انتي قصيده غزل..شاعرها مري

البارت الخامس⭐️

——-غرفة طلال——-
طلال شارد فيها ومو مستوعب وش صار قبل شوي
طلال بداخله : صحصح ياولد وش فيك خلاص ركز عندك مهمه بكره
———عند سمير ———
سمير : ياعيال لازم نكون حذرين لان الشرطه يمكن يجون و خلوكم منتبهين
العيال كلهم: ان شاء الله
——عند عايض——
عايض : ها وش سويتوا وش خطتكم ذي المره
(بعدين نعرف اسمه): يا عايض يقولون لازم نكون حذرين لان ذي المره الكميه اكثر من قبل و فيه ناس بياخذونه و يحاولون يكونون منتبهين
عايض :طيب اذا وصلتوا ارسل لي موقعكم  وانتبه لاحد يحس
(بعدين نعرف اسمه ): ابشر
عايض :تبشر بالجنة
——عندالشيبان ——
ابو تركي:متى بتكون الخطبه
ابو عايض : ولله مدري عن عايض و ترف
الجد : بنتكلم في الموضوع
——مر اليوم عادي بدون اي احداث ——

-في اليوم الثاني -
عايض : يبه مدري متى شوف متى تبي ترف انا موافق
ابو عايض : طيب

وصلو اهل ابو نايف و عايض كان يناظر ترف و تبادلوا النظرات و عايض في كل مره يزيد حبه لترف اما عند ترف كانت تحبه بس مو الحب الي يحبه عايض
ابو عايض : ترف تعالي ابيش في موضوع
ترف : ابشر جايه الحين
ابو عايض : يا بنتي متى تبين الخطوبه تصير عايض قال الوقت الي تبينه هو موافق
ترف : والله الموضوع عندكم انتم يا عماني وابي وجدي والقرار قراركم بس اتمنى انكم ماتخلونها قريب
الجد : خلاص الخطبه و الملكه بتكون مع بعض بكره 
ترف بصدمه: ليش كلهم بكره مع بعض
ابو نايف : ترف روحي داخل خلاص قلنا الي عندنا وخلاص
——ترف وهي داخله البيت و زعلانه
ترف : اف معد صارو يسمعون لي بشي كل شي هم الى متى
الجوهره : تروفه وش بلاش عادي هدي يا حبيبتي
ترف بعصبيه : انتي  بذات اسكتي ولا عاد تتكلمين
الجوهرة (بضحك): وي هدي وبعدين لاتكذبين على نفسش تراش تبينه  وتحبينه بس كبريائش ذا لاعب فيش
ترف : لا من قال اني ابيه و احبه
الجوهرة (بضحك) : اي يبين يلا بروح
ترف : اففف وش ذا
——ترف طول الوقت تفكر صدق كلام الجوهره او لا
صالح : ترف بنتتت تروفه
ترف : يا ليل وش تبي مني اخلص
صالح : ابي اكل
ترف : انت ما تشبع
صالح(بضحك): لا
ترف : اطلب من الجوال انا تعبانه
صالح : تروفه تكفييننن
ترف : طيب
صالح رايح يضمها : احبش يا احلى و افضل اخت
ترف بضحك : اي مصلحه
صالح : لا و لله اني احبش المهم حددتو الخطبه ؟
ترف (بزعل): اي قالوا بكره و ازودك من الشعر بيت و الملكه بعد
صالح (شاف حزنه ): يا حبيبتي و روحي لا تزعلين و انتي تعرفين عايض بيحطش في عيونه
ترف : بس احس بدري
صالح : لا عادي يا بعد عيني
ترف ضمته : اففف احبك لانك تفهمني
صالح باس راسها : تروفه وش رايش نطلع المكان الي تبينه
ترف (بحماس ): الله وين
صالح : الي تبينه
ترف ( تفكر): وش رايك نروح ناخذ كوفي و بعدين نفرفر
صالح : بس بشرط
ترف : وش
صالح : انش تفضفضين لي
ترف : ماعندي شي الصدق
صالح : اختي واعرفش تعلميني فيش بطلع الكلام من بطنش
—توجهت للغرفه تجهز
وهي تلبس العبايه دخل عبدالله عندها
عبدالله : ماشاء الله على وين
ترف : بطلع مع صالح
عبدالله : ابي يدري ؟
ترف : لا
عبدالله : طيب انت تدرين انه مارح يرضى صح او لا
ترف : صح بس يا عبدالله والله اني ضايقه  وابي اروق شوي امانه مشي الموضوع ولاتقول له
عبدالله : انا مارح اقول طبعاً بس انتبهي انتي
دخل طلال يسلم  عليها ويروح  شاف عبدالله عندها وهي لابسه العبايه
طلال : ايوه طالعه شكلش وين
عبدلله : رايحه تقول تبي تروق
طلال ( باستغراب) : ليش شفيش
ترف : تخيلو يبون الملكه و الخطبه بكره
طلال : من الي بيخطبش ؟
عبدالله : لا انت شكلك للحين ما وصلك الموضوع
ترف : عايض بكره بيخطبني ويملك علي
طلال : اوه انا مارح اكون موجود والله سامحيني  وجيت الحين اسلم عليش واطلع لان سلمت عليهم كلهم الا انتي
صالح دخل : يلا يا ترف لا نتأخر
طلال : ومارح تطلعين الا مع ذا المزعج
صالح بنظرات لطلال: والله انا حتى الوزير يبي يطلع معي
عبدالله : اي خلك ب تخيلاتك
ترف : طيب ما تحسون انكم اقتحمتو الغرفه بس ناقص نايف  يجي
نايف دخل : احد قال اسمي
ترف : لا عاد زودتها اطلعو كلكم
صالح : طيب انتي اعجلي يلا
ترف : انا خلصت بس انتو بتطلعون عشان اطلع
نايف : ليش على وين
صالح وهو طالع : ملك دخل يا الاب
نايف وهو يركض له  :انا اوريك الاب الحين
راحت ترف وراهم
صالح حس فيه و قام يركض : لا خلاصصص اسف اسف انا الاب مو انت
نايف بضحك : يا حمار كيف انت اب
صالح : عيالك هم عيالي
ترف : خلاص امش ولا بدخل داخل غرفتي
صالح :طيب يلا بس بشغل السياره
ترف : يلا انطرك
— صالح راح يشغل السياره و ركبت ترف
صالح : وش تبين تسمعين
ترف : ابي اسمع راشد الماجد "اجابه سؤالي"
صالح :طيب و شغل الغنيه و بدو يغنون مع الاغنيه
يا اللي هيبة حضورك باينة من سلامك
يا اللي لك قدر غالي في السما دوم عالي
مت من رمش عينك صوبتني سهامك
أشهد إني حظيظ وإنت حبي المثالي