في حق السيده رقيه. ع
بالحلم سير عليه حسين جايبلي ترجيه
مبتسم شفته بمنحره بسته
بويه يحسين
----------------
من خلصن ايام السبي. صرنه بخرابات الشام
غمضت عيني منل تعب. بس بقت بجروحي الام
لن. الخرابه. نورت. انه. بحلم لو. بوهام
وحسين شفته مبتسم. وبصدره مصيوب اسهام
يشع نور ويضوي نحره
منه كام يفوح عطره
باحلم شفته. بمنحره بسته
بويه يحسين
-----------------
يعاينلي وكله جرح . وعيونك تسولف دمع
حاجيني مشتاكه الك. شو ونتك ماتنسمع
بحضنك اريد اغفه كلت مهشوم بيك جم ضلع
تنزف اشوفنك. دمه. ونحرك يبويه. منكطع
دافي ابوي حسين حضنه
خليني اشبع شوف. منه
مدلله ابنيته. بمنحره بسته
بويه يحسين
-----------------
عاينت لشفافه وكلت يابويه جنك ضامي
عطشانه روحي لشوفتك. ذبحوهه كلهه احلامي
متوني زرك من الضرب. عاين وشف اجدامي
حافي مشيت عله الجمر. ودري انته نحرك دامي
زحمه يويه طبت السوك
يفرون بينه وتمشي النوك
والهجر ضكته. بمنحره بسته
بويه يحسين
--------------------
الشام بويه ولوعته. تلكونه من طبينه
يضربونه كامو بالحجر. وتدري الحجر ياذينه
مجتفه ادينه. بالحبل. والشمر يشتم بينه
يابويه ماعدهم رحم. ولا واحد. يحامينه
داير مداير كله شمات
بالشام والله شبعنه شوغات
بحيره عاينته. بمنحره بسته
بويه يحسين
---------------------
عاين لذاني وصب دمع. تنزف اجروح البيه
تحسر اشوفنه انحنه. من عندي مسلبيه
مالوم منه ايست. وسالفتي ما احجيه
يابويه حيل اتخرت. شنهو العذر. تاليه
رقيه
لاتمشي عني بويه وتروح
تدري الكلب بجفاك مجروح
الغالي فاركته. بمنحره ضكته
بويه يحسين
----------------------
الخادمفدوه لوليله وينام...اسم الله من نار الخيم
،،،،،،،بويه عبدالله عله صدري
،،،،،، هوه روحي وهوه عمري
........هوايه متغيره الوفيه
...............هاي معقوله رقيه
************************
.يوسف الفتلاوي
تغفه السياط اعله متني وانه أميره
شايب بكل حيله طگني گلي أسيره
وعمتي زينب تعاين بيها حيره
وهيه ماتگدر چبيره اي چبيره
الآدي محترگه صعبه يشگف سياطه
حته لو عبد الله حاضر گطع اگماطه
يضحك اذا بيه قسه
و يدفعني و يبچيني
وزينب اجتني عمتي
تمسح الدمعه بعيني
بويه … الحادي يرگض بالدرب
بويه … چم طفله وگعت بالترب
بويه … للكوفه رادونه نطب
بويه بهداي گوم وياي
