تكتل حيل ياونت المسموم
ابو محمد رحل. من داره هليوم
ابو محمد رحل واهله يونون
شايل مايرد للدار مضنون
يتم عيلته واطفاله يبجون
ركن الدين لجله اليوم مهدوم
@@@@@@@@@@@@
مسموم الحسن شايل من الدار
ياراعي الكرم راعي الخطار
اولاده يتامه وضلو ازغار
اويمه حسين يبجي ابگلب مهضوم
@@@@@@@@@@@@
شال المجتبى وخلاهه الاعيال
ابوهم شال عنهم هاي الطفال
من السم يويلي امغير الحال
اومتغيره اصبحت هليوم الارسوم
@@@@@@@@@
اخضرصاروجهه اوناحل الحيل
اليوم المجتبى ناوي على ارحيل
حسين الشيعاه اودمعته تسيل
يگله نهدم حيلي اومگدر اگوم
@@@@@@@@@
شال المجتبى اوضل وحده العضيد
لاوين ارتحل من عيلته الحيد
ونت بت علي وعليه متهيد
خويه لا تشيل تعطل اليوم
@@@@@@@@
تمت من كتاب بحر الولاء الجزء الرابع
خادمه الحسين ام محمد الكناني
لطميه فزاعيه جنوبيه// لأستشهاد الامام الحسن ع// ا
لسان حال السيدة زينب عليها السلام للحسن عليه السلام
ـــــــــــــــــــــــــــــــــــــــــــــــــــ
شايل ياحسنة وانه بكَلبي ونة
عفت حسين مالوم
اكعد ها يمسموم
راح الحيل منه شايل ياحسنة
⊱━━⊰✾ياصاحب الزمان✾⊱━━⊰
شد حيله الحزن حيل واستاطن دليلي
امدد يااخو حسين ياروحي وخليلي
ردتك خوية ليام شداتي تجيلي
ردتك خوية للشام
تجيني محزم احزام
الغثج كلي فنة شايل ياحسنة
⊱━━⊰✾ياصاحب الزمان✾⊱━━⊰
السم خوية جتال مايرهم دوه اعليه
جبدك هذا ممرود كلي شلون اداويه
نوبة اعليك انوحن نوبة حسيني اواسيه
كاسر خاطري حسين
يهمل يمك العين
وسفة تروح عنة شايل ياحسنة
⊱━━⊰✾ياصاحب الزمان✾⊱━━⊰
يمك من كعدنة سولفنة وبجينة
كون الزهرة هل ساع تحضرنة وتجينة
ابنها العود مسموم لينه يدير عينة
كون اتشوفه هل ساع
جا لطمتله الاضلاع
تكعد تبجي يمنة شايل يا حسنة
⊱━━⊰✾ياصاحب الزمان✾⊱━━⊰
صعب يفراكَ الاعزاز ماخله اعله حالي
اخوي ابيش مطلوب دمعي اعليه هالي
وبالطف لوعتي اتزيد مايبقالي والي
جا شيصبر الروح
حيلي اكَبالي مذبوح
حتى قاسم ابنة شايل ياحسنة
⊱━━⊰✾ياصاحب الزمان✾⊱━━⊰
كلت ضل النه الوليد ذكره من اخونة
تالي بكربلة اعداي بجتله عذبونة
هاشم يوم جابوه بعوده ذكرونة
حسبالي الحسن جاي
بجيت ابحركَتي اهواي
جبير اخواني جنه شايل ياحسنة
الشاعرة فاطمة هاشم الحسيني
https://t.me/fatm_t4
