( In a comedic way ✓ )

الجزء الخامس : 🤡🎤

The writer : عذرا عن اى اخطاء ، استمتعوا !

* و بعد ما قالت الست العجوزة اخر كلماتها إلا و الدنيا كلها هديت و ليوريو فضل متنح مش فاهم نجحو ازاي؟ *

ليوريو : " ليه دا ! ازاي "

كورابيكا : " من الواضح انو مفيش إجابة منطقية للسؤال سواء كيدا أو كيدا واحد فا كان الاحسن اننا نسكت كيدا يبقى مخترناش حد منهم و مضحيناش بالتاتي "

الست العجوزة : " ايوا ! الله ينور عليك يابني هي دي الإجابة "

ليوريو : " ايه الدماغ دي يا عم "

كورابيكا : " طب خلاص عشان شكلي هتخبط فيها انهارده ! "

ليوريو : " مبحسدش يا عم ! ، بس ايه موضوع إلى مشي قدمنا دا ؟؟"

غون : " انت مسمعتش الصرخة إلى اجت من الناحية إلى هو راح فيها من شوية ؟! "

* و قد وفرنا عليكم يا اعزائي صوت ذالك المخادع و هو يصدح ، تخيلوا صوت ملايين الكلاب و هى تنبح *

ليوريو : " اها يعني كانت خدعه "

* و بعد ما سمحت لهم الست العجوزة يكملو الطريق و ارشدتهم للطريق الصح بعيد عن الفخاخ ، وصل الثلاثي بتعنا الكوخ اخيرا عند بداية الليل  *

ليوريو : " اخيرا !! ، دانا شوية و كنت هخلي غون يشلني زي ما عمل مع ابن الكدابة إلى اخد جزائه "

كورابيكا : " طب الحمدلله انو احنا وصلنا "

* و فجأة طلع ليهم راجل يصرخ و يلطم انو مراتو اتخطفت و شكلها ليلة سودا من اولها *

ليوريو : " طب و بعدين ؟ و بعدين بحظنا الهباب دا !! "

غون : " اسمع ليوريو انا و كورابيكا هنطلع برا ندور على الوحش إلى خطف مرات الاستاذ ! "

كورابيكا : " ايوا و انت افضل هنا و كمل علاج ليه و اوعى تسيبو فهمت ! "

ليوريو : " تمام تمام فهمت بس خدو بالكو لان الغابة ضلمة اوي و هيكون خطر "

غون : " ما عليك يا عم انا متربي فمكان شبها اصلا و متعود عليها "

* و بينما خرج الاتنين في ملاحقة مصيرية حماسية لولبية و إلى الكاتبة دا هي مكسلة تكتبها صراحة قدر كورابيكا يوصل لمرات صاحب الكوخ *

كورابيكا : " انتى بخير يا مدام ؟ "

الزوجة المخطوفة : " اه انا كويسة بس جوزي عملو ايه بجوزي ؟! "

كورابيكا : " متخافيش صحبنا ....

* و قبل ما يكمل الجملة اجا على السيرة *

ليوريو ( أو إلى فاكرينو ليوريو ) : " انا خلصت علاج و جيت اساعدكم "

*  و قبل ما يقرب كان كورابيكا مديه الضربة إلى هيا *

الحيوان المتنكر : " ايه دا انت عرفت ازاي ؟! "

كورابيكا : " انا كنت منبه ليوريو ميسيبش الراجل لحالو مهما حصل ..

: عشان كيدا أن..

: و حتى لو عملها كنت هضربوا برضو زيك

الحيوان المتنكر :" يابن المفتري "

الزوجة المخطوفة ( إلى طلعت لا مخطوفة ولا زوجة اساسا ) : " انتو عملتو ايه بجوزي ! "

كورابيكا : " ما كفاية يا آنسة انتى هتعمليلي فيها مدام !! "

* وفى مكان آخر كان غون كشف خدعه الكائنات و كورابيكا عرف انو الاتنين إلى شافوهم مشتركين معاهم عن طريق الوشم إلى كان على دراع البنت *

ليوريو : " يعني فى الاخر الاتنين المتجوزين طلعو خوات ؟؟ ايه جو العشق الممنوع داه !! "

العيلة الغريبة المريبة :" احنا كنا متفقين نعمل المسرحية دي لاختبار المتقدمين و معرفة مدى كفائتهم و القبطان مشترك معانا انو يوصل لينا الأشخاص المهيئين لدا "

* و بعد ما أدى كل واحد من العيلة الغريبة دي كلمة حلوة لكل واحد من الثلاثي اللطيف بتعنا ، غون على حواس الكلب البلدي الى عندو ، كورابيكا على معرفته الخرافية ، و ليوريو عشان طيبة قلبوا ( مش إلى فى النية طيبة قلبوا يعني طيبة قلبوا فعلا ) و حنيتو لما ساعد الزوج المصاب *

ليوريو : " مش مصدق كل الاختبارات دي و احنا لسه ما دخلنا المراحل اساسا !! "

غون : " شكل الاختبار اصعب مما نتصور بس انا متحمس ليه ! "

ليوريو : " مش متفائل .. "

؟؟ : و هنا كانت النهاية لليوم ، اعرف ليس به احداث كثيرة الكوميديا ضعيفة قليلا و الفصل قصير لكن هذا افضل من لا شئ و سنعود للكتابة مجددا بوقت اقرب !

' اللهم صلي وسلم وبارك على سيدنا محمد وعلى اله وصحبه اجمعين '

* لا تنسوا الدعاء لأهلنا بغزة ! *

واااا سلام