انتي قصيده غزل..شاعرها مري

البارت السابع⭐️

——عند عايض وترف——-
عايض مبتسم يتأمل ترف وترف متوتره من نظراته دخل عليهم طلال وفزو عايض وترف
طلال باستعباط: ماصدقت على الله تاخذ اختي خلها ابغيها انا وخر
تقدم طلال عند ترف وضمها وحب راسها ضحكت ترف على طلال
عايض بقهر : شتبي انت خربت علي
طلال باستفزاز: ابي اختي خلاص بتشوفها ف العرس
وسحب عايض وراح للمجلس عند العيال
وترف راحت من الباب الثاني وشافت البنات قدامها البنات سحبوها ودخلوها الغرفه
لمى بحماس : بسرعه قولي وش صار
ترف بضحك: لا مارح اقول
ريما : لا تكونين سخيفه علمينا
جود بتمثيل الحزن : يلا علمينا لا تكونين بزر
الجوهره و غزل : صدق قولي
ترف باستفزاز:  مارح اقول 
نطت لميس على ترف وخنقتها والبنات ماتو ضحك على اشكالهم وترف تصارخ عليها
لميس بصراخ:قوووولييييي
ترف بضحك: خلاص بقول بقووول
البنات بضحك يعززون للميس
ترف باحراج : بنات تخيلو طلع يحبني من زمان توقعت ان لميس كانت تمزح معي يوم قالت ان عايض يحبني
غزل بصدمه: والله طلع يحبش الوصخ
ضحكو البنات عليها وكل وحده يغمزون ويمدحونها وهي شوي وتموت من الاحراج
(ملاحظة مجلس النسوان فيه بابين باب يفتح للحوش باب يفتح لصالة)
——-في مجلس الرجال——
عند العيال دخلوا عايض وطلال عليهم
عبدالله راح لعايض: وين كنت يا العريس كنت ادور عليك
عايض وهو يغمز لعبدالله : كنت عند اختك ياحلو
طلال بسرعه راح مسك عبدالله  قبل لا ينفعل
عبدالله :  انا اوريك ياكلب
والعيال طاحو ضحك  لان عايض قدر يستفز عبدالله
——عند البنات ——-
سحاب بقهر : بنات وععع شفتو المره الغثيثة
الجوهرة بضحك : ام خالد 🤣
لميس: بنات والله لو نبدا  نتكلم عنها اني لا اكسب ذنوب قد الدنيا  تكفون الي عندي تكفيني
البنات كلهم ضحكو
——عند العيال ——
صالح : يعيال ترى فلاح قال لي ان السهره اليوم عندهم  بتجون معي ؟
طلال: انا والله اني تعبان برقد
باقي العيال راحو مع صالح
وبعد ما مر الوقت وسهرو كل واحد رجع بيته ونامو
******اليوم الثاني *****
الظهر عند الجد عايض : يا محمد قول لاخوانك اليوم كلنا ب المزرعه الجو زين وبراد
ابو نايف: ابشر يبه الان اقول لهم
ابو نايف تكلم ب القروب الي بينه هو واخوانه واخته وقال لهم وكلهم وافقو
طلال وهو داخل البيت ومعه الاغراض
طلال: الجوهرة غزل تعالو شيلو الاغراض
جو الجوهرة وغزل عنده
غزل : جبت لي الي قلت لك عليه
طلال :اي شوفيه بينهم
الجوهرة : وانا جبت لي جوكلت الي قلت لك عليه
طلال : يووه نسيت
الجوهرة(بزعل): لا بكل مره تنسى
طلال ببتسامه : امزح جبته هذا هو  خذيه
الجوهرة حضنته: شكراً يا احسن اخ
راحو البنات يرتبون الاغراض
جت نوف ( بنت نايف ): عمه جوعانه
غزل : انا مو قبل شوي عطيتش اكل
نوف : طيب جوعانه للحين
الجوهرة : تعالي ماعليش منها بسوي لش اكل
صالح دخل عليهم : لو انا قلت لش كذا كان قلتي لا تعبانه ضهري يوجعني بطني يوجعني
الجوهرة وهي تحضن نوف : لا نوف غير
صالح : طيب يا عزيزاتي ترى اليوم بنروح للمزرعه
غزل : حلو يعني بنروح بيت جدي
صالح : لا يا حبيبتي هلمره مارح تروحين له على طول للمزرعه تدخلين لبيت جدي بيعصب جدي
الجوهرة : وليش ان شاء الله
صالح : والله مدري  جدي قرر اليوم كلنا ب المزرعه  مانطلع منها
غزل : طيب خلاص يلا اطلع عشان نكمل شغل
——-عند مرام وترف ——
ترف : الحين مرام بسألش لو حمد جا عندش وقال يمه انا احب وحده وابيها بس البنت هذي انتي ماتطيقينها ابد  بتوافقين
مرام: دامه يحبها مارح اكسر بخاطره واقول لا بوافق
ترف : حلو تفكيرش والله
مرام : صدق ولو قلت لا ورفضت وصارت مشكله يمكن يشيل بخاطره علي
ترف :صح كلامش بعد. بس تتوقعين ممكن حمد يحب ؟ بعدين
مرام : مدري والله بس ما اتوقع
بنص سوالف اتصل على ترف رقم  استغربت الرقم مو مسجل عندها
ردت ترف باستغراب : الو ؟
عايض: الو السلام عليكم
ترف : عليكم السلام من
عايض : افا ماتعرفين صوتي
ترف : لا من
عايض : انا عايض سجلي رقمي عندش
ترف : وكيف اخذت رقمي ان شاء الله
عايض : سر المهنه  المهم يلا انا بقفل بروح للمزرعه
ترف : صدق حتى انا بروح هناك
عايض : طيب يا ذكيه اكيد بتجين لاننا اساساً كلنا بنجتمع هناك
ترف وهي تلعب بشعرها : لا عادي اقدر اقول اني تعبانه وما اروح
عايض ببتسامه: اي سوي كذا واجي اخذش انا
ترف : اقول اذلف بس يلا بسكر انا
——توجهو كلهم للمزرعه ——
قعدو كلهم مع بعض الشيبان والبنات ومن سوالف وضحك قامو البنات من القعده
الجد : يا بنات والله لو اشوف وحده منكم داخله اني لا اعصب
صالح: يا حد انت كيوت يعني اذا دخلو بس بتعصب واحنا لو كنا بدالهم كسرت عصاتك على ضهرنا
الجد : ودك اكسرها على ضهرك
صالح ببتسامه : تدري اني احبك
ضحكو الكل على صالح
وراحو البنات للبل
قررت لميس تكسر خوفها وتجيهم
راحت لميس عندهم وفتحت شبكم ودخلت  عندها
لميس : بنات كيوت هاديين ما سوو شي شوفو  ومسكت
جلست شوي  وتبي تطلع
الا تشوفهم شوي منهم جايين ناحيتها
خافت لميس وقررت تطلع ركضت بسرعه
وركضو وراها النياق
لميس وهي تصارخ : بنااااتت طقو( اهربو)  تلحقني
البنات كانو بعيد من لميس اساساً
الجوهرة وهي تصارخ: وش الي طلعها
لميس ببكى: مالي دخل
هربو البنات للأمهات
لميس وهي للحين تراكض منهم  شافت عبدالله قدامها
لميس : عبدالله تكفى بعدها عني
عبدالله ناظرها  باستغراب : ابعد وش
لميس ناظرت  وراها : وما شافت في احد
مسحت دموعها  وجلست  على الارض عشان تهدى
عبدالله قرب منها : لميس شفيش كنتي تبكين
لميس : عبدالله امانه لاتعلم جدي
عبدالله : وش صاير قولي
لميس : انا كنت عند نياق وشفتهم جايين لي طقيت منهم وخليت الباب مفتوح وكانو ثنتين يلاحقوني بس مدري وينهم
عبدالله بصدمه : خليتي باب الشبك مفتوح يا غبيه
وركض للبل
وراحت وراه لميس
دخلهم عبدالله للشبك وسكر باب الشبك
ولميس واقفه بعيد وتناظره
عبدالله شاف لميس واقفه وراح لها
عبدالله  وهو شبه معصب : لميس في احد يسوي كذا لو الحين انا ما جيت  وجدي  شاف الوضع كذا وعرف انها انتي  والله. اني يعصب عليش صدق وان يكرهش ب الوقت الي فكرتي فيه انش تروحين لهم انتي مو بزر وتعرفين انه غلط الي سويته
لميس رفعت راسها  والدمعه بعيونها : لاتجي الحين  تعصب علي انا ما سويت شي  طبيعي الشخص اذا خاف ينسى نسيت اني اسكر الباب شسوي يعني
عبدالله  قرب منها بعصبيه : وانتي اساساً ليش تفتحينه
لميس ببكى: بعد يا عبدالله خلاص كل من جا عندي صرت انا الغلطانه وانا الي اسوي الغلط بس ما تخلوني اتكلم
عبدالله : اي انتي هنا غلطتي ولازم تعرفين غلطش
لميس ما قدرت تتحمله وراحت وهي تبكي وبعد ما هدت راحت لهم
وبعد سوالف وضحك صالح : يعيال تعالو نروح للتراب هذا القريب ونتسابق هناك
جود : نبي نروح معكم
حمد : لاتكفون مانبي ازعاج
غزل : الله شوفو من يتكلم عن الازعاج
لمى: والله لو ما تاخذونا معكم بنعلم جدي
صالح: لالا خلاص تعالو الله يعين
لميس : انا مابي اروح تعبانه بجلس
غزل : ليش شفيش
لميس لا بس صداع خفيف
هذا كله وعبدالله يناظرها
راحو كلهم  يلعبون
ولميس دخلت داخل بعد ما قالت لجدها عشان ترتاح شوي
——عند البنات و العيال ——
طلال: كلنا مع بعض طيب ؟ مابي اشوف احد يقول لا انا ابي انا وفلان لحالنا عشان ما اسطركم
عايض بستعباط: لا انا ابي انا وترف لحالنا اخاف عليها انتو ما شاء الله شكثركم
طلال بتعب : انت طز فيك انت وترف لحالكم
عايض ببتسامه : خلاص تم
وترف قربت منه ( تكلمت بصوت خفيف): وجع ليش قلت كذا عساس اني بوافق يعني
عايض ببتسامه وهو يهمس : لو مو موافقه يا حلوه كان تكلمتي لاتكذبين على نفسش
ترف ببتسامه : اذلف بس
وقفو ترف وعايص على صوب
وبدو الباقي يوقفون بجنب بعض  وبدا عايض ب العد
عايض. بصوت عالي : 1,2 ما كمل ثلاث الا وهم طايرين
ترف بصراخ : طيب ما كمل وقفو  ما سموعها وكمل ركض
عايض وهو يناظرها : يعني ما تعودتي دايم كذا مدري وش السر مع رقم 3
ترف : احس كنسلت خلاص مابي برجع لأهلنا
عايض بصدمه : لا يا شيخه بعد ما قلت لهم بتسابق مع ترف لا والله ان تقعدين
شافو العيال و البنات جايين راجعين لهم ركض
ومايسمعون الا صراخ البنات على العيال
سحاب : وش ذا الغش الي يمشي بدمكم
جود : والله ان السباق هذا كله غش في غش
صالح : اقول اسكتو اسكتو  احنا ما غشينا انتو مب سريعين  قل اعوذ برب الفلق
سعيد : عشان ثاني مره تفكرون مليون مره قبل ما تسابقونا
لمى : لا والله كلكم تغشون ونسكت لا ابد
تركي : وين الغش في الموضوع والله انكم دلوعيين بس تبون الفوز لكم
الجوهرة : معد بسابقكم سباقكم هذا كله غش في غش
غزل : انا اوريكم الايام بينا
عايض : طيب خلاص كل واحد منكم يسكت دورنا يلا اذلفو
طلال : هيه يا الحبيب وش الي اذلفو بنشوف من الي بيسبق الثاني
عبدالله : مافيها كلام اكيد عايض
علي : اي ابد اخي مايسبقه احد
مشعل طيب خلاص اسكتو كلكم وخلونا نشوفهم
جود : والله لو ما تسبقينه يا ترف نحرتش
عايض مسك ترف : لا عاد الا تروفه
كل البنات مع بعض : عشتووو
حمد : اقول ورا ما تبدون جتني حموضه
وترف مستحيه منهم
وبدو العد
علي بصوت عالي : 1,2  ركض عايض بسرعه
ترف بصوت عالي : عايض اقسم بالله لا ترجع  مايصير كذا
رجع عايض بضحك 
وكملو عد وركضو عايض وترف
بعد ما بعدو منهم
ترف : عايض تكفى واحنا راجعين خلني افوز عشان اكشخ عند البنات
عايض بضحك : تكشخين بفوز
ترف : اي شعرفك
عايض : طيب طيب يلا
ورجعو لهم وهم يركضون
وعايض خفف عشان تفوز ترف
ولما وصلو لهم
البنات كلهم صاروخ وصفقو لترف بفرح
العيال كلهم بصوت واحد : افا افوز عليك ما توقعنا
العيال كلهم تجمعو على عايض
عايض:  انتو مصدقين انا مخليها تفوز حرام شوفو فرحتهم
مر الوقت ورجعو لأهلهم والنسوان حطو العشاء 
والكل تعشى الا الجوهرة ولمى
بعد ما خلصو النسوان من العشى راحت ام نايف نادت طلال
ام نايف : طلال يا وليدي. تعال شوي
طلال : لبيه يمه
ام نايف : طلال يمه روح جيب اكل ل اختك و لمى
طلال : ليش ما اكلو؟ اعرف ان جوجو ما تاكل لحم بس الثانيه شفيها
ام نايف: ولمى بعد ما تاكل لحم
طلال : وليش الثنتين ما ياكلون الرز لحاله 
ام نايف : يقولون في طعم لحم
طلال : خلاص ابشري بروح اجيب لهم
راح طلال لابوه وجده : يبه ترا بروح شويات واجي
ابو نايف: طيب روح  لا تطول ارجع
الجد عايض : وين رايح
طلال : يا جد رايح  اجيب اكل للجوهرة ولمى
الجد :  وليش ان شاء الله توهم ماكلين
طلال : ما تعشو ما ياكلون لحم
الجد : روح ناد لي لمى و الجوهرة
طلال : ابشر
——عند البنات و النسوان ——
طلال راح لهم :  جوجو ولمى جدي يبيكم
الجوهرة : ليش
طلال : روحو وتعرفون
راحو الجوهرة ولمى له
لمى : لبيه يا جد
الجد : اقول انتي وياها ورا ما تاكلون لحم
الجوهرة : يا جدي ما نحبه  الله يعز النعمه
الجد : مافي شي اسمه ما نحبه
لمى : يا جد شنسوي يعني مارح نغصب نفسنا بشي ما يعجبنا
الجد : طيب وليه ما تاكلون  من الرز لحاله
الجوهرة : لا في طعم لحم
العيال وهم جالسين عند الجد  ومصدومين من كلامهم
حمد  وهو مصدوم : سبحان الله ما ياكلون الرز لانه في طعم لحم ما اقول الا استغفرالله بس
لمى : انت اسكت
الجوهرة : طيب يا جدي تكفى نبي وطلال يجيب لنا اكل جوعانين
الجد : طيب طيب يلا يا طلال روح
راح طلال يجيب لهم اكل
وبعد ما احلى وخلصو رجعو كلهم بيوتهم
وانتهى يومهم
***************
جد جد اسفه تأخرت واجد عليكم بس والله مو بيدي وقفت افكاري فجاءه 🌷🌷🌷