الشبكة الحمراء 🩸🕸️
بقلمي انا الكاتبة نجلاء 💎
تصويت وعلقوا بين الفقرات 🤍
naujall: يوزر قناة التلگرام 🤍
~ ~ ~ ~ ~ ~ ~ ~
: اريدج تنفذينها بكُل حذافيرها بحيث مااريد اي غلط او خطأ
: عيب عليج هو اني تلميذة وهيج تحجين وياي بابا أصحي اني اوگفهم كلهم تك رجل..!
: أعتمد عليج وكوني حذرة بكُلشي..!
غمزت ألها بمشاكسة
: ابقي هنا وراقبي شلون راح اخبصهم!
: اريدج تخليهم مايعرفون يمنتهم من يسرتهم..!
نظرت الى الامام وهيَ تتنفس ونظراتها
مليانه تحدي وقوة.!
***
أصوات تهامس ضَجيج يَعم الشركة بأكملها
الشركة مَقلوبة رأساً على عَقب بسبب قُرب أطلاق
كولكشن هَذا الموسم
الموظفين مَخبوصين يرحون منا ويجون منا
الشركة بأكملها تتراكض
نثرت شعري لخلف ظهري
ودخلت للأصنصير ضغطت على الطابق الخامس
طلعت وهيَ تمشي بخطوات ثابته رأس مُستقيم عيونها
تتراقب الموظفين اليتخطفون من أمامها ومخبوصين
الى أن وصلت لمكتب السكرتيرة الي كانت عَايمة
في بحر الأوراق والشغل
سَما: سنيور يوسف موجود ؟
رفعت رأسها السكرتيرة ونهضت بأحترام
: نعم موجود بمكتبة
أبتسمت سَما الها وطرقت باب المكتب مرتين
وفتحت الباب لگت يوسف حالته متقل فوضوية عن
باقي الموظفين رفعت حاجبها بذهول من حال المكتب الي كان عبارة عن أوراق
والأرض كانت موزع عليها اوراق رباط قَاطة كان مشمور من الجهه اليسرى وحذائة الرَسمي ايضاً كان مشمور
ثلاث فناجين قَهوةعلى المكتب والرابع يشرب منه
ماكان منتبهه الها بسبب أنسجامة بالشغل
رفعت راسه منتبهه بعد ماتقدمت وظهر صوت
كَعبها العالي الي دوى بأرجاء المكتب
بعد ماتجولت بعيونها على المكان اجت عينها عليه
شعر مخربط ، هالات سوداء ، وجهه شاحب
بسبب قلة الاكل والنوم الكافيات
حطت حَقيبتها على الطَبلة وجسلت على الكُرسي
المقابل للمكتب
سَما: هاي شمسوي بروحك حتصير زومبي
ضحك وارتخم على الكُرسي
يوسف: هذا الحال قبل أطلاق اي كولكشن مو شي جديد
