الشبكة الحمراء
بقلمي انا الكاتبة نجلاء 💎
تصويت وعلقوا بين الفقرات 🤍
naujall: يوزر قناة التلگرام 🤍
~ ~ ~ ~ ~ ~ ~ ~
تجمدن البنات بمكانهن من أتقدم عليهم
رجل لازم سلاح..
صغطت وَد على ذراع غَيم وهيَ خايفة أما عن غيم الي كانت ملامحها متجمده ماتعرف شنو تسويه
تكلم المثلم التقدم عليهن بالايطالي وهو يأشر عليهن بداوئر بالمسدس
: منو أنتم وشنو تسوون هنا!!!
أنربط لسان وَد ماگدرت تتكلم او تنطق بحر
چفلن هَنة الأثنين من صاح المُلثم بصوت عالي
: أحجننن
واخيراً نطقت وَد وهيَ تتلعثم بالكلام
وَد: اا ..أحنا.. أحنا جا..جايين لان بيتنا قريب منا
رجع عدلت وقفته وميل راسه يتفحصهن ويتفحص ملابسهن
:جنتو بالحفلة ؟
أبتلعت وَد ريقها
وَد: ا..أي
رجف گلبهن من اجه صاحبه وهو يباوع على البنات بنظرات دنيئة
: شلون فريسة تخبل وحده الك و وحده الي
خفق گلب وَد وهيَ تسمعهم همست غَيم
غَيم: شجاي يحجوون ؟
جاوبتها وَد وهيَ متصنمة
وَد: ديتقاسمون علينا..!
شهگت غَيم تحت أنفاسها وعيونها توسعت من شافت واحد منهم يتقدم عليها ونظرات منحطة
ثواني وأقل الثواني هَم..
سمعوا صوت أطلاق نار خله طشارهم ماله والي..!
تفرعوا المُلثمين وهَمه يحاولون يعرفون مصدر الطلق جاي منين!
التفت غَيم على الطالعه من المخرج
صاحت بقوة بالعراقي
سَما: بسرعه روحنه للگراج
أثنينهن انتبهن للصوت وصلت واقفات الى أن رجعت صاحت بيهن
سَما: يلاااا
ماطولت غَيم سحبت وَد من ذراعها ورگضن لخلف المبنى لمكان الگراج يركضن بخوف نسن كُلشي نسن هنه لأبسات
كَعب عالي قبل لا يدخلن للگراج
صادفتهن خروج سيارة رياضية
من نوع Ferrari (فيراري) ذات لَون ماروني غامق ...
خفضت الأضاءه الأماميه حتى يگدرن يشوفنها
دگت هورن وأشرتلهن يصعدن ثواني وصعدن بالسيارة
وَد بالخلف و غَيم صعدت بالأمام
أنطلقت سَما أقسى سُرعة مبتعده عن المكان باوعت بالمراية الجانبية والأمامية تتابع اذا أكو أحد أتباعها
ذبت نفس من شافت ماكو أحد وراها
