:دايخه تعترفين بهالاعترافات ؟ وين الكبرياء ؟
ولايف ابتسمت:ماعاد في كبرياء صرت ام مُنى يا ابو مُنى
ابتسم لها صقر يناظر عيونها ورفعت كفها على وجهه ولايف تناظره:نام ارتاح عشان رحلتنا بدري
حط راسه على صدرها:انا مرتاح هنا
'
لفت بعيونها عليه من جديد من اخذ الدبله بيده يلبسها وابتسمت تناظر دبلتها الثمينه من شكلها وحجمها ورفعت راسها تبتسم لأهله ولأهلها ولفرحتهم من تخطت كل شي وعطت نفسها فرصه وابتسمت رجاوي اللي جالسه تناظرهم من مكانها ولفت عليها:قرّت عيوني
ابتسمت رجاوي تهز راسها:الحمدلله تسهلت كل ذي الشهور حاطه يدي على قلبي ما ترفض وتتراجع
سلوى:لا حمدلله وباين مرتاحه
لفت رجاوي على أنفال تبتسم لها ونزلت أميره من الكوشه وناظرت رجاوي:اذا تعبتي ارجعي البيت
رجاوي:امي الناس فهموا اني حامل كل شوي تداريني خلاص مابي احد يدري مالي شهر
سلوى:تبين تنحسد البنت انتي ؟
اميره:انتي اسكتي لا تدخلين في بناتي وبعدين من يحسد على حمل حتى الحيوانات تحمل
رجاوي:خلاص امي مو وقته
جلست أميره ولفت عليها رجاوي:ما انطحن الحب امي ما بترجعين عند ابوي ؟
اميره:لا وحتى تأخرت اروح بيت وحدي
لفت رجاوي على سلوى اللي مشغوله عنهم ولا تسمعهم ولفت لاميره:امي هذاك بيتك ومكانك
اميره لفت عليها:هذاك بيتي اي بس قلب ابوك ماهو بيتي ولا مكاني وانا مابي اعيش ثانيه وانا الاولى ، وغازي ماعليه حسوفه سلوى تعرف له وهو يعرف لها مالي بهم
سكتت رجاوي تناظر امها بحزن وضيق واخذت نفس اميره براحه تناظر بنتها بفرحه تغمرها ونطقت:ربي عوض أنفال وانتي زوجك ما بيقصر بالدكتوراه بتاخذينها وترفعين راسي
ابتسمت لها رجاوي تطمنها وابتسمت اميره تناظر أنفال من مكانها
'
مشت معه بيدها قهوه وتناظره يحاسب على اغراضها اللي عجبتها واخذت الكاميرا من شنطتها وخرج صقر لها ورفع ذراعه خلف ظهرها:ما تعبتي نرجع ترتاحين ؟
ابتسمت ترفع الكاميرا وبيدها القهوه وابتسم لها صقر يقترب منها اكثر ويناظر الكاميرا وصورتهم وضحك:انا قلت ما تحبين التصوير هذي مو أكيد
ضحكت تمشي معه:مالقيت شي اصوره
ابتسم صقر ولف عليها:اليوم تعبتي بالمشي تولدين اليوم
ولايف:ما اظن انت سمعت الدكتوره تقول يمكن تتأخر ولادتك تاخذين اخر اسبوع بالتاسع
صقر:وانا اقول هاليومين ولادتك
ولايف:لا تخرعني خلني مبسوطه
ايتسم يهز راسه لها ومشت ولايف بثقل تناظر المكان وفتح سيارته صقر يفتح لها الباب وجلست بصعوبه ومشى صقر لبابه وعقدت حجاجها ولايف من التقلصات اللي شعرت بها ولفت على صقر اللي يتكلم معها ولا سمعته ولا انتبهت من قلقها وحرك صقر والتفت عليها:ولايف
ولايف ناظرته ونطق:اقولك عندي عمليه بالليل بالمستشفى بضطر اروح الليل
ولايف هزت راسها ونطق صقر:الجيران العراقيين جنبك اذا احتجتي شي ومارديت عليك كلميهم
ولايف:وش احتاج صقر لا تقروشني برجع وبنام
صقر:مافي شي يخوف بس لو احتجتي شي
هزت راسها بدون ترد وناظر طريقه صقر لين وصل لسكنهم ونزل صقر ياخذ الاغراض من الخلف وفتح بابها يساعدها ومشت للبيت ودخل صقر:باخذ شاور واجهز واخرج عشان يمديني
هزت راسها ولايف وجلست بالصاله ولفت تناظر الجو من غيّم وبلعت ريقها بقلق لان اقترب موعد ولادتها وهذا قلق كل حامل ولفت لجوالها تناظر رسالة صمود وارسلت لها ولايف:صاحيه انتي وزياد ؟
ردت عليها بذات الوقت:صاحين
ولايف:بدق فيديو
انتظرت ثواني ولايف ودقت صمود وابتسمت ولايف من ناظرت زياده بحضنها:ياحياتي
صمود ابتسمت:كيف وضعك ؟
ولايف:اليوم ارسلتي لي صمود وقلت لك تمام خلاص لا تقروشيني زياده مع صقر
لفت ولايف من خرج صقر لابس لبس دوامه ونطقت:خذ معك مظله شكلها بتمطر
هز راسه وناظرها:كلميني
هزت راسها له وناظرها ثواني صقر ومشى يخرج ولفت ولايف لصمود:وحشني زياد
صمود:تعالي خذيه وخليني انام
ضحكت ولايف:هذا وهو هادي صمود ماشاء الله
صمود:اهخ تعب تعب وبرّاك ما يفهم شي ولا يساعد بشي
ولايف سكتت ثواني ولفت تناظر الجو من مكانها ونطقت صمود:وجهك وجه ولاده
لفت ولايف عليها بخوف وابتسمت صمود:اعرف ذي الفهاوه جاتني قبل اولد
ولايف:احس بتقلصات بسيطه بس مافي الم
صمود:طيب قومي خذ شاور واذا عندك اغراض مو جاهزه جهزيها وحاول ترتاحين وتنامين
هزت راسها ولايف:لو ما بتنامين كلميني
صمود:مو نايمه مو نايمه بكون معك
قفلت ولايف جوالها ومشت للحمام واخذت شاور وخرجت بروبها تناظر شنطة البيبي وشنطتها واغراضها وشعرت بألم متفاوت وتمسكت بالدولاب لين اختفى وبلعت ريقها ومشت لجوالها تتصل على صمود وردت صمود وناظرتها:وشفيك ؟
ولايف:يجيني الم ويروح
صمود ناظرت ساعتها:عطيني احسب علميني اذا حسيتي بالالم واذا راح
هزت راسها ولايف تتنفس وتناظر صمود وهي هاديه وبقت لثواني طويله ونطقت:جاني الالم
ناظرت الساعه صمود ونطقت ولايف:راح
صمود:بين الطلقه والثانيه ربع ساعه كلمي صقر وروحي المستشفى
ولايف:ما يقدر عنده عمليه
صمود:طيب اطلبي اسعاف وروحي
ولايف:بشوف الجيران واكلمك
صمود:كلميني ولايف تكفين كلميني لا تخليني اقلق
هزت راسها ولايف وقفلت الجوال تشعر بذات الالم وتاخذ نفس لين يختفي وقامت تلبس ملابسها وتجهز واخذت جوالها وخرجت من الغرفه وناظرت المطر بالخارج وتنفست تشعر بالالم والتعب والتوتر ومشت تفتح المظله وتخرج ومشت للسكن المجاور ودقت الباب وفتحت الباب نور:شبيك ولايف ؟
ولايف:احس بطلق ولاده تقدرون تنقلوني مستشفى صقر ؟
نور:هسه انادي محمود وننقلج
دخلت نور تنادي بعلو صوتها:يامحمود جارتنا بتولد تبي ننقلها عالمستشفى
نزل محمود وناظرتهم ولايف بتعب ولبست جاكيتها نور وخرجت تمسكها:الله يسهل لج بهالمطر ، اذكري الله
هزت راسها ولايف تمشي معها وفتح الباب لهم محمود وركبت بالخلف مع نور وشعرت بالالم تشد على كف نور ماتبي تصرخ او تنطق بشي ونطقت نور:صقر يعرف ؟
هزت راسها بالنفي ولفت نور:محمود لا تخرعه اذا وصلنا خبره
محمود هز راسه وهو يسوق ومن وصلوا للمستشفى نزلت نور تفتح المظله وتمشي لولايف وخرجت ولايف وتألمت توقف دقايق ونطقت نور:وصلنا وصلنا ديري بالج
مشت مع نور تدخل المستشفى وهدت دقايق تمشي معهم ودخل محمود يسأل عن صقر ودخلت ولايف لإنتظار الولاده مع نور وانسدحت على السرير وتقدمت لها الممرضه تحط لها جهاز قياس الطلق ونادى محمود نور وخرجت له ونطق محمود:يكولون عنده عمليه
نور هزت راسها ودخلت لولايف تجلس معها وغمضت عيونها بتعب ولايف تنتظر
'
خرج يشيل الزي الاخضر الكامل من جسمه ويفصخ القلفز ويزيح اللي فوق شعره ويغسل ويعقم والتفت للدكتور اللي خرج يتكلم معه بالانقليزي وهز راسه صقر يجاريه الحوار ويمشي معه والتفت يناظر محمود وانصدم:محمود
وقف محمود وابتسم:دكتور صكر
صقر:عسى ماشر !
محمود:انا كنت ناطرك مرتك نقلناها المستشفى تكول انـ
قاطعه صقر يمشي بسرعه بقلق لقسم الولاده ودخل الغرفه وناظر ولايف:ولايف
لفت عليه ولايف برعب ومن شافته مدت كفها بخوف وناظرتهم نور تخرج وجلس عندها:وش صار ؟
رفع عيونه مباشره لجهاز الطلق يناظره ونطقت ولايف:صقر ادخل معي تكفى
صقر ناظرها يطمنها:معك معك
لف على الجهاز مره اخرى يتابعه ودخلت الدكتوره وناظرت صقر تتكلم معه بالانقليزي وتكلم معها صقر اثناء ماكانت ولايف تقاوم الالم وماتصرخ
التفت صقر:بنطلع غرفة الولاده وبجي معك طيب ؟
ماردت عليه وهي مغمضه عيونها من شدة الالم ونقلوها بالسرير لغرفة الولاده ومشى صقر مع الدكتوره يتكلم معها ودخل يلبس لبس المستشفى على لبس شغله ويدخل عند ولايف ومسك كفها يناظرها تقاوم الالم ونطق:لا تكتمين نفسك طلعيه ، طلعيه تنفسي
ماردت عليه وهي تتألم وبدت الولاده وتجمعوا عليها ممرضات ودكتوره وصقر بجانبها ومن شدة المها صرخت لأول مره ماتقدر تكتم صرختها وعقد حجاجها صقر بقلق يناظرها ويسمع ارشادات الدكتوره ولف لها:اذا سمعتيها تقول بوش ادفعي وانتي تتنفسين ، تنفسي ولايف طلعي نفسك وارجعي خذي نفس
شدت على كفه بقوه ولف صقر يناظر نبضات البيبي ويقرأ اللي بالشاشه
استمرت الولاده لنص ساعه لين ما ولدت يسمعون صرخة البيبي وابتسم صقر يوقف على حيله براحه ورفعتها الدكتوره لهم:بنت
لف صقر على ولايف اللي تناظره من مكانها بتعب وابتسم لها صقر:حمدلله على السلامه ام مُنى
نادته الدكتوره ومشى مع الممرضه من خرجت بمنى وفصخ لبسه يخرج من غرفة الولاده ويناظر مُنى من خرجوا فيها
اخذ نفس براحه ياخذ جواله ويصورها وابتسم يتأملها ووقف يناظر صورتها وارسلها لاول شخص خطر بباله ، عايده
'
نوف مدت يدها تاكل من العريكه بالحافظه عندها:ويكلمونك ؟
عايده ناظرت فنجانها:اي صقر بين فتره وفتره يرسل لي ومره كلمني فيديو
ابتسمت عايده تناظر نوف:ما تصدقين فرحتي يوم شفته اشتقت لزوله
نوف:الله يردهم سالمين
عايده:اللهم امين
لفت نوف على نيّاف اللي مغمس يده بالصحن ويناظر جواله ومبتسم ورفعت صوتها نوف:نيّاف
فزّ يناظرها:بسم الله وشفيك
نوف:تحللت العريكه من اصابعك تحللت كل والا قم
نيّاف اخذ اللقمه بيده ياكلها:السموحه المدام ارسلت لي صورتها بعد ما عذبتني فتره بدون ما اشوفها
ابتسمت عايده تناظره ونطقت نوف:انت وين زرّ عقلك ؟ طار مع الدبله ؟
لف الجوال نيّاف:بالله ماهي قمر ؟ وين انلام انا ؟
ناظرت الصوره نوف وابتسمت:ياحبيبتي ياغدي اي والله زين وأدب ودلع هذا عرق أمك
عايده:وش بتسوي بزواجك ؟
نيّاف:بعد جمعتين كلمت صقر يقول بيكونون هنا ان شاء الله
نوف:يمكن ما تولد بدري ولايف وش يسوون
عايده:الله يسهل لها يارب
نيّاف:ان شاء الله تولد اليوم والله اشتقت لصقر هذي ولايف جات وقاسمتني فيه
ضحكت نوف:تجي من تقسمك انت بعد
عايده لفت لجوالها واخذته وناظرت اسم صقر وهمست:صقر
نوف ناظرتها وهي تاكل:كلمك ؟
فتحت الرساله عايده وناظرت الصوره بذهول ولفت نوف تتأمل ملامحها:وشبك ؟
ماردت عايده تناظر الصوره بصدمه ونطقت نوف:عايده وشبك ؟
لف نيّاف يناظرها ولفت عايده الجوال عليهم وشهقت نوف ووقف نيّاف يمسك راسه:ولدت ؟
ضحكت عايده بعدم تصديق وصرخت نوف توقف تركض للجوال ومشى نيّاف يطلع على الكنبه يناظر الجوال وبكت عايده بيد ترجف وابتسمت نوف:ياحييبتي ياهالوجه ياحبيبتي ، دقي عليه دقي نشوف اخبارهم
عايده:رجولي ما تشيلني
نيّاف:لا تشيلك رجولك شنبي برجولك الحين دقي بأصابعك ، دقي دقي
ابتسمت نوف بفرحه ودقت عايده فيديو تنتظر رد صقر
ورد صقر وابتسم من ناظر نيّاف ونوف:سلام عليكم
نيّاف:مبرووك مبروك ما جاك والله انها بنتي من الحين
نوف:اسكت انت اسكت ، صقر ياحبيبي مبروك ماجاكم وحمدلله على سلامتها كيف ولايف ؟
صقر رفع عيونه على ولايف اللي منسدحه وتسمعه وابتسم:بخير الحمدلله وولادتها يسيره
نوف:الحمدلله الحمدلله على سلامتكم قلبي بيخرج من مكانه متى بتجون ؟
سكت صقر يناظر عايده اللي تخفي دموعها وتناظره ونطق:يمه ، سميتها مُنى
ابتسمت نوف تلتف على عايده ونطقت عايده تخفي بكاها:الله يجعلها من الصالحين وتتربى بعزك وعز امها وحمدلله على سلامة ولايف
صقر ناظر ولايف:الله يسلمكم جميع
نيّاف:هيا متى العوده ؟
صقر:مو عشان مُنى عشان زواجك ادري
ضحك نيّاف:جيّة مُنى اغلى من زواجي
صقر ابتسم:ان شاء الله قريب
نوف:استودعناكم الله
قفل جواله صقر وناظر ولايف اللي نطقت:كلم صمود وابوي اقلقت صمود معي قبل ادخل غرفة الولاده
صقر:ارسلت على برّاك وصلهم الخبر
سكتت ولايف بتعب وتقدم لها صقر:تيسرت لك الحمدلله كل ولاده بجيبك هنا تولدين
ضحكت بتعب تعقد حجاجها وابتسم صقر يرفع كفه لشعرها يزيحه عنها وناظرته ولايف:صقر تكفى لا تخلي مُنى عندهم اخاف عليها
صقر:بيجيبونها الحين ان شاء الله انتي حاولي تنامين
ولايف:باقي بلبس دوامك مابترجع البيت ؟
صقر:نرجع سوا ان شاء الله
سكتت وجلس صقر عندها يرفع اصابعه لشعرها وغمضت عيونها بتعب تنام ولف صقر من انفتح الباب ووقف وناظر الممرضه اللي تدفع السرير وابتسم وسع ثغره يشوفها تقترب منه وعينه على القطعه الصغيره من روحه اللي مغلفه بقماش وردي ومن حطت السرير عنده الممرضه تركته وانحنى صقر يناظرها من مكانه وهو مبتسم ، كانت نايمه بشكل بريئ ملائكي سرق من داخله شعور أول مره يشعر به لناحية إنسان ، شعور أب مستحيل ينوصف وينحكى عنه لكت من شافها بهاللحظه شعر انها من قلبه محطوطه بلفّه ورديه
تردد يناظرها وده يشيلها لكن كان متوتر من حجمها الصغير واقترب منها يحط كفه تحت ظهرها كانت اصغر من ظنه وشالها بحضنه مباشره يناظرها نايمه ورفع سبابته على خدها يلسمها ماهو مصدق شعوره والتفت يناظر ولايف وانتبه انها صاحيه مبتسمه وضحك:صغيره
عدلت جلوسها من اقترب منها وهو يناظرها:كيف قلبي يصير بهذا الحجم ؟
ميلت راسها تناظر مُنى بحضنه من جلس عندها ومدها لها واخذتها بحذر تحتضنها لأول مره وابتسمت تعض شفتها تناظر ملامحها ما تستوعب ان هذا الكائن منها ولفت على صقر تهمس:تشبهك
ابتسم يناظر مُنى اللي نايمه ورجعت ناظرتها ولايف بعدم تصديق وفزّ من استوعب صقر:وين الكاميرا
ابتسمت ولايف من قام يدور بشنطها واخذها يقترب منها ويحتضنها بذراعه ويرفع الكاميرا بذراعه الاخرى وابتسمت ولايف تناظر مُنى وصورهم صقر يناظر الصوره بفرحه تغمره ولف عليها:الحين صرنا ثلاثه ؟
ولايف عضت شفتها ما تصدق نفس ماهو مو مصدق وضحك صقر:طيب كنا برق ورعود الحين وش نصير ؟
ولايف ابتسمت تناظر مُنى:هذي مطرنا وغيثنا هذي مُنى عيننا
اقترب صقر يبوس مُنى وضحكت ولايف:صغيره صقر صغيره
ضحك يناظرها من قريب وابتسمت ولايف تتأملها
'
خرج يحط الاغراض بالسياره ولفت تنتظره يخلص ولفت على نور:ادري تعبتك معي سامحيني
نور:ازعل منج على هالكلام احنا مالنا غير بعضنا بهالغربه ومُناتي الصغيره صارت كطعه مني والله هوايه تعودنا عليكم ابقوا زورونا
ابتسمت ولايف:ان شاء الله ومتى ما زرتوا السعوديه حياكم الله عندنا
نور:الله يكتب لنا الحج هاي السنه
ولايف:امين بإذن الله
صقر دخل وناظرها:مشينا ؟
وقفت نور وتقدمت لها ولايف تحضنها وابتسمت:نشوفكم على خير
نور:ان شاء الله
انحنت ولايف تاخذ شنطتها وتقدم صقر ياخذ مُنى اللي بالكارسيت وخرج يحطها بالخلف وناظره محمود:دكتور صَكر
لف صقر عليه وابتسم يحضنه:مشكورين ونعم الجيره
محمود:ما سوينا الا واجبنا
صقر:نشوفكم على خير
محمود:توصلون بالسلامه
مشت ولايف تركب بجانب صقر وركب صقر وحرك وابتسمت ولايف تناظر المكان:بيوحشني المكان
ابتسم صقر يناظر من مرايته مُنى بالخلف:نعيد نزوره ومُناتي كبيره ان شاء الله
ابتسمت ولايف تلتف عليها تناظرها نايمه ومغطينها عن البرد بقبوع أكبر من حجمها يغطي جبينها كامل ولف صقر من وصل للمطار ولف عليها:اخلص اوراق السياره واجيكم
هزت راسها ولايف ونزل صقر ولف ولايف على مُنى تناظرها تحاول تتحرر من الكوفله:انتي ياماما عنيده على مين ؟ بيدخلك برد
تقدمت تناظر كفوفها الصغيره واصابعها وعقدت حجاجها ولايف بحنيّه عليها وضحكت ولفت من فتح بابها صقر:هيّا
نزلت ومشى صقر يحط الشنط واخذ مُنى من الخلف ياخذها بالكارسيت وانحنت ولايف تشيلها بحضنها ودخلت مع صقر تمشي معاه يخلصون جوازاتهم وامورهم ولف صقر عليها:عمي برّاك لو ما حلّ سالفة جواز مُنى كان طولنا هنا اكثر بس حمدلله تيسرت
ولايف:اول مره يسوي شي زين
ضحك صقر يمشي خلفها لين تدخل الطياره وتجلس على مقعدها وناظرها وهو واقف:مرتاحه ؟
ولايف:تمام تمام
جلس على مقعده يناظرهم ولفت ولايف على مُنى اللي رجعت تنعس واقلعت الطياره وصقر ما غفت عينه ابد ولا غفلت عنهم ابد وبدت مُنى تتحرك ولفت ولايف لصقر:رضاعتها بالشنطه صقر غسلها وجيبها
وقف صقر ياخذها من الشنطه ومشى للمضيفات يغسل الرضاعه عندهم وضحكوا المضيفات لانه متوتر وقلقان ومستعجل ومشى لولايف اللي شايله مُنى وانحنى يناظرها محتاسه وجلس عندها:انا اسويها حفظت مويه حاره ٢٠ ومويه بارده ٦٠ والحليب ملعقتين
ضحكت ولايف لانه يراجع حفظه فعلاً ويحط بالرضاعه وخضها يعطيها ولايف:يمكن متضايقه من لبسها
ولايف:لا جيعانه خلاص الحين تهدأ
صقر:افتحي الرضاعه شوي عشان الغازات لا توجعها
ولايف لفت عليه بذهول تضحك:صقر خلاص اهدأ ولا كأنك تعودت
صقر حك جبينه:ماودي تبكي
ابتسمت ولايف تناظره ولفت ترضع مُنى وهي مبتسمه
ولف صقر يجلس بمقعده ويناظر مدة الوصول للسعوديه ومشى الوقت وولايف تعاني بمُنى بتعب ووقف صقر عندها:هاتيها وانتي ارتاحي انا اعرف لها
ولايف:بتقوم تبكي مي مرتاحه
صقر:ماعليك
اخذها من حضن ولايف ومشى يجلس بمقعده والرضاعه بيده وحطت راسها ولايف على الكرسي براحه تناظرهم من مكانها وكيف مندمج صقر برعايتها وابتسمت تلتفت للكاميرا وتصورهم ورفع راسه من شعر بالفلاش صقر وضحك وابتسمت تناظر الصوره ولايف
اعلنوا الهبوط عند الوصول ووقف صقر ياخذ شنطة مُنى بيده وبحضنه مُنى ونطقت ولايف:هاتها صقر
صقر:لا لا خلاص انتي تعالي جنبي
مشت معاه تشوفه شايل مُنى والشنطه ووقفوا عند الشنط ولف عليها يعطيها منى وياخذ اغراضهم وخرجوا من المطار وضحك صقر يشوف نيّاف اللي فاتح ذراعينه يستقبلهم وابتسم صقر وتقدم له يحضنه وابتسمت ولايف تناظرهم ونطق صقر:والله اشتقت لذا الراس
ضحك نيّاف والتفت يناظر مُنى:اشوف
اخذها صقر وتقدم نيّاف يناظرها بذهول:تشبهني نسخه
ولايف كشرت:اعوذ بالله
نيّاف لف عليها:الله بالخير
ولايف:اتفل على بنتي عن العين
نيّاف:هذي بنتي انا ليش الانانيه
صقر:ساعدني بالشنط هيّا ، ابوي فواز وعمتي بالبيت ؟
نيّاف:اي عند عايده
سكت ثواني ولف لصقر:امك يعني
ناظرتهم ولايف ومد لها مُنى تاخذها من يدين صقر ومشت تخرج لسيارة نيّاف وفتح لها الباب صقر تركب وبحضنها مُنى وحط اغراضهم بالخلف مع نيّاف وركب بجانب نيّاف ولف عليه نيّاف وابتسم:ارحب ابو مُنى والله الجنوب كل ابوها اشتاقت لك
صقر:انا ما اشتقت لشي بالجنوب الا لك
ولايف:متى تنتهي فقرة الرومانسيه هذي ونمشي ؟
نيّاف:هذي تغار من صحبتنا
ولايف:هذي لها اسم والا ناسي ؟
سكت نيّاف يتورط وضحك صقر يناظر الطريق وأبها البهيّه من شباكه براحه ، راجع لديرته ومكانه لكن راجع وهو متعافى من كل ما يوجعه
'
ليلة زواج نيّاف وغدي
ليلة الحاضر دون الماضي ، ليله تنشرى بمال قارون من السعاده اللي تحملها ، كان يشعر بإن ولده اللي بيتزوج ماهو نيّاف شال كل الزواج ورحّب وهلّا ووقف بجانب فواز وهو محتزم يناظر نيّاف اللي يسلّم على الحضور
التفت فواز على صقر:خذ خبر من المطبخ ياصقر الذبايح لا تبطي
صقر هز راسه:ابشر
اخذ جواله من جيبه يخرج من القاعه يوقف برا بعيد عن صوت الشيلات والحضور واخذ موعد مع مطبخ الذبايح وقفل جواله والتفت يناظر القاعه ورجع ناظر جواله وابتسم يرسل لها:وش تسوي مُنى ؟
ردت وهي جالسه على الطاوله ومُنى بالعربيه بجانبها وابتسمت:صرت تسأل على مُنى قبلي ؟
ضحك لانه توقع هذا كلامها وارسل:بشوفك ما امداني اشوفك
ولايف ابتسمت وسط ضجيج المكان:راحت عليك
ضحك يهز راسه بتعب منها وقفل جواله يدخل ولفت ولايف على صمود اللي بجانبها:احس مكاننا بارد لو غيرناه مو احسن ؟
صمود:لا تكفين ما ابي اذوب من الحر خلينا هنا
ولايف:مو ملبسه منى كويس
صمود لفت تناظر مُنى نايمه وابتسمت:ياويلي ياويلي ولايف قمر اسم الله عليها قمر
ضحكت ولايف تناظر مُنى ولف من تقدمت نوف:اي هذي زوجة صقر وهذي زوجة برّاك اخوي ، خوات هم
ابتسمت ولايف توقف وتسلّم وتناظر الحضور وتقدمت ريم تجلس:تعبت اوجّب
صمود:ماقصرتي ردح جنوبي ما يمزح
ضحكت ريم:عمتي ام مالك كل ما قعدت قالت قومي
صمود:تكشخ فيك يعني راحت عليكم تراها لنا
ابتسمت ريم:اييي تخيلي اصلاً ام غدي كانت تبغاني لولدها وانصدمت اني متزوجه
ولايف ضحكت:الحين يكبر راسك على مالك
ريم ضحكت تهز راسها وابتسمت ولايف تلف تناظر اللي يرقصون وبعد ساعات بدأت زفة غدي وتسلطت على مخرجها الاضاءه ولفوا ينتظرونها ومن طلّت ابتسمت نوف برضى تام داخلها وراحه تغمرها وتقدمت غدي تناظر الحضور وهي مبتسمه ولفت صمود على ريم:نيّاف ما بينزف معها ؟
ريم:لا انزف قبل الناس
صمود:اجل شكلي بمشي زياد طفشني
ريم:تعشي وروحي
صمود:مالي نفس
لفت صمود على ولايف:انا رايحه
هزت راسها ولايف ووقفت صمود تدف عربية زياد وتخرج ونطقت ولايف:انتبهي على مُنى بسلّم على غدي وجايه
هزت راسها ريم ووقفت ولايف تطلع لغدي واباسمت غدي بها وتقدمت تسلّم عليها ولايف:مبروك اكيد بنصير نتقابل كثير
ضحكت غدي تهز راسها:اكيد
لفت ولايف على نوف اللي واقفه:انا بمشي
نوف:تعشي معنا
ولايف:تأخر الوقت وانا صاحيه بدري مع مُنى
نوف:على راحتك
نزلت ولايف تناظر ريم اللي تكلم مُنى وناظرتها صاحيه وابتسمت:بطلع قبل تبكي وتنكد علي
ريم:بساعدك لحظه
وقفت ولايف وهي شايله مُنى بحضنها وخلفها ريم تدف العربيه ووقفت ولايف تمد منى لحضن ريم وتلبس عبايتها ونطقت ريم:اهخ احب هذا الوجه
ابتسمت ولايف تناظر مُنى واخذت جوالها تتصل ورد صقر:هلا
ولايف:عربية منى عند الباب خذها وانا خارجه
صقر:طيب
قفلت واخذت مُنى من حضن ريم ومشت تخرج وناظرت صقر اللي يحط بالعربيه بالخلف وتقدمت تمشي بالكعب بحذر وتقدم صقر لها ياخذ مُنى ويحطها بالخلف وابتسم:انتي صرتي توحشيني كذا ليه ؟
ركبت ولايف تسمعه يكلمها وضحكت لانه طوّل يتكلم معها ونطقت:صقر خلاص يالله
مشى يركب بجانبها وحرك ولف عليها:بس الشوق الاكبر لأم منى اكيد
ولايف:ما اصدقك
ضحك صقر واخذ كفها يبوس اصابعها وناظر اظافرها والمناكير:حلوه دايم حطيها
ناظرته يسوق ويبوس اصابعها ولفت للطريق لحد وصولهم للبيت ووقف صقر يسمع بكاء مُنى ونطقت ولايف:اهخ نعسانه تكفين
صقر:انا اخذها انزلي
نزل ياحذ منى من الخلف وناظرتهم ولايف بتعب ومشت قبل صقر وابتسم صقر يدخل خلفها وهو شايل منى ودخلت الغرفه ووقفت بذهول وابتسم صقر يناظر ردة فعلها
وتقدمت تشوف بوكيه الورد الاحمر الكبير والبالونات البيضاء اللي مربوطه بكيس كبير ولفت لصقر وضحك:أم مُنى الاولى
ابتسمت بصدمه تمشي للهديه ودخل صقر يحط مُنى على السرير ومسك يد مُنى يبوس اصابعها وفصخت عبايتها ولايف تناظر الهديه:صقر
جلس بإعتدال يناظر فستانها الاوف وايت وشعرها وأناقتها وتقدمت تفتح الهديه ووقف صقر يمشي لها وعض شفته ينتظر ردة فعلها وفتحت الطقم الكبير وشهقت من شافت طقم الذهب الطويل ونطق صقر:قلت لك يبي لك ذهب لين بطنك وجاك
ضحكت بعدم تصديق واخذه صقر يوقف خلفها يلبسها وناظرت انعكاسهم بالمرايه تلمس الذهب اللي يغطي كامل صدرها وضحكت:هذا بيجيب لي عين تخليني انا معاقه مو انت
ضحك صقر يبوس دقنها ولفت عليه وابتسمت:شكراً لاني دايم على بالك
صقر:لا تشكريني على شي ، شكراً انتي لانك بحياتي
تقدمت تحضنه وغمضت عيونها ونطق صقر:نامي انا بنوّم مُناتي
ابتعدت عنه تناظر مُنى اللي ساكته وتمص اصبعها:بغير واجي اشوفها
مشت تتركه وتقدم صقر لمنى ينسدح بجانبها ويمسك كفها وابتسم يشوف حركاتها وكيف تحرك رجولها ويدينها
وخرجت ولايف وناظرته وهي لابسه روبها الحرير:وش بيسوون نوف وزوجها ؟
صقر:قلت لهم يجون هنا ماودي يروحون بدون نيّاف بس قالت عمتي بتروح عند امي وينامون عندها
ولايف سكتت وانسدحت على السرير وناظرها صقر وهي مغمضه عيونها مستسلمه بتعب وتقدم لها يبوس عنقها وابتسمت تفتح عيونها من شعرت به:المفروض تنوّم مُنى مو انا
صقر:انوّمها واجيك
ناظرته من ابتسم ولف على منى ياخذها بحضنه ويعطيها المصاصه ويهزها بحضنه وابتسمت ولايف تناظره بنعاس
'
وقف عند بابها ينتظر خروجها وهو مبتسم ويناظر اخوانها اللي ينتظرونها وعدل بشته وناظرها خارجه بمساعدة امها ومسك كفها فهد وتقدم نيّاف يمسك كفها الثانيه:انا اساعدها توكل
ناظره فهد بذهول وضحكت غدي تمشي للسياره وركبت وعدل فستانها نيّاف وقفل الباب ولف على اخوانها وضحك:تصبحون على خير
مشى يركب سيارته ودق بوري يغيضهم وضحكت غدي تناظرهم:حرام عليك
لف نيّاف عليها وهو يسوق وفتح اللمبه بينهم:خليني اشوفك زين
ضحكت تصد للامام وابتسم نيّاف يناظرها:ارض الجنوب مهي بسهله صدق
ضحكت بوضوح له وابتسم من ضحكتها ولف يسوق يشعر بان داخله يطير من سعادته ومكسبه بكل هذا الجمال بجانبه
وقف عند الفندق ولفت عليه:نيّاف جيعانه ما اكلت
نيّاف:عيون نيّاف الحين اصحي الفندق كله بطبخ لك
ضحكت من نزل فعلاً وحط بشته على ذراعه وفتح لها الباب تنزل ومشت معاه وهي ماسكه ذراعه
وتقدم نيّاف للرسبشن وناظره:نبي عشاء الله يسلمك فوق بالغرفه
الموظف:مع الاسف الان انتهى دوام الطباخ
لف عليها:بعد اذنك ياعيون نيّاف
شال ذراعها منه ذراعه ودخل يده بجيبه وطلع ظرف العاميه وحطها على الطاوله:هذي من سعيد ولد عمي بس فداك
ضحكت غدي وناظرها الموظف بذهول ورجع ناظر نيّاف اللي نطق:غرفتنا ٤٠٣
لف على غدي يمد ذراعه وحضنت ذراعه ومشت معاه وهي تضحك وابتسم يطلع معها لغرفتهم ومن دخلوا فصخت عبايتها تجلس بفستانها على السرير ونطق نيّاف:لو ما عشوك اليوم بذبح حلال ابوي كله واعشيك
ضحكت غدي:نيّاف لا تضحكني خلاص
جلس نيّاف وفصخ غترته يحطها بحضنه وناظرته تسكت وتناظر شعره وملامحه والتفت عليها يناظر نظراتها ونطق:لا تطالعيني كذا انتهي
ابتسمت وهي تناظره واقترب منها ودق الباب ووقف يفتحه وناظر طاولة الاكل:ونعم
اخذ الطاوله يدخلها وابتسمت غدي من جلس جنبها:سمّي بالله
ابتسمت تناظر الاكل وتاكل بهدوء تحت نظراته
'
حطت زياد بجانبها يجلس وابتسمت ولايف تناظر مُنى اللي جالسه وتناظر زياد ورفعت كفها على وجهه تلمسه وضربته وبكى زياد وضحك صقر:ليه يابابا ؟
لفت مُنى تناظرهم وضحكت صمود وهي شايله زياد بحضنها:سبحان الله مدري على مين طالعه بذا الكفوف
سكتت ولايف وهي مبتسمه ولف عليها صقر يضحك ورفعت حاجبها تشوف ضحكة صقر ونطق برّاك:زياد ماتعرف تصفقها وترد الصفعه ؟
صقر:يمد يده اكسر يده ورع والا مو ورع بنتي محد يجيها
حَبت مُنى باتجاه ولايف ونطقت بتمتمه بحرف الميم ونطقت ولايف:هاه ياماما
انحنت تشيلها وتجلسها بحضنها ورفعت عيونها منى وهي ماسكه رجولها تناظر صقر وتقدم لها صقر يلعبها وضحكت وابتسم برّاك يناظرها وضحكت صمود لانها تحب صقر بوضوح
رجع يلعبها بوجهه وصرخت تضحك وضحكوا بصوت عالي منها ومدت كفوفها على وجه صقر تمسكه وابتسم يشيلها بحضنه يبوسها وحطها على صدره بالطول يناظرها تلعب بوجهه بقوه بيدها
ولايف:الكفوف اللي تمون عليك
صقر:فداها
وقفت ولايف تدخل للمطبخ وناظرت عايده اللي تطبخ:ما خلص ؟
عايده:الا الا خلاص بس اسألي صقر متى بيجي نيّاف يصير نغرفه على طول
ولايف:انا اكمل الاكل روحي انتي عندهم
هزت راسها عايده ومشت تخرج من المطبخ وناظرت صقر:صقر شوف نيّاف وينهم ابطوا
صقر لف عليها ومنى بحضنه واخذ جواله:ابشري
دق الجرس ونطقت عايده:هذا هم
مشت بتروح ونطق صقر:انا افتح
مدّ لها منى واخذتها وهي مبتسمه:يابعد اهلي انتي
مشى صقر يفتح الباب وناظر نيّاف:بدري
نيّاف ناظر غدي من دخلت:ياحبيبي الحين عندي وحده تتجهز ثلاث ساعات
صقر:حيّاك
دخل نيّاف وناظر برّاك اللي جالس:الخال
برّاك:انت ما صرنا نشوفك يعنني استقريت وتزوجت ؟
ضحك نيّاف يسلّم عليه ويجلس وناظرتهم عايده وهي جالسه وبحضنها مُنى:الله يدين جمعتكم على خير
ابتسم صقر لها ووقفت ومعها مُنى تدخل للمطبخ وتناظر صمود وولايف وغدي:خلاص نحط لهم بالصاله واحنا ناكل برا الجو حلو
ولايف:انا قلت كذا بعد وعشان مُنى وزياد يلعبون بالكور اللي برا
غدي ناظرت زياد:انت يانونو ياقمر قول غغغغ
صمود ضحكت:هذا حرفه المفضل من حظك
ضحكت غدي ولفت على ولايف:عطيني اساعدك
عطتها ولايف ونطقت عايده:هذي برا لنا وانا بحط للعيال
ولايف:بنستناك عيّاده لا تطولين
لفت غدي تناظرها باستغراب وضحكت صمود:وشفيك ؟
ابتسمت غدي تناظر ولايف:كيف تنادينها عيّاده وهي عايده ؟ وبعدين هي مو ام زوجك ؟ ليش ما تقولين خالتي عمتي ؟
ولايف:محد عمتي ومحد خالتي
ضحكت صمود:ما تناديني احد الا بإسمه حتى نوف تقولها نوف
ولايف ضحكت:حتى انتي تقولين لها نوف
غدي ضحكت بذهول منهم ومشت تخرج معاهم بالخارج تناظر العاب مُنى بالحديقه والجلسه الموجوده وجلست ترتب المكان ولايف:بجيب مُنى واجيكم
دخلت للمطبخ وناظرت عايده اللي مدت لها مُنى ومشت تخرج وابتسمت:وش هالقعده الزينه
لفت غدي تناظر مُنى بحضن ولايف:هاتيها
مدتها ولايف تجلس وابتسمت غدي تناظر مُنى وتعطيها الالعاب تاخذها بفمها مباشره مُنى ونطقت عايده:بعد التراب الله يهديك
ولايف:خليها ياغدي بالارض ، كلي
حطتها غدي تحبي بالارض للالعاب وزياد بحضن صمود تعطيه يذوق من اصبعها ونطقت صمود:أنفال مرسله دعوة زواجها بتحضرين ؟
ولايف:لا
صمود:ليه مسكينه احس ومن زمان ما شفناهم
ولايف:مابي اشوف خلقة سلوى
صمود لفت لعايده:معد تكلمك ؟
عايده:انا معد ارد على احد
صمود:برّاك يقول غازي غيّر بيته مع سلوى وأميره للحين طالبه الطلاق
ولايف:والكلب له شهور باقي ما طلقها ما تبيه ليه العناد ؟
صمود:بس عايفته مره يقول لبرّاك حاول يراضيها بفلوس وبيت بس رفضت
ولايف:لا عافت النفس ، اقولك ياليت ابوي جاء كلمتيه انتي ؟
صمود:والله اقنعته وكلمه برّاك بعد قال تعبان وبينم بدري
سكتت ولايف وهي تاكل ولفت ولايف من دق جوالها وردت وهي تاكل:هلا
صقر:جيبي مُنى انا بالمطبخ
ولايف قفلت جوالها ووقفت ومشت لمُنى تمد كفوفها:هيّا
عايده:خليها وتعالي تعشي
ولايف:صقر يبيها
انحنت تشيلها ودخلت المطبخ ولف صقر وابتسم يناظر مُنى ومد كفوفه لها تمد كفوفها له عشان ياخذها وابتسمت ولايف تعدل فستانها:لا تعطيها نيّاف يطمع ببناجر الذهب ويسرقها
ضحك صقر واخذها يخرج بها وخرج برّاك وهو ينشف يدينه:ياهلا ياهلا ، بالله عطنا لولدنا
صقر ضحك يبعدها عنه:توكل بس
خرج نيّاف وناظرها بحضن صقر:منوش
تقدم يجلس بجانب صقر وابتسم صقر يناظر مُنى جالسه وتناظر نيّاف ونطق نيّاف:قولي عمو
ظلت تناطره وهي ساكته وهو يردد عليها ولفت على صقر تبكي وتتمسك فيه وضحك برّاك:خرعت البنت مافيك قبول
نيّاف:وانا وش سويت
ضحك صقر يمسك يدين مُنى:خلاص صفقي صفقي
ناظرت صقر تتمسك فيه وهي تبكي وحضنها تسكت وناظرت نيّاف وهي بحضن صقر وناظرها صقر وهي ساكته وتقدم برّاك يتأملها من بعيد ونطقت مُنى:يع
ضحك بعلو صوته صقر لانها كانت عفويه منها ولف نيّاف بذهول على برّاك اللي يضحك ولف صقر على مُنى:قولي بابا بابا
ناظرته مُنى ترجع تتمسك بتيشيرته عشان يحضنها من جديد واخذ المصاصه صقر يحطها بفمها ونطق نيّاف:يع اجل طيب ، هذي قالت يع قبل ماما وبابا
برّاك:ماقدرت تتحمل وجهك
دخلت عايده بالشاهي وابتسم صقر:يمه تخيلي مُنى تقول يع
ضحكت عايده تناظر مُنى وناظرها صقر:بتقول ماما قبل بابا
عايده:مع ان اسهل لها بابا
صقر ناظرها تناظره:بابا
ناظرته مُنى تتأمل فمه ووقفت خلفهم عايده تناظرها:بابا ب ب
شال المصاصه صقر يناظرها:بابا
صرخت بحماس تحرك يدينها:ماما
ضحكت عايده وابتسم صقر:ماما اجل طيب
تقدم نيّاف ياخذها من حضن صقر ورفعها فوق وطاحت مصاصتها تبكي ولف صقر ياخذ الشاهي من يدين عايده ونطق برّاك:غثيت البنت ياثقل دمك خلاص ماتحبك ماهو غصب
نيّاف ناظرها بعصبيه يحطها بالارض وحّبت لين وصلت لرجل صقر وهي تبكي وتنادي عليه:ماما
شالها يجلسها بجانبه وجلست تلعب في ساعة يده وصقر يسولف معهم:انعزمت على زواج والله
برّاك:زواج من ؟
صقر:تتذكر المحاميه اللي رفعت قضية الورث والسجن ؟
هز راسه برّاك ونطق صقر:هي
نيّاف:دوبها بتتزوج ؟
صقر:اي كلمت ولايف تعزمها وانا دق علي ابوها
برّاك ناظره بتعجب:ابوها يعزمك وش هالغلا
صقر:كنت برسل لهم هدية الزواج بس ولايف ودها تروح
نيّاف:تروح وين ؟ ليه هو وين ؟
صقر:بالشرقيه بالخبر
ناظرتهم عايده:روحوا صقر تستاهل البنت ما قصرت معك ومع ولايف
صقر:ان شاء الله بنروح بس ولايف تقول انهم ناس واصلين واعمام البنت مناصب وابوها يوم كلمني تخيل يقول تذاكركم عليّ موج ودها تحضرون وانا يتكلف بها بس انا رفضت والله
نيّاف:راحت عليّ قهر
برّاك:انكتم ، ماشاء الله على ابوها
عايده:البنت طيبه بعد
صقر:اي الله يوفقها
برّاك:من بتاخذ ؟
صقر:ولد عمها
نيّاف:الاغنياء ياخذون من بعضهم دايم
صقر:اذكر الله انت طارت عيونك يوم عرفت بالفلوس
نيّاف:ماعزموني معكم بعد ؟
برّاك:شوف الكلب وين بتروح تدور ثانيه ؟
نيّاف:وش ناقصني ؟
التفت يفزّ من تقدمت غدي:ينقصك عن ايش ؟
ابتسم صقر يصد لمُنى ونطق نيّاف:منهو ينقص ؟ لا انا اقول لهم انا ناقص ناقص ويوم تزوج كمّلتني زوجتي الحبيبه غدي
ناظرته غدي ثواني ولفت بإحراج من وجود برَاك وصقر واشرت له انه نتفاهم بعدين ومشت تدخل للمجلس وخرجت ولايف شايله صينية القهوه وناظرت مُنى من بعيد ودخلت المجلس يجلسون فيه
ولف برّاك من خرجت صمود شايله زياد:هاتيه يقعد هنا
صمود:دخلنا من الناموس خفت يقرص زياد
عايده:خليه عندنا هنا ماعليك
ابتسمت صمود تعطيه برّاك ومشت للمجلس تدخل وتجلس معهم
ولف صقر على نيّاف اللي ماسك راسه وضحك:ما انت قده ليه تقوله ؟
نيّاف:تتوقع سمعتني بالله ؟
برّاك:توعدت فيك انت ما لاحظت ؟
عايده ضحكت:لا تخرعونه
نيّاف:بروح اجيب ورد احتياط
صقر:الله اعلم بحجم المصيبه
ضحك برّاك من قام نيّاف صدق يخرج من البيت
'
المنطقة الشرقية - الخُبر
بين موج الشرقيه وبرق ورعود الجنوب كانت موجوده بالفندق على كرسي تسريحتها موزعه كل الميك اب على التسريحه وتتجهز للزواج وتسمع صوت ضحكة مُنى اللي تلعب مع صقر وناظرت اظافرها:الصالونات هنا مو طبيعيه كيف حلوه
لفت عليه من انتبه عليها ونطقت:شوف اظافري كيف
هز راسه بالنفي:انتي حلوه ماهو من الصالون
ابتسمت له ولفت تناظر مكياجها وشعرها اللي سوته بالصالون
ودق الباب ونطقت ولايف:خذ مُناي معاك لا تطيح من السرير
شالها صقر فوق كتوفه وضحكت مُنى تمسك شعره وفتح الباب وناظر العامل اللي جايب شماغه وفستان ولايف وفستان مُنى من الكوي وابتسم:شكراً
اخذها وهو ماسك مُنى وعلقها بغرفة الملابس وخرج يشيل مُنى وياخذها بحضنه يلعبها ونطقت ولايف:صقر سيرلاك مُناي بالشنطه عطها ما ابغى تزعجني هناك
صقر:يكفي وجبتين ؟
ضحكت تفهمه وهزت راسها بالنفي ونطق صقر:والله يقفل سرعاتي
سكتت وهي تضحك واخذه صقر من الشنطه يخلطه لمُنى اللي تناظره وتعض اصبعها واخذ لقمه صقر وضحكت مُنى وابتسمت ولايف تسمعها تضحك واكل مره ثانيه صقر تضحك مُنى وتطيح على ظهرها على السرير ونطقت ولايف:صقر لا تطيح
ضحك صقر يجلسها لانها تضحك وعطاها تاكل ووقف ولايف تاخذ فستانها وتدخل لغرفة الملابس تغير ولبست فستانها الكحلي تناظره بالمرايه ماسك على جسمها وانحنت تلبس كعبها واخذت فستان مُنى وخرجت:خلاص قوم صقر اجهز وانا بلبس مُنى
رفع راسه عليها يناظرها تشيل مُنى وابتسم:لحظه بشوفك
لفت عليه وهي شايله مُنى وابتسمت:لبسته عشان موج
ابتسم صقر ووقف:قمر الشرقيه كلها قمر الدنيا كلها وقمر قلبي وصدري
ابتسمت من انحنى يبوس خدها وناظرته امامها وابتسمت:ما بنطول ونخرج ابغى اخرج معاك
رفع كفه على انفه وابتسمت ومشى لغرفة الملابس وجلست ولايف تلبس مُنى اللي بيدها لعبه واخذت طقم الذهب الصغير تلبسها خاتم وبناجر وسلسال وحلق وتحط على شعرها طوق ورد ولبستها الشوز وضحكت:انتي قمر على مين ؟
ابتسمت مُنى لها وحطتها بالارض ولايف تاخذ البخور وتبخر شعرها وابتسمت من خرج صقر وبيده شماغه ولبس الطاقيه خلفها يربت شماغه وعقاله ولفت عليه تبخره وناظرت رموش عيونه وهو يناظر انعكاسه بالمرايه ويعدل شماغه وابتسم:حتى هو يحبك
ضحكت تناظره وناظرها ونطقت:مين ؟ صقر والا رمش صقر ؟
ابتسم لها يقبل عنقها وابتعد من شعر بمُنى تمسك رجوله ولفت تتعطر ولايف وتاخذ عبايتها وانحنى صقر يشيل مُنى:وين الكاميرا ؟
ابتسمت ولايف من طلعتها توقف بجانبه وابتسم يمسك خصرها ويقربها منه ومن مُنى اللي بحضنه شايلها وصورتهم بالكاميرا ولف صقر لمُنى:يخطبونك الشرقاويين الحين ؟
ضحكت ولايف تلبس عبايتها ونطق صقر:ما ازوجك الا جنوبي
ولايف اخذت شنطتها:هيّا
صقر:مشينا
مسكت ذراعه تخرج معه وهو شايل مُنى
'
واقفه بالإستقبال بكل جمالها وإطلالتها وترحب بالضيوف وبجانبها عجوزه جالسه على الكرسي وأصايل وغلا وجنى وشهد حريم أخوان زوجها وأخت زوجها الوحيده أصايل
تقدمت ولايف تناظر القاعه بإعجاب وهي شايله مُنى بحضنها وتقدمت لملاك اللي ابتسمت:حيّ الله من جانا
ولايف:الله يحييك انا ولايف صديقة موج من أبها
ملاك ابتسمت تسلّم عليها:ياهلا بأهل الجنوب كيف حالك ؟ وصتني عليك موج استقبلك
ولايف ابتسمت:أمها صحيح ؟
هزت راسها ملاك:اي ملاك ، وهذي أم العريس جنى وهذي عمتي جدّة عقاب وموج
ابتسمت ولايف تسلّم عليها وناظرتها نوره:وش هالزين بنت من انتي ؟
ملاك:هذي صديقة موج من ابها
نطقت أصايل:ياحلو البنات ماشاء الله شسمها بنتك ؟
ابتسمت ولايف:مُنى
أصايل:حلو اسمها وهي حلوه ماشاء الله نورتينا
ولايف:تسلمين
ملاك:تعالي اوديك تسلمين على موج قبل تجلسين
ولايف:لا ماودي ازعجها
ملاك:لا لا خلصت كل شي من بدري
مشت ولايف مع ملاك وتقدمت بنت ونطقت ملاك:هذي دانه اخت موج
ابتسمت دانه تناظر مُنى:ياويلي مين هذي القمر ماشاء الله
ملاك:هذي ولايف اللي سولفت عنها موج
دانه ابتسمت تسلم:اهليين كيفك ؟ تحمست اشوفك من كلام موج كانت تقول حلوه حلاوة بنات الجنوب
ضحكت ولايف ونطقت ملاك:وديها لموج انا بستقبل الضيوف
دانه هزت راسها وناظرت ولايف:عادي اشيل النونو ؟
ابتسمت ولايف تمد لها مُنى وناظرتها دانه:قمر اسم الله عليها ، تعالي حيّاك
مشت ولايف للمصعد تطلع لجناح العروس وفتحت الباب دانه وصرخت بحماس موج من شافت مُنى:مُناتي ياويلي
ابتسمت ولايف:مرحبا
وقفت موج بفستانها الابيض وتقدمت تحضنها:اخيراً جيتي
ولايف:مبروك
موج ابتسمت:الله يبارك فيك عقبال النونو الصغيره هذي ، ولايف حرام عليك بالتصوير كبيره هنا نقطه نقطه
ابتسمت ولايف من اخذتها موج ونطقت:دانه صورينا
ابتسمت دانه تصورهم بجوالها وجلست موج وبحضنها مُنى ولفت لولايف:شفتي أمي ؟
ولايف:اي استقبلتني وعرفتني
موج ضحكت:نشبت في ابوي يعزم زوجك وزنّيت عليهم عشان تحضرين
ولايف:وانا نشبت في صقر نجي كان ودي احضر
موج:اجلسي لين العشاء بليز
ولايف:بعد الزفه بمشي والله مُناي تنام بدري وبتنكد علي لو طولت
ضحكت موج:ياحياتي قمر قمر ماشاء الله ولايف وش هذي الرموش الحلوه
ابتسمت ولايف تناظر مُنى اللي تتأملهم وهاديه
دانه:اي تنحب تنحب ماشاء الله
موج:عطي ولايف من التوزيعات
مشت دانه تتركهم ولفت موج:تخيلي طالبتها من ينبع
ولايف:وش هي ؟
موج:هذا براند اسمه دبل تي الحين مسويه لاين عطور حجمها صغير بس تسوى
دخلت دانه وعطتها وابتسمت ولايف:تسلمين
موج:زوجك حضر صح ؟
ولايف اخذت جوالها:اي بكلمه اشوف
ناظرت اسم صقر تكتب له:دخلت ؟
وصلته الرساله وهو ماسك يد ثنيان:ماقصرت والله واحنا نتعنى لكم
ثنيان:المكسب شوفتكم ، موج والله نشبت فيني بس عشان اتأكد من حضوركم
ابتسم صقر:ما قصرت موج معنا وماهي غريبه عليها شرواك
ثنيان:تسلم وشرفتنا حياك الله
ابتسم صقر وتقدم يسلّم على عقاب العريس وناظر الشايب اللي جالس ونطق ثنيان:ابوي
صقر:كيف حالك ياعم ؟
عقاب:ياهلا بك
تقدم يسلّم على اللي بعده وعرفهم من نطق ثنيان:اخواني
سلّم عليهم كلهم ومشى يجلس بين الحضور واخذ جواله يرد عليها:اي استقبلني ابوها
ابتسمت ولايف من رد عليها وناظرت موج اللي تلعب مع مُنى
'
عشرين سَنه ، عشرين خريف بشعور الربيع ، تبدّلت كل غصون الخريف الهزيله لغصون الربيع المخضره
عاش كل خريف ربيع بجانبها مرّت عليه مرور المطر العذب الزلال كانت كل أيام عمره ربوع في ربوع
خرج من غرفة العمليات وهو لابس نظارته الطبيه ودخل مكتبه وابتسم من نطقت:سبرايز
ابتسم يقفل الباب:نوّر المستشفى
ابتسمت مُنى:عندي بريك بالجامعه وجيت اشوفك
جلس صقر على مكتبه:كان مرّيتي فواز تطلعينه من المدرسه اشغلني من امس اجي استأذن له
مُنى:أمي راحت تطلعه
صقر:ما يتكلم معك ليه ماوده بالمدرسه ؟
مُنى:لا ما قال بس احس عادي هم كذا بالثانوي يطفشون
صقر:ما اظن بس كلّمت طلال ولد عمك نيّاف يشوفه بالمدرسه وبيعلمني
ابتسمت مُنى:طيب ترا جايه اذكرك خايفه انسى
ابتسم صقر وناظرها يفهم عليها:تذكريني انا بربوع زواجنا انا وامك ؟
ضحكت مُنى:والله كنت ادري مستحيل تنساه بس خفت تكون انشغلت ونسيت امي ما بتعديها لو نسيت
صقر ابتسم:هي تذكرت ؟
مُنى:اي واخذنا هديتك انا وهي من فتره
صقر هز راسه من ولايف وناظرته مُنى:ما ابغى اطول وراي محاضره ثانيه اشوفك بالبيت صح ؟
صقر:ان شاء الله بخلص بدري بس تعالي عطيني بوسه
ابتسمت تمشي له وتحضنه وباس خدها وناظرها:سوقي زين
مُنى:عيب عليك امي علمتني السواقه اكيد ماعلي خوف
صقر:اي المشكله انها هي اللي علمتك
ضحكت مُنى ومشت تخرج من مكتبه وطلعت تفتح سيارتها وتركب وشغلتها وناظرت السياره اللي وقفت خلفها وعقدت حجاجها تدق بوري وانتظرت لوقت طويل ما خرج
فتحت شباكها تشيل نظارتها الشمسيه وتناظر السياره وفتحت الباب تنزل ونزل وناظرها:خارجه ؟
مُنى هزت راسها تناظره لابس لبس المستشفى:اي خارجه
عقد حجاجه يناظرها:انتي بنت دكتور صقر ؟
ناظرته بإستغراب وابتسم يناظر لوحتها:مُنى ؟
تجاهلته تمشي لسيارتها وتركب ومشى ودق شباكها وناظرته:وش هالوقاحه ؟ شيل سيارتك بطلع
ابتسم:لسانك طويل ليه كذا ؟
مُنى ناظرته بحده:توكل قلت
هز راسه:ابشري بطلع بس انا اتدرب عند ابوك وابيه يمشيني توسطي له عندي قولي دكتور سلطان بـ
قفلت الشباك بوجهه وحركت السياره للخلف ورفع صوته يحذرها:لا لا لا والله بطلعها اصبري
مشى بسرعه يركب سيارته ويبتعد عنها وناظرته مُنى بحده:وقح
مشت بسرعه تصدر صوت تفحيط وضحك سلطان بإعجاب منها
ناظرت طريقها مُنى ودق جوالها واخذته ترد:من طلعك من المدرسه ؟
فواز لف يناظر ولايف اللي تسوق:امي تسأل تبغين معنا غداء ؟
مُنى:لا عندي محاضرات بالعافيه
قفل الجوال فواز وناظرته ولايف:وش تقول ؟
فواز:لا ماتبي
ولايف:اسمع فواز يمين بالله لو تعيد هالحركه لتاخذ نصيبك بالضرب مع اللي يضربونك هذول ، ليه تسكت عنهم ؟ اجي القاك وحدك واربع يضربونك ؟
فواز:أمي قلت لكم مابي هالمدرسه مابيها
ولايف:بتقعد فيها وبتدعسهم كل يوم انت وحدك تسمع والا ما تسمع
فواز:والحين كيف برجع اداوم وانتي ضاربه عيال بطولي ؟
ولايف ناظرته بغضب:واضرب مدير المدرسه الحمار بعد ، محد يمد يده على ولدي دافع عن نفسك
فواز ناظرها ولفت ولايف تدخل البيت وتوقف السياره ولفت عليه:انت ولد صقر وولايف يعني تاخذ حقك بدون ما تخاف اي مصيبه تطيح فيها انا اخرجك منها بس ما تخاف
هز راسه فواز ورفعت كفها على شعره تقدمه لحضنها وتحضنه وابتعدت عنه ينزلون وناظرت اللي قاعد عند الباب وبيده مسوّاك:شتبي نيّاف اشغلتنا
نيّاف:كنت قريب وبسيّر ، ارحب سمّي ابوي
ابتسم فواز وسلّم عليه وناظره نيّاف:اخبارك ؟
ولايف:طيبين هيّا توكل
نيّاف:لا ماني رايح كلمت صقر يقول بيجي وعزمني على الغداء
ولايف:هو عزمك ؟ يعني مو انت اللي نشبت ؟ توكل عند عيالك بس
نيّاف:اقولك عزمني صقر
تنهدت ولايف بتعب ومشت تدخل البيت ولف نيّاف على فواز:كيف حالك ؟ اسأل عنك طلال يقول ما يشوفك بالمدرسه كثير
فواز:بخير بغيت اشوف جدي فواز
نيّاف:هو بالديره لو بروح لهم باخذك مع طلال
فواز ابتسم:ان شاء الله ، حياك عمي
مشى نيّاف مع فواز يدخل للبيت وجلس معهم بالمجلس وبعد دقايق دخل صقر وبيده كيس وناظر نيّاف:ارحب
نيّاف وقف:البقى
سلّم عليه وناظره:وش جابك ؟
نيّاف:اسكت قلت لولايف انت عزمتني على الغداء
صقر:اقول توكل بس اي غداء اليوم مشغولين
نيّاف:طيب عيب مو قدام ولدك
صقر:امش امش تغدوا انت وعيالك بالعقبه
نيّاف ناظر فواز اللي كاتم ضحكته وهز راسه:مردوده ابو فواز
مشى صقر يجلس وخرج نيّاف ولف صقر على فواز:كيف الدراسه ياوحش ؟
حك جبينه فواز:بخير
صقر:هاك هذي هدية امك حطها عندك اعرفها بتدور وراي
فواز ضحك ووقف ياخذ الكيس ويدخل لغرفته ومشى صقر يدخل الغرفه وناظر ولايف اللي تطبق الملابس وناظرته:ياهلا
ابتسم يتقدم يبوس جبينها وناظرته:انت عازم نيّاف ؟
صقر:لا وطردته
ولايف:اي زين مانبي نعزم احد اليوم
صقر لف عليها:ليه وش عندنا ؟
ناظرته ولايف:ماعندنا شي وش عندنا ؟
صقر:ولاشي
سكتت ولايف ومشى صقر للحمام يبتسم وتأففت ولايف تاخذ جوالها ترسل:مُنى ابوك يعرف والا ناسي ؟
مُنى:ناسي لمحت له بس ماكان فاهم شي ومستعجل عنده عمليه
تأففت ولايف تقفل جوالها تتوعد في صقر وخرج صقر وناظرها:وين منشفتي ؟
ناظرته بحده:بجهنم
مشت تخرج وتتركه وضحك بذهول منها واخذ جواله واتصل ينتظر ردها وردت مُنى وهي تسوق:هلا
صقر:وش قايله لامك انتي ؟
ضحكت منى:قلت انك ناسي
صقر:الحين تحرق علينا البيت
مُنى ابتسمت:لا ما اظن ما يقدر قلبها عليك
صقر:متى بترجعين انتي ؟
مُنى:بمرّ جدتي عايده وبجلس معاها يمكن انام عندها كلمتني امس وحسيتها طفشانه
صقر هز راسه:تسوين خير
مُنى:يالله انجوي انت والماما
ضحك صقر وقفلت جوالها مُنى وناظرت الطريق ووقفت عند بيت طلال بيت جدها وبيت عايده ونزلت من السياره وبيدها اكياس اكل ودقت الجرس وفتحت عايده:الله لا يخليني من هالوجه
ضحكت مُنى وتقدمت تحضنها:جيت اجلس عندك واسلّيك
عايده:كل ديار تدخلينها تهلّي بك انتي بنتي بنتي
ابتسمت مُنى وجلست تفصخ عبايتها وجلست عايده:زين جيتي كنت احسني مكتومه مخنوقه
ناظرتها مُنى بقلق:اسم الله عليك وش تحسين ؟
عايده:مدري كذا ضيقه بصدري كأن من قاعد عليه
مُنى:اخذتي ادويتك طيب ؟
عايده هزت راسها:الحين اطيب بشوفتك
ابتسمت مُنى تفتح الاكياس:جايبه معي قهوه وحلا وبتاكلين معي لا تقولين سكر وما سكر
عايده:خليني اجيب صحون
وقفت عايده تتركها وتمشي للمطبخ واخذت جوالها مُنى تناظر رسالة فواز:وين خرجتي وتركتيني ؟ ابوي مسوي بارتي بالحوش وش يقعدني معهم
ضحكت مُنى:تعال ببيت جده عايده
فواز ناظر العمال اللي يزينون الحوش وقفل جواله ومشى لولايف اللي بالمطبخ:امي
لفت عليه تناظره:امي
فواز:بروح عند جدتي عايده مُنى هناك وبنسهر عندها
ولايف:انتم وشفيكم اليوم ؟ محد بيقعد معي ؟
فواز:ليه وش فيه اليوم ؟
سكتت ولايف بعصبيه وصدت:مافي شي توكل
فواز ابتسم ومشى يبوس راسها وخرج من المطبخ وناظر صقر اللي دخل من الحوش:الشغله بغرفتي تحت مكتبي
ضحك صقر يلعب بشعر فواز وابتسم فواز:استأذن انا
صقر:بحفظ الله
مشى فواز يخرج وتقدم صقر لولايف اللي بالمطبخ وناظرها:الوليف
ماردت عليه متجاهلته وناظر الفرن بذهول ورجع ناظرها:لا تقولين ! فطاير زعتر ؟
ولايف لفت عليه بحده:اي حطيت حرّتي فيها لاني عادي احطك مكانها بهالفرن
ابتسم صقر يناظر عصبيتها:انتي حتى بذا العمر ما تتركين هالعصبيه ؟
ولايف:صقر اذلف عن وجهي مو طايقتك واصله معي
ابتسم وتقدم يحضنها من الخلف:لا تعالي معي بالحوش نقعد نسولف
بعدته تناظره:مابي اسولف معك
صقر:نسولف بذاك الربوع طيب
ناظرته تسكت وضحك صقر:انسى دنيتي كلها ولا انسى ربوع جابك لي
ابتسمت ودفعت صدره بخفه:ادري ما تنساني اصلاً
ضحك صقر:من بغى يقمّرني بهالفرن قبل شوي ؟
ولايف:وشوف الكلبه مُنى تقول ماهو متذكر ابوي ، هي ذكرتك ؟
صقر:لا والله انا اللي متذكر
ابتسمت ولايف ونطق صقر:هيّا تعالي معي
مشت معه وهي ماسكه كفه وفتح الباب صقر يناظر الطاوله والجلسه اللي جهزوها العمال وابتسمت ولايف تناظر الشموع والانوار اللي متصله بشجر الحوش ورفع ذراعه خلف ظهرها:حيّاك
ابتسمت تجلس على الطاوله وتناظر المكان ولفت عليه:هذا متى صار ؟
صقر:قفلت شبابيك البلكونه عشان ما تلاحظين ، هذي شركه مُنى طلعتها لي لها فروع بالسعوديه كلها تسوي حفلات وتنسيق حدايق
ولايف:مُنى تعرف كل شي ، شسم الشركه ؟
صقر فتح جواله يناظر الاسم:والله مدري الظاهر لولو بس انا محول الفلوس على سعود بهاج شكله صاحب المشروع
ابتسمت ولايف بهدوء تتأمل المكان والضباب اللي على حدود بيتهم ونطق صقر:عساني اعيش معك مليونين ربوع وربوع
ناظرت عيونه بهدوء وكمّل صقر:ويشهد الله اني عشت معك كل أيامي ربوع وصارت كل أيامي ربوع
ولايف نزلت عيونها ثواني ورجعت ناظرته:تعبنا لين وصلنا لهنا ياصقر ، كم من شي وقف بيني وبينك ؟
صقر:لأن حبي لك كبير ما انهزمنا
ابتسمت له ولايف بهدوء ونطق صقر:ثواني اجيب هديتك
ضحكت:لا تقول ذهب لان الذهب اللي عندي لو بعته شريت الجنوب كله
ضحك يدخل للبيت وابتسمت ولايف تنتظره والتفتت من خرج لها بطقم وضحكت تلف وجهها ووقف خلفها يحط الطقم قدام عيونها:ما يليق الا الذهب عليك ، ذا تصميم خاص طلبته قبل شهرين
ابتسمت تفتح الطقم وتناظر تصميم الذهب وعضت شفتها بإعجاب واخذه صقر يلبسها وابتسمت تشعر به ولمست الطقم بيدينها ومسكت كف صقر تبوسه وانحنى يبوس راسها:تستاهلين
جلس امامها وناظرته:باقي هديتك
صقر:ارتاحي انا اجيبها
هزت راسها بالنفي ومشت تدخل البيت وانتظرها صقر وهو مبتسم وخرجت بالهديه وضحك من حطتها قدامه توقف عنده تنتظر ردة فعله وفتح الهديه يناظر القلم المميز وابتسم من اخذه يناظر اللي محفور عليه:الوليف
ابتسم يرفع عيونه عليها ونطقت ولايف:عشان كل ما كتبت شي تتذكرني
صقر:بعتبرها غيره وبستانس فيها
ضحكت تجلس على رجله تاخذ القلم وتناظره:لا انا ما اغار كبرت على هالحركات
ابتسم صقر:انتي صافقه اليوم عيال ثانوي ؟
ناظرته تختفي ابتسامتها ونطق صقر:ولايف
تأففت توقف من حضنه:شفتهم متجمعين على فواز وماقدرت امسك نفسي وضربتهم كلهم
سكتت ثواني وهمست:بالنعال
مسك راسه صقر وهو يضحك وناظرته ولايف:صقر الا عيالي اي توصل امد يدي على اطول شنب بعد
صقر ناظرها:زين سويتي ولو مكانك سويت نفس الشي بس فواز لازم اغير مدرسته دام ماهو مرتاح فيها
ولايف:بس انت دافع رسوم السنه كامله ما بيرجعونها
صقر:فداه المهم يدرس وهو مرتاح
ولايف سكتت وكمّل صقر:ياخوفي يحبونك هالمراهقين انتي ضرباتك تخلي الواحد يحبك
ضحكت ولايف:لا ما كسرت راسهم نفسك ارتاح
ضحك صقر ومد كفه لكفها ياخذه ويبوس اصابعها ويحط كفها على خده وهو حاضنه
'
جلس فواز وهو يلعب بلاستيشن وناظرته عايده بتعب:ابوك لو يدري انك جاي عشان تلعب كسر هالسوني
مُنى ناظرت جوالها وهي تشرب قهوه:ماعليك منه ياجده لا تتعبين نفسك
عايده اخذت نفس تمسك صدرها:والله احسني تعبانه اليوم مدري وش كاتم عليّ
ناظرتها منى:ادخلي ارتاحي طيب
عايده:بنسدح شوي
هزت راسها عايده وناظرتها مُنى بقلق ووقفت عايده ومسكت الكنبه ثواني ونطقت مُنى بهدوء:جده
لف فواز بإنتباه يناظرها وفزّ مباشره من طاحت وصرخت مُنى:جده
فواز رفع راسها:جده تسمعيني ؟
بكت برعب مُنى:كلم ابوي فواز تكفى
فواز:لا لا ساعديني نوديها المستشفى
مُنى:فواز ابوي لازم يعرف
فواز:ساعديني مُنى
لبست عبايتها مُنى ومسكت عايده تساعد فواز وخرجوا يحطونها بالسياره وركبت مُنى بجانب فواز وساق فواز وناظرته:سوق على مهلك
فواز:نوديها مستشفى ابوي ونشوف اذا احتاجت شي نكلمه يجينا بس ان شاء الله مافيها الا العافيه
مسحت دموعها مُنى:يارب
وقف فواز عند المستفى:بنادي احد يساعدنا انتظريني
لفت منى على المستشفى بخوف وركض فواز يدخل وناظر اللي واقفين وبيدهم قهوه ويسولفون ونطق:احد يساعدني
لف عليه سلطان ونطق:ابشر بي
حط قهوته وخرج مع فواز ولحقهم ممرض بكرسي وفتح الباب فواز ونزلت مُنى:بشويش فواز تكفى
رفه عيونه سلطان يناظرها ولف لفواز يناظره ونطق:امورها طيبه ان شاء الله
مُنى:بدق على ابوي
نطق سلطان:لا لا لا ماعليكم الحين نشوف وضعها
ناظرته مُنى ثواني ومشى سلطان مع الممرض يدخلون عايده للمستشفى ومنى وفاز خلفهم ودخل سلطان الغرفه يناظر عايده ولف للممرض يتكلم معه
جلست مُنى بتعب عند الباب تنتظر بقلق وجلس فواز امامها وبعد اكثر من ثلث ساعه خرج سلطان ولفت عليه مُنى وناظرها:حمدلله امورها طيبه بس الضغط ارتفع عليها وطبيعي بهالعمر مع التفكير والتعب يحصل
فواز:حمدلله
سلطان:بس اي نوع حبوب الضغط اللي عندها ؟ يمكن تحتاج نغيرها
مُنى لفت لفواز:ما اعرف بس اروح اجيبها من البيت
هز راسه سلطان ومشت تخرج مُنى ولف سلطان على فواز:انت ولد دكتور صقر ؟
هز راسه فواز:اي
ابتسم سلطان:ونعم
فواز هز راسه يسكت ومشى سلطان يتركه ويدخل غرفته وجلس وهو مبتسم ودق الباب عليه بعد مده من الزمن ودخلت مُنى بكيس الادويه:اللي لقيتهم ما اعرف اللي تستخدمها بس اخذت اللي جنب سريرها
اخذ الكيس سلطان وناظرها:استريحي واهدي مافي الا العافيه
جلست بتعب تمسك رجولها من شعورها وخوفها وهمست:خفت
ناظرها سلطان بهدوء وغمضت عيونها مُنى ونطق سلطان:ما ناسبها هالدواء يصير تغيره بنوع احسن ان شاء الله
هزت راسها مُنى:اقدر اشوفها صح ؟
سلطان وقف بكيس الادويه:اي اكيد
مشت تخرج معه وجمد وجهها من شافت صقر وولايف واقفين مع فواز ولف صقر عليها بذهول:وش حصل ؟
بلعت ريقها مُنى ونطق سلطان:دكتور الامور طيبه حمدلله هو بس ارتفاع بالضغط واتوقع الدواء ما ناسبها
لف عليه صقر يناظرها:تتوقع ؟ من متى عندنا توقعات يادكتور ؟
بلع ريقه سلطان بإحراج ودخل صقر الغرفه ولفت ولايف على سلطان تناظره ودخلت الغرفه وناظرهم سلطان يدخلون كلهم
جلس صقر عندها واخذ بكفها:وش تحسين الحين يمه ؟
عايده:طيبه طيبه حمدلله بس تعبت شوي
صقر:لو العيال ما كانوا عندك وش كان صار عليك ؟
عايده:ماكان صار شي لا تقلق عليّ والله طيبه
اخذ كفها يقبّله وناظرتهم مُنى بضيق ولف صقر عليهم:ليه محد دق عليّ ؟
فواز:انا قلت لمُنى ما تتصل مابغيت اشغلك انت وامي
صقر:ما تشغلني فواز امي ذي
عايده:خلاص ياصقر لا تهاوش العيال
لف صقر عليها وجلس ولايف تناظرهم ولفت مُنى على عايده:انتي طيبه صح ؟
عايده مسكت كف مُنى:طيبه طيبه ان شاء الله
'
خرجت للبلكونه تشوفه قاعد وحده يناظره المكان وساكت وابتسمت:أبو العروسه
رفع راسه عليها يناظرها وضحكت:تراها ملكه وش هالتعاسه بوجهك ؟
صقر:والله مدري احسها باقي صغيره بعيني
ولايف:انت ماطلت مع الولد كل هالسنين وتوظف ومُنى تخرجت وش بقي ؟ خلهم يتزوجون
صقر:ما تكلمت معك مُنى ؟
ولايف:طاير عقلها تبيه
صقر:لو اخذت زياد ماهو احسن على الاقل اقدر اخنقه لو غلط بحقها
ضحكت ولايف:وتقدر تخنق هذا بعد
صقر ابتسم واخذ كفها بكفه يرجع يناظر الجبال ونزلت عيونها ولايف من دخلت سيارتين:وصلوا
رفع راسه صقر يشوف سيارة نيّاف وولده طلال ووقف:بستقبلهم
مشى يخرج وينزل لهم ويفتح الباب:يالله حيّهم
نزل فواز على عكازه وتقدم له صقر يبوس راسه:كيف حالك ابوي ؟
فواز:بخير الحمدلله وين بنتنا ؟
ابتسم صقر:تتجهز ، حيّاك ادخل
نزلت نوف وباس راسها صقر وناظرته:كيف حالكم وش هالغيبه ؟
صقر:مشاغل مع ذا الملكه
نوف:الله يسهل لها حبيبة قلبي ونور عيني جعلني فداها
ابتسم صقر ولف طلال:هاه ياوحش
ابتسم طلال يسلّم على راسه:كيفك ياعمي ؟
صقر:بخير انت كيف دراستك ؟
طلال ضحك:ان شاء الله زينه
ضحك صقر ولف لنيّاف وحضنه نيّاف ونطق:هذا اللي بياخذ منى اليوم بختبره
ضحك صقر وناظره:وش اختباره بعد لك سنه تراقبه بدوامه
نيّاف:ولو كان بنت اخوي ذي
صقر:حيّاك ادخل
نيّاف:ام طلال
مشت غدي معه تدخل ومشت للمطبخ وناظرت ولايف:ماشاء الله تبارك الله وش تجهزين ؟
ابتسمت ولايف:يامرحبا
تقدمت تسلّم عليها ونطقت غدي:ياحبيبتي مُنى الله يوفقها
ولايف:اللهم امين
غدي:البنات راحوا معها للصالون ماهي وحدها
ولايف:اي قالت لي بنات عمي نيّاف وخالتي صمود معي
ابتسمت غدي:خليني اعاونك
دخلت صمود ونطقت:سلام عليكم ام العروس
ضحكت ولايف وحضنتها صمود وغطت فمها:كبرنا
ولايف ضحكت:انتي وزوجك الشايب من زمان كبار
غدي:خليني استعجل البنات
اخذت جوالها غدي تتصل وردت عليها ليالي:هلا امي
غدي:وينكم ؟
ليالي:انا وهديل خلصنا باقي مُنى ما خلصت بس رغد معها
غدي:دام انتي واختك خلصتم تعالوا اسبقوهم ورتبوا مع خالتك ولايف
ليالي:بنزفها امي
غدي:معها بنت خالتها انتم ارجعوا
ليالي:امي خلاص قربت تخلص نمشي سوا
غدي تنهدت:طيب لا تبطون
قفلت جوالها ليالي ومشت تناظر ليالي اللي خلصت وضحكت:قمر
هديل:قولي ماشاء الله
مُنى:توتر بنات فيني خفقان
رغد:مُنى انتي قابلتيه قبل الملكه لين حفظتوا بعض
مُنى:انكتمي ابويه ما يدري
ليالي:تروحين المستشفى يعنني ابي ابوي وانتي رايحه عشان سلطان
ضحكت مُنى بذهول:انكتمي انتي بعد
هديل:هيا ما بنطول
مُنى:اوكيه
اخذت جوالها وشنطتها تخرج معهم بالسياره وساقت رغد للبيت ولفت عليهم:هذي السنه سنة الخطايب ، زياد حدد ملكته الشهر الجاي
شهقت ليالي:امانه ياويلي من وين اجيب فستان بشهر
هديل:احسن ما سويتم اخذتم من بعيد كلنا ما نطيق زواج الاقارب
مُنى ناظرت جوالها تبتسم ولفت رغد:وش هالمخفه اثقلي شوي وتشوفينه
مُنى:ما يخصك سوقي بس
وقفت رغد عند البيت ونزلوا ودخلت البيت مُنى وابتسمت من شافت فواز:جدي
لف عليها وابتسم:هلا هلا بالعروسه
ابتسمت تجلس وتحضنه وناظرتها نوف بحنيّه:الله يوفقك يارب
ابتعدت مُنى وناظرت نوف تسلّم عليها ولفت لنيّاف اللي وقف:ان صار شي علميني انا انا اكسر راسه
ضحكت مُنى ووقف برّاك:الله يسعدك ويوفقك
ابتسمت مُنى:امين عقبال رغد وتفتكون منها
رفع كفوفه برّاك يدعي ونطقت رغد:ابوي
ضحك برّاك ومشت مُنى تدخل وخرجت عايده مع صقر وناظرتها عايده تشهق ورفعت عيونها مُنى على صقر:لا تبكيني
صقر تقدم لها:ليه تبكين ؟
بلعت ريقها من اخذ كفوفها يبوس اصابعها:بنتي حتى لو اخذك ذا السلطان
ضحكت ولفت على عايده اللي تبكي:جده
عايده حضنتها وناظرهم صقر وهو مبتسم ونطقت عايده:اتركيني وروحي اجهزي قبل يوصلون
هزت راسها منى ومشت تطلع لفوق مع البنات ودخل صقر وناظرهم:تعالوا المجلس عند طلال وزياد وفواز تشببوا معهم شوي
ضحك برّاك:لنا وفواز شيبنا خلاص انتم يمكن تلحقون
ضحك صقر يستند فواز عليه:سميي الشيخ
دخل فواز وناظروه العيال يسلمون عليه واخذ جواله صقر من دق ورد:يامرحبا
لف على نيّاف واشر له يفتح الباب:حياكم الله
مشى نيّاف يخرج يستقبلهم وخرج صقر يناظر سلطان مع اهله:يالله حيّهم مرحبا مليون
'
وقفت بجانبه تناظر وجود أبوها وبرّاك ونيّاف وأخوها فوّاز وجدها فوّاز وابتسمت بتوتر تلتفت عليه من مذ كفه بها وحطت كفها بكفه واخذ الدبله يلبسها وسط ضجيج الاغاني والبنات اللي واقفين بعيد ويصورونها وابتسمت ولايف تتأملها من مكانها وصدت من شعرت ببكاها وطاحت عينها بعين صقر اللي يناظرها وابتسمت من بين دموعها وابتسم يتقدم لها ويوقف بجانبها وعدلت طرحتها ولايف من شعرت بذراعه خلف ظهرها والتفت على مُنى اللي تلبس سلطان دبلته وابتسمت من تقدم يسلّم عليها ولف عليها صقر:قاصده بنتك تختار الربوع ؟
ضحكت ولايف:قاصده
لف صقر عليها يناظرها من بعيد تناظرهم ومبتسمه ومسحت جوف عيونها ولايف عن دموعها وخرجوا من المكان نيّاف وبرّاك وفواز
واخذت راحتها ولايف تسلّم على سلطان:الله يوفقكم
سلطان:اللهم امين
لفت مُنى تحضن ولايف بقوه وغمضت عيونها ولايف:مُنى عيني ومناي ومناتي
عقدت حجاجها مُنى ماتبي تبكي ورفعت عيونها على صقر تناظره واقف ومبتسم وابتعدت عن ولايف تحضن صقر وابتسم صقر:عساه يكون نفس ربوعي مع امك كل خير وبركه
ضحكت مُنى وابتعدت عنه:محد بيحبني قد ما انت تحب امي
ولايف لفت على سلطان:شد حيلك يا سلطان قارنتك فينا
ضحك سلطان:الله يخليكم لبعضكم وتبشر بالعوض مُنى
ابتسمت مُنى تمسك كفه ولف صقر على فواز:تعال ياوحش
ابتسم فواز يوقف بجانب صقر ورفع ذراعه صقر على فواز وعلى ولايف ولفت مُنى على سلطان تبتسم ونطقت المصوره:جاهزين ؟
لفت مُنى تبتسم للكاميرا وصورتهم المصوره تنحط هالصوره باخر فصول الحكايه وبرفوف البوم الصور اللي حضن كل ذكرياتهم وكانت من لحظات فرحة ولايف بالوليف الحقيقي لها اللي ما رمشت عينه عن عينها وغفلت ابد ، وفصول الحكايه ما انتهت هي استطراد لحكايه اخرى تتبعها وقصة أجيال تعيش كل أيام العُمر في ربوع .
-
كانت حكايه على بساط المُتعه لي ولكم ألّذ من صدور المجالس وكلافة الحديث وكثافة الشعور ، حكايه الى كثير الحنين والتوّجد الى ساهر الليل والغسق ، الى صاحب الخوف الشجاع المنتصر الى من طال خريفه وقَصُر ربيعه ، صباحات الأماني على الشُرفه ترى الحال وماغربت شمسك الّا لتشرق عليك بيوم جديد ، ازهد في ما سيأتي وانسى ما قد مضى ، وعش كل أيامك في ربوع .
تم بحمدلله ختام روايتي الرابعة ، رواية الخريف
« يوم عادك تكرَه السبت وتحب الربوع »
كل سطر كُتب بداعي المحبة والمتعه وأتمنى لكم كذلك .
٢٧ - ٧ م
شُروق 🩶
