تملكنا العشق 🤍
بقلمي...ايه عرفه ♥️
************************************
في القصر دخل ريان وادم بعد أن انتهوا من شغلهم في الجهاز اما آدم فهو كان مشتاق لحلا بشده
ريان.... مساء الخير
الجميع.... مساء النور
حلا وهي تقوم وتقف بجانب آدم... عامل اي
آدم.... الحمدلله معلش أتأخرت عليكي
قاطع ردها حياه وهي تقول بخبث....اي دا ياحلا
يعني جوزك طول النهارد في الشغل وبدل ما تقابليه
بحضن ووحشتني بتقوليله عامل اي وبس
آدم بغمزه....قوليلها اصلها مغلباني
حياه...متخفش هوصيها عليك
آدم....ياااه دا اعتبره جميل عمري ما أنساه ابدا
كل هذا وحلا مكثوقه من كلام اختها
ريان.....خلصتوا تلقيح انتوا الاتنين ولا لسا
حياه... انا عن نفسي خلصت
آدم وهو يشبك يده بيد حلا....طيب عن اذنكوا أنا بقا
حور....انت رايح فين اقعد اتعشا معانا
آدم....مره ثانيه انشاء الله
ريان.... براحتك
قال ريان كدا واقترب وباس رأس حلا وهو يقول لها بحنان ابوي....خلي بالك من نفسك ياحبيبتي ولو آدم زعلك بس قوليلي وانا ليا تصرف معاه
حلا باابتسامه....آدم عمره ما يزعلني ابدا
اما آدم فكان فرحان جدا من ردها علي والدها
وبعدها استأذن ومشيوا
اما ريان فهو نظر إلي حور وقال بضيق....القصر خلاص قرب يفضا علينا انا وانتي
حياه بمرح.....وانا روحت فين ياحجوج
ريان..... فرحك علي فهد الخميس الجاي
اما حياه فحست أن الأرض تدور بها من الصدمه
حور....انت بتهزر
ريان.....دي حاجه فيها هزار الخميس الجاي فرحها
اما حياه فهي طلعت الي غرفتها وقعدت على الفراش وهي تقول لنفسها بضيق.... مالك ياحياه مش فرحانه ليه مش دا فهد حب طفولتك الي كنتي عاوزه تتجوزيه أترددتي ليه دلوقتي لما الموضوع دخل في الجد دا هيبقا جوزك يعني طبيعي اكون مبسوطه
ولكن قاطع تفكيرها خبط على الباب وبعدها اتفتح...... عايز اتكلم معاكي
حياه وهي تقوم.... اتفضل يابابا
دخل ريان اللي الغرفه وقعد علي الفراش وقعدت حياه بجانبه وسألها بشك....انتي مش فرحانه ليه
حياه....ولا حاجه فرحانه
ريان بتهكم....دا منظر واحده فرحانه
حياه بتوتر....انا بس اتوترت متوقعتش حضرتك تحدد الفرح بسرعه كدا مع انك جننته عشان توافق على الخطوبه بس يعني اتفاجات شويه باالقرار دا
ريان....اولا دا جوازك مش قرار بخده لا انا وافقت
عشان عارف انكوا بتحبوا بعض وانتوا ولبعض في الأول وفي الاخر تاني حاجه بقا فرح ادهم ويزيد ومراد اتحدد الخميس مش باقي غير فهد اي فايده التأجيل قولت افرحكوا انتوا كمان باالمره
ولا انتي اي رايك ياحياه بابا
حياه بضحك....هههههه العيله كلها هتتجوز فجاه
ريان.... والله انا مش عارف اي الي حصلهم تقولي كان معمولهم عمل واتفك مره واحده
حياه بتفكير....ممكن بردوا
ريان.....اهم حاجه انتي مبسوطه
حياه...اوي ومبسوطه اكتر أن ربنا رزقني بااجمل واحن اب في الدنيا دي كلهاااا
ريان وهو يضمها الي أحضانه بحنان.....بس يابكاشه
انتي تقولي احسن اب في الدنيا وفهد يقولي أحسن خال في الدنيا انتو متفقين عليا صح
حياه.... والله ابدا
ولكن دخلت حور عليهم وهي تقول بضيق
وغيره....الله الله يعني انت سبتني تحت عشان تيجي تقعد مع بنتك وتضحكوا وتهزروا مع بعض
حياه.....اممم مش بنته يامامي
حور...اخرسي انتي
حياه....لازم اني عروسه بقا وكدا ولازم تدلعيني
حور بهزار.... هحاول
ريان.....هقوم عشان محتاج اخد شاور واغير هدومي
...وبعدها نظر إلي حور وهو يقول بنبره أمر....ورايا
