في بيت ابونايف —
رجعو ابو نايف وعياله من صلاه الظهر ابو نايف : يا ام نايف وين الغدا
ام نايف : يلايلا جبناه بعد الغدا
ابو نايف : طلال رح يابوك للعزبه وخذ معك وحده من البنات وانت يا صالح اخذ من غزل المقاضي الي يبونه وجبها وانت يا عبدالله رح لعمانك وقول لهم يجون هم واهلهم للعزبه راح طلال للجوهرة واخذها معه للعزبه وصلو للعزبه
طلال : يا الجوهرة رتبي المكان وسنعيه انا بشوف الحلال وارجع
الجوهرة تمشي وهي تتحلطم : مايقول هذي اختي حبيبتي بساعدها لا بارد افف
—
عند عبدالله راح لبيت عمه ابو عايض دق فتحت له لميس توقعت ان علي جاب الاغراض انصدم عبدالله وجمد بمكانه ولميس من صدمه ماقدرت تتحرك او تتكلم وعبدالله اول مره يركز بجمال لميس ولا مره فكر فيها فجاءه
علي وصل البيت وشاف اخته واقفه قال بصوت عالي وهو شبه معصب: ادخلي داخل يا بنت لميس استوعبت الي صار وركضت داخل البيت وعلي سلم على عبدالله وشافو احوال بعض
عبدالله : علي روح عند طلال هو بلعزبه. ما عنده حد و قل لمشعل يجيب الاهل هناك ابي موصيني " نسى عبدالله ان طلال اخذ الجوهرة معه "
وراح علي داخل واعطاهم الاغراض وطلع يبي يروح لطلال
———
عند الجوهرة كانت تنظف الجلسه وبعدها بدقايق دخل علي للعزبه وتنحنح
رفعت الجوهرة شيلتها ولفت. شافت علي : هلا علي. بغيت شي
علي : ماكنت ادري انش هنا سموحه عبدالله قال طلال يبيني وماتوقعت انش هنا ما قال لي
الجوهرة : لا عادي طلال عند الحلال
———
بعدها بنص ساعه تقريباً وصلو اهل ابو نايف وابو عايض وابو تركي
——-
بعد جلسه طويله عند البنات يسولفون وريما لاحظت ان الجوهرة بعالم ثاني تهوجس قامت واخذت الجوهرة معها وجلسو عند الدكه وبدت تسألها
ريما:جوجو شفيش مو معنا نسولف ونضحك وانتي بعالم ثاني ؟
الجوهرة : ياختي مدري وش فيني من شفت علي وانا مدري وش فيني
ريما: قال لش شي سوا شي قولي
الجوهرة لا يا بنت ما صار شي ولا قال شي وش بيقول مثلاً بيقهرني ؟ طز نسيته وخلاص ولا عاد ابيه دامه عافني وش ابي به سكتت ريما وهي زعلانه على حال الجوهرة وهي تدري انها تحب علي بس في شي يمنعها
ريما : امشي للبنات نقعد معهم لايحسون ان في شي وبذات هذي سحاب تدور الزله عليش واضح ورجعو للبنات ومن سوالف وضحك يقاطعهم دق الباب وكان
طلال : يا الجوهرة يا غزل قامت غزل بسرعه رايحه له : هلا طلال شبغيت
طلال: جددي القهوة اخذت غزل القوه صارت تجدد القهوة واخذها وراح
————-
عند العيال
صالح: يعيال قومو نسوي فعاليات القعده مع شيبان تطفش حمد : ياعم تدري لو يسمعك جدي وش بيسوي لك
وقام صالح صار يمثل الي بيسويه ابوه فيه لو سمعه وما كان يعرف ان ابوه وراه والعيال كل واحد فيهم طايح على الثاني من الضحك الا لما شافو ابو نايف ورا صالح سكتو وصارو ينبهونه وما انتبه الا لمن عصات ابوه ضربت رجله بقوه
ابو نايف : يلي ماتستحي على وجهك تطنز على ابوك
صالح صار يركض من ابوه : يبه خلاص معد بسوي كذا
ابو نايف : تعال يلي ماتستحي وين بتروح مني والله لاربيك طلال كان جاي مع القهوة شاف صالح يناقز من مكان لمكان نزل القهوة وصالح شافه ركض ورا طلال وسحب طلال صالح ويركضو لفوق الحزم
( معنى الحزم : التراب الي يكون على شكل جبل ان شاءالله فهمتو ) وجلسو هناك وراحو لهم العيال وبدت فقره الاغاني وطبعاً المغني طلال
——
عند البنات و الامهات
لميس: بنات مشينا الدكه خلونا نجلس لحالنا وانتي يا سحاب دامش رايحه للمطبخ جيبي الشاهي والفصفص ولحقينا سحاب راحت المطبخ جابت لها مويه وراحت لهم
غزل : وين الفصفص و الشاهي ؟ مو قلنا جيبيه معش سحاب : طيب ليش ماتجيبه لميس يوم انها تبيه ؟
" سحاب بس تبي تستفزهم وتخترع سالفه من ولا شي" لميس : انا قلت جيبيه لان انتي اصلاً رايحه المطبخ ف وانتي جايه جيبيه عادي وش بيصير مارح تنكسر يدش
الجوهرة : تراش مصعبه الامور قولي مابي اجيبه وخلصنا مشت ودفت سحاب بشويش من طريقها راحت تجيب الشاي سحاب طاحت عمداً وصارخت وجو الامهات على صراخ سحاب ام نايف : خير عسى ما شر. شصاير وش ذا الصراخ سحاب : شوفي بنتش الكلبه طيحتني من الدكه. والبنات مصدومين من كذبها ريما : خير وش ذا الكذب كلنا شفنا وش صار انتي طحتي من نفسش هي بس دفتش بشويش من طريقها
العيال وهم راجعين للشيبان سمعو صراخ البنات والامهات جو ركض لهم
طلال : شسالفه ؟ وش ذا كله وعلى جيتهم جت الجوهرة معها الشاهي والفصفص
سحاب وهي تأشر على الجوهرة : الجوهرة طيحتني من الدكه هذا كله لانها ماتبيني معهم وكل شوي تجيب طاري امي المتوفيه بشينه .
علي بعصبيه : انتي ماتستحين كيف تجيبين طاري امها يلي ماتستحين ودش اني اعلمش كيف تتكلمين ؟
طلال : خير يبوي احنا اخوانها هنا بنتفاهم معها وبعدين اخوها بنفسه ماتكلم ليش تتكلم انت مع اختي كذا. الجوهرة وعيونها كلها دموع : من انت عشان تكلمني كذا وبعدين انتو كلكم بعد ما سمعتو كلامها سمعتوني ؟ راحت الجوهرة داخل. ولحقتها غزل.
لميس : اول شي الكلبه ذي كذوب الجوهرة بس دفتها من طريقه عشان تروح تجيب الشاهي وانتو اصلاً شفتو بيدها. الفضفص وشاهي وذي الكلبه يوم انها تقول ان الجوهرة جابت طاري امها تكذب وتخسي . وسحاب سكتت وراحت داخل وراحت لميس للجوهرة وغزل .
وريما اخذت علي تكلمه ورجعو الامهات داخل والعيال راحو للشيبان
ريما : علي انت ما شفت كل شيء يعني لا تعصب على الجوهرة و انت ما شفت شيء و سحاب كانت تكذب و كل الي قالته كذب. و ريما قالت لـ علي. السالفه كامله
ريما : علي ترى حرام الي تسويه فيها انت كذا اوجعتها مو عشان سحاب قالت. شي تصدق انت ادرى ان سحاب بس تبي الزله عليها.
علي : حتى لو ليش تجيب طاري امها ؟
ريما: انت غبي اقول لك. ماجابت طاري امها ابد هي تطلع كلام من عندها وانت تعرف الجوهرة عدل يا علي هي ماتقول كذا او تسوي كذا سكت علي ورجع للعيال
-
راح تركي ودق الباب على البنات وناد سحاب طلعت له اخته
سحاب : هلا وش تبي
تركي : بحاكيش بموضوع تعالي معي
راحت سحاب مع تركي لخيمة فاضيه
تركي وهو معقد حواجبه : سحاب الي سويتيه اليوم وش استفدتي منه احرجتيني قدام عيال عماني
سحاب بتمثيل البكاء : حتى انت ما تصدقني قلت لك انها تغلط على امي
تركي : اعرف انها ماسوت ولا شي من الي قلتيه سحاب انا اخيش واعرفش عدل تعبت من تصرفاتش لين متى بتقعدين كذا ؟
سحاب : طيب عرفت اني اكذب وش المطلوب مني
تركي بحده: المطلوب منش انش تخلينهم بحالهم
———-في الدكه
مشعل: يا عيال دام اننا مجتمعين شرايكم ندعي البنات معنا ونستانس كلنا
صالح : صح واضح متكدره خطورهم بعد الي صار خلوهم يجون
عبدالله : قدام
———-عند البنات
لميس : اخخ يا جوجو لوني بدالش كنت قطعتها تقطيع
غزل : قهرتيني سكتي لها واجد
ريما : بنات خلاص سكرو الموضوع لا تعطونها اكبر من حجمها
سمعوا دق باب
الجوهرة : بنات وحده تفتح الباب
غزل : انا بقوم
فتحت الباب غزل : هلا مشعل بغيت شي
مشعل : غزل تعالي انتي و البنات لدكة مجتمعين هناك
غزل : طيب بنات بتجون
ريما : قدام
لميس : اي اصلا زهق
الجوهرة : مابي اروح
غزل : جوجو خير لا تصيرين بايخة تعالي
جت سحاب : وش السالفة
الجوهرة : البنات يبوني اروح معهم مجتمعين مع العيال وانا مالي خلق اروح
سحاب : احسن لا تجين بتكون الجلسة احلا
ريما : انتي اسكتي بتجين تعالي ولا انطمي
لميس : خلاص جوجو معليش منها تعالي
غزل : اي والله تعالي
سحاب شمقت و سبقتهم لدكة الجوهرة : طيب روحوا انا بجي بجيب شاهي و فصفص
————- في الدكه
صالح : مرحبا تراحيب المطر
حمد وهو يضحك : لا والله الا فلا هلا ولا هو ب مرحبا
ضحكت غزل : حمد اسكت ما نبغي مشاكل من الحين
طلال : الا وين جوجو ما اشوفها جت معكم ماتبي ؟
ريما : الا بتجي بس بتسوي الشاهي وتجيب الفصفص
صالح : خلاص على ما تجي خلونا نفكر بسوالف او بلعبه
——— بلمطبخ عند الجوهرة
الجوهرة تجهز الصينيه دخلت اريام : الجوهرة بحاكيش
الجوهرة : هلا وش بغيتي
اريام : كيف تجرأتي تتكلمين عن الميته كذا
الجوهرة : يعني بتصدقين سحاب على كل الشهادين طبعا مرح استغرب منش
اريام بأستفزاز : بعدين من انتي عشان تمدين يدش على سحاب
الجوهرة بهدوء : تعرفين من انا ما يحتاج اقول بعدين لازم افهمكم مليون مره اني ما مديت يدي.خذت الجوهرة الصينيه و راحت للدكه
———-عند الامهات
اريام : منيرة ربي بنتش
ام نايف : بنتي موب قليلة ادب والكل شاهد انتي بس تبين المشاكل خلاص سكرنا السالفه
ام عايض : اي والله خلاص سكروا السالفة بزران انتو
ناظرتهم اريام باستحقار و ام نايف و ام عايض و الجده بخيتة كملوا سوالفهم
——— في المجلس عند الشيبان
ابو عايض يشكي لأبوه و اخوانه : ياخي بفتح معكم موضوع
ابو نايف : امر وش بغيت
ابو عايض : مليت وانا اتكلم مع عايض كل مره عن الزواج
ابو نايف : وانا بعد مليت وانا احاول مع ترف
ابو تركي : عندي اقتراح شرايكم نزوج عايض لترف
الجد عايض: والله هاذي الساعه المباركه
————في الدكه
فوسط السوالف ترف : شرايكم نروح الشاليه والله بخاطري نغير جو
عايض : والله فكره
حمد : لا تلوموني اذا قلت انتي احسن عمه
ضحكت غزل : يالنصاب امس قايل لي نفس الكلام مصلحه
ضحكوا كلهم
عايض : بس صدق نحاكي الشيبان نروح نغير شوي من جو العزبة
لميس : اي والله
صالح : اوافق وبشده
طلال : طيب الي تبغونه بكون معكم فيه
علي : وانا مع طلال
تركي : خلاص الموضوع عليكم انتوا يا البنات جدي يدلكم و جدتي تحبكم ضحكوا قالوا كلهم تم
سمعوا صوت الجد عايض يقول سرى الليل وحنا ما سرينا يلا يلا كل واحد ياخذ عفشه ويذلف بيته
——- ببيت ابو نايف
راح ابو نايف وام نايف ينامون وقررو عبدالله وطلال وصالح ونايف يجلسون بلحوش ويسوون لهم شاهي وانضموا لهم الجوهرة وغزل وترف ومرام صالح : هلا هلا بخواتي الحلوين وزوجه اخي والله انها بتحلى الجلسه صدق معكم جلسو مع بعض ومن سوالف وضحك وهواش صالح و الجوهرة المعتاد قررو يسون اكل لهم قامت غزل والجوهرة. يسوون اكل وبعد اكل وسوالف قررو ينامون.
أنت تقرأ
انتي قصيده غزل..شاعرها مري
Romansaسلام حبايبي هذي اول روايه لي حبايبي كان عندي حساب قبل ل نفس الروايه لكن طار وسويت واحد ثاني
