قَلب الجَابري

الـحـلـقـة الـرابعة 🌪

بِقلمي أنا - رَيڤـان
قَلبُ الجَابري

لا تنسون التَعليق بين الفقرات
والتصويت حَبابي

وأني لَو بَحثتُ أبد الدَهر
لمِا رأيت مافاعلهُ انتَ بي
أخذت روحي بَعد عَقلي
وبُعِث حُبكِ ، مِن الرحمٰن في قَلبي
وبَدأت رُوحي بالحُب كَما فَعل
العاشقين مِن قَبلي

. مَريم .

ثاني يوم گعدت على صوت ابوية
وقرارة الي خلاني انهار بلحضة

قاسم : فترة وننتقل الغير بيت
احلى واحسن من هذا البيت

كل تفكيري چان بهذيچ الحظة
شلون اعوف ذكرياتي بهذا البيت
من انولدت لحد الآن انا موجودة بهالبيت
كل زاوية وكل مكان بالبيت اتذكرة

والقهرني اكثر بغير محافظة
وفعلاً اجة اليوم الي صدگ غيرنا بيه البيت
وطول هاي الفترة انا زعلانة على ابوي
وهو چان يريدد بكل مرة ابجي بيها

" نشوف الوضع هناك وتتأقلمين "

وانا اگول بگلبي واتحسر
بوية هوة انتَ لو تدري شنو لبگلبي
وليش ماريد اعوف هذا البيت
چان لطمتني على حلگي

اجو سيارات اخذو غراضنا
طلعنا برة وابوي قفل باب البيت
التفتت لكيت هواي ناس موجودين ونسوان

من ضمنهم مصطفى ، غيث اخو مصطفى
وجهاد ، وابو جهاد ، وابو مصطفى
منزلين راسهم وماراضين على روحتنا

انا شفتهم وانسحل گلبي سحل
عبالك راح اعوف روحي هناك
كلش متعلقة ببيتنا كل تفكيري شلون اتعود

وشلون يعني بعد ماشوف لا مصطفى ولا روح
چانت ماموجودة سألت عد خوالها
والقهر موتني راح اروح واحنا متزاعلين
على سبب مجهول طول هاي الفترة

وهنا كُل الي ببالي چان يتردد
ندم على كل لحضة غلطت بيها بحق روح
كلش ضجت والي رادها لكم ما شفتها وانا
رايحة بطريق مانرجعلة بعد لوقت طويل

مجرد شخص حاول يوكف وياك ويدعمك نفسياً
، ومجرد شخص لاحظ حزنك او حتى محاولة
مواساتك ، هذني كلهن جانت روح تسويهن اليه

وروح هي الي خلتني اعرف الصداقة سنين وعشرة عمر
مالازم نخربها بفد زعل بسيط ، لأن راح نندم ، وفعلاً ندمت

صعدنا بالسيارة وانا عيوني بقت عليهم
بنفس الحضة رفع عينة مصطفى وصارت عيني بعينه
ولأول مرة مصطفى ماينزل عينه من يشوفني

انتبهت على جهاد مدنك راسة باوعتلة وهم باوعلي مبتسم
على عكس عادتهم عمرهم كُلة ما شفتهم يباوعولي
بسبب تربيتهم وتمييزهم بين الحلال والحرام

چنت عَكس نورة بكل شيء
انا عاطفية نورة لا عاطفية ولا عقلانية
شايلين الاحساس منها وذابية
چانت فرحانة ومرحة كلش وملتيه تصفگ
تلطريق كله نورة گضته نايمة
تفز تاكل وترجع تنام وانا كلساع اذب حسرة