الشبكة الحمراء
بقلمي انا الكاتبة نجلاء 💎
تصويت وعلقوا بين الفقرات 🤍
naujall: يوزر قناة التلگرام 🤍
~ ~ ~ ~ ~ ~ ~ ~
باسطة اديها بالعرض ساندتهن على الكُرسيين الأماميين
ومخليه فكها على كفوف اديها وتحجي
وَد: غَيم عود صدگ صرنا بزبز نسوان وسترونگ وصرنا نسافر علمود الشغل ؟
غَيم: بزبز نسوان ؟ .. اي صرنا بزبز نسوان ونسافر
وَد: الله شگد شعور حلو!
انحرفت عَين غَيم على الي دفعت باب السوبر ماركت بقوة
ملامحها مكشرة لكنها أعتدلت من صعدت السيارة
سَما: بس لا طولت ؟
غَيم: لا عادي
طبگت الباب وحطت العلاگة على الجگمچه بين الكُرسيين
وَد: شنو هاي ؟
سَما: جبت حلويات علمود الطريق لان طويل ويمكن نلگه المطاعم معزله
فرحت وّد بأتساع واخذت العلاگة خلتها بحضنها
وصلت تبحوش بيها
وّد: عشتي عشتي بس شدعوه هالگد جايبة ؟
حركت السيارة وابتعدت عن المكان وهيَ تراقب المراية الأمامية تشوف الخلف
سَما: جبت هواي انواع لان مااعرف شنو تحبن
غَيم: لا تخافين وَد كلشي تاكل
وَد: صح!
ضحكت سَما وهيَ تباوعلهم وكملت الطريق وعينها المراية الخلفية تنهدت من مشافت اكو احد وراها
نزلت أنظارها على العصير الممدود الها
وّد: اشربي هذا عَصير كُلش طَيب
سَما: اذا طيب اشربيه انتِ
وَد: لا اني دائماً اشرب منه شوفي شگد طيب حتى يخيلج مصحصه
ابتسمت سَما واخذته شربت منه شويه رفعت حواجبها بأعجاب وهيَ تحرك راسها
سَما: ممم طيب!
وَد: مو گتلج انفلاقي!
ضحكت سَما على مُصطلاحات وّد الغّريبة بالنسبة الها
غَيم: وَد تقريباً مجربة كُل انواع الحلويات والعصاير الموجودة بالمحلات
سَما: بس ديري بالج اغلبهن يحتون على كحول
وّد: لا الحمدلله ماواگعه بيها لان غَيم تطلع وياي وتقرأ المكونات وتتأكد انهُ حلال
