التِـرياق والريسِـين

الجزء الأول⚜️

﷽

'التِـرياق والريسِـين'
'إسراء آلـ محمد'
قناة التليگرام:https://t.me/fostoqat
<___________________>
(بداية الحِكاية..)
نحنُ في اولِ الصفحات يا أعزائي، وستتراكم عليكم الصدمات.... !

"وهمومي نار بگطن
اطفيها من هالكُتر بذاك الكُتر تشتعل ."
.

..

تُـلكَ الفتاة أجـل هِيَّ سنتطرق إلى سَرد حكايتها الغَريبة!!

" مَـنايا "

فزيت على أثـر كابوس مُرعب مُرعب لدرجة.!
مسحت على وجهي بقوة وايديه ترتعش كُل ما اتذكر نهضت من فراشي نزلت دخلت للمطبخ شربت ماي ونفسي سَـريع
خانتني دموعي ونزلت حجيت بغصة:

مَنايـا:ليش عفتوني وَحدي مو تدرون بيه اخاف.!

احتضنت وجهي وزادت دموعي مثل التيزاب تحرگ وجهي من حرارتها..

-اشتاقيتلكم والله، ما اگدر بدونكم اضيع اني اضيع، عشت عُمري بغربة محد رادني غيركم ليش تركتوني بنص الطريق؟
ليش تركتوني اصارع الحياة وحدي؟

مسحت دموعي بقوة على أثرها انجرح وجهي بأظفري..!
رجعت لغرفتي او بالأحرى ملجأ احزاني، دموعي، ايامي الصعبة كلها عشتها بهالغرفة وحدي بدون مُعين!

شكلها عبارة عن غُرفة قديمة جداً بحيث الحايط متآكل
يتوسطها سَرير من الحديد..

باوعت للساعة ب6 الصُبح لازم اطلع لشغلي..

لبست ملابسي والكلاو وطلعت اتمشى بدون لا أكل اي شي شهيتي مسدودة..

وصلت لگيته گاعد والعربانة مقابيلة والناس تلتقط حاجات أتقدمت عليه

مَـنايا: صباح الخير عمو.

ابو رافع: هلا بيج عمو شلونج؟

هزيت راسي بمعنى زينة وبديت اشتغل
وامشي بالناس هذا اليسألني على السعر وهذا اليريد باقي من الفلوس وهذا اليريد انزله من السعر..

-اني اشتغل وي ابو رافع رجال كبير افضل شي قدمه الي هو هذا الشغل "نبيع ملابس بالـه"

يحسبلي كل يوم مبلغ مُعين اگدر من خلاله أدبر يومي بي واشتري احتياجاتي.!

الدنيا باردة احس ايديناتي ثلجت باوعلي عمو ابو رافع وهز راسه مقهور على حالتي شال كفوف من العربانه لون أسود وقدمهن اتجاهي