( In a comedic way ✓ )

الجزء الاول : 🤡🎤

The writer : نظرا لأن الكتاب بالعامية المصرية لذا فهو لا يتبع نمط معين من اخطاء الكتابة، استمتعوا ✨

' تشرق الشمس على جزيرة الحوت و الجو جميل و هادئ و تتحرك امواج البحر بهدوء و سمينه حتى قاطع ذالك الهدوء و الراحة ذالك الصوت من ذالك المنزل و من غيرهم .... '

غون : "ابوس ايدك يا خالتي خليني اروح اشارك بالاختبار "

ميتو : "مش هيحصل يا غون و لو فضلت تتنطط من هنا للصبح مش هوافق برضو "

غون : "طب ليه طيب ليه الظلم دا يعنى فيها اى ما ابويا كمان شارك فى الاختبار و كمان بنفس سيتي ايه إلى يمنع بس ! "

ميتو :" بص من الاخر مش هوافق يعنى مش هوافق و إلى عندك اعملو !! "

* و بعد أيام طوال من الإلحاح الرهيب الأليم اخيرا الآنسة ميتو تنازلت و ...

ميتو :" خلاااص بقى كفاية اسمع من الاخر علشان شكلك مش هتبطل زن هو رهان لو كسبتوه هخليك تروح زى ما انت عاوز و لو خيرت مسمعش حسك ثانى أو تجيب الموضوع دا فهمت !!"

غون و هو شكلو كانو كسب اليانصيب :" اكيد اكيد دانتى تؤمري اى هو الرهان دا !! "

ميتو : "انت تعرف السمكة الكبيرة إلى عائشة بالبحيرة إلى بالغابة إلى الكل فشل بانو يصتدها ؟؟ "

غون و هو يهز براسو : "اه اكيد اعرفها بس ليه ؟! "

ميتو : "ايوه هى دي بقا مش انت عاوز تبقى صياد ؟ يبقى تروح تصتدها بظرف تلت ايام اذا مصخلش ودع حلم انك تروح الاختبار !"

الجدة :" يابنتي اتقى الله دا الرجالة المحترفين معرفوش يصيدوها عايز الولد الغلبان دا يعملها و فى تلت ايام ؟؟ "

ميتو : "بلاش انتى يا حجة دانتى إلى مقوياه عليا بحواديت أبوه إلى أحست محو دي ! ، و انت يا غون هو دا شرطي اه قولت ايه ؟؟"

غون : "خلاص بقى هقول ايه نتوكل على الله "

الجدة : "الهي يعينك يا غون يابن جين فريكس قادر يا كريم "

* عدا يوم ، اتنين و ما جاش غون بالسمكة و خلاص اليوم الأخير *

غون : "يا خاالتووو "

ميتو : " بسم الله الرحمن الرحيم مالك مالك يلا بتجعر ليه ! "

غون : "تعالي شوفي جبتلك ايه بقى "

ميتو :" ايه دا  !!"

غون : "السمكة إلى طلبتيها شوفتي ؟ اهيني وفيت بوعدي دورك بقى "

ميتو و هى بطلع الكلام بالعافية : "خلاص مادمت جبتها يبقى انت حر و هسمحلك تروح الاختبار "

غون و هو شويه و هيزغرط من كتر الفرحة : "اخيرا اخيرا يا ناس شكرا شكرا يا احلى طنط و خالة بالدنيا ، * و فضل يجري و يتنطط و هو يصرخ *يا جدتي يا عم ماكس انا هروح الاختبار !! "

ميتو و هى بتبص عليه و دموع الام في عينيها : " و الله و كبرت يا غون و هتبقى صياد و مالي هدومك "

* و في اليوم إلى بعدة *

ميتو : "وريني كدة ! اخدت هدوم زيادة اخت التفحتين ؟؟ اخدت السندوتشات ؟! "

غون : "اه و شوية فلوس و الستارة و الورقة إلى فيها المكان اخدت كل حاجة ! "

ميتو :" قلبي وكلني عليك يابني مكنا ناجل سنة او اتنين تاني ايه هيفرق ؟؟ "

الجدة : "و بعدين يا بت يا ميتو الواد غون خلاص مبقاش عيل و طالع لابوه خليه يرسم طريقه !! "

ميتو :" عارفه عارفة ياما ، و انت يا غون عيزاك ، تبعتلي كل يوم اطمن عليك اوعى تنسى ! "

غون : "انا انسى أسمى و منساكيش يا خالتي اكيد هابعت و هنفذ كلامك بالخرف أن شاء الله بس انتى ادعيلي دعوة حلوة ، و انا مش هتاخر و هارجعلكم تاني "

ميتو :" ربنا يوفقك يا ضنايا ، اوعى تنسى تاخد بالك من نفسك و اول متخلص ترجع لنا على طول اوعى تروح كيدا ولا كيدا !! "

الجدة : "صبرك يارب ما كفاية يابنتي الشمس هاغرب و الولد متحركش من مكانو هتفوتو السفينة !! "

غون بعد ما حصن خالتو حضن اخير و اخيرا سابتو يمشي :" سلام يا خالتي ! و انتى كما يا جدتي متنسيش تدعيلي !! "

The writer : و اخيرا هذه نهاية اول جزء و الذي هو عبارة عن مقدمة .

؟؟ : ارائكم ، اعرف انو اول فصل خايس شوي 😅 بس مع التقدم بالكتابة رح بتحسن أن شاء القدر 🙂👍 ، اتمنى تستمعوا بالرواية و اضيفو اقتراحاتكم ✨

' اللهم صلي وسلم وبارك على سيدنا محمد وعلى اله وصحبه اجمعين '

* لا تنسو الدعاء لأهلنا ب غزة ! *

: شكرا لمتابعتكم 🎶