عن لسان حال امام إلسجاد ع
عفیه صَبری إشلون بویه ومامتت
بیدی لمیتک وصل وتحملت
ونه منک تنسمع
گتلی ضایعلک صِبع
بویه..........بویه
&&&&&&&&&&&&&&&&
عشت کل إسنین عمری بَعدک إبهم وعذاب
لحظه لو قَمضلی جِفنی یرجع إجدید إلمصاب
ترجع إبالی و إشوفک بویه دامی إعله تراب
بویه لا زاد الحلالی عگبک ولا من شراب
بویه أنسه یاجرح
حالی مَترید الشرح
بیدی من أوصالک انه لملمت
عفیه صبری إشلون بویه ومامتت
بویه......بویه
&&&&&&&&&&&&&&&&
بویه من لمیت جسمک بیدی وسدته الگبر
عینی عل منحر وعاین شِل عمل بیک إشمر
منحرک وَن ویگلی خلی طفلی إعله إصدر
حرت بأمری إشلون أوسده وانته ظلعک منکسر
خاف أوسده وینلچم
إبعینی شفته منهشم
أبهیده فوگ إظلع طفلک وَسدت
عفیه صبری إشلون بویه مامتت
بویه........بویه
&&&&&&&&&&&&&&&&
بویه من گلّبت چفک مالگیته إلخنصرک
صحت یاحامی الحمیه و ریت فاطم تحضرک
چنی أشاهد جدی حیدر وإمی گاعد تنظرک
تجری دمعات إعله خدهه أتگلی یبنی إشصبرک
من شفت هاذ الوضع
صِبعه جبته إلمنگطع
خنصرک من إعله چفک رَجعت
عفیه صبری إشلون بویه مامتت
بویه ..........بویه
&&&&&&&&&&&&&&&&
بویه های إسنین عایش عگبک إبلوعه وحزن
عینی مابطل دمعهه والگلب دایم یون
لان ما عافک یبویه من بعد وکت الدفن
خلصتهه إیام عمری دمعی یجری إعله إلوجن
عَمتی بس لیه مَثیل
چنت أشد بیه انه حیل
من صبر زینب یبویه إتصبرت
عفیه صبری إشلون بویه مامتت
بویه.......بویه
&&&&&&&&&&&&&&&&
بویه هلیوم أنه جیتک ونِتها هاذ البُعد
بَعد کل ذیچ المصایب خل أراویک إلچبد
هم مثل چبدک یبویه الیوم بِلسم منمرد
لچن ماگطعولی راسی والصبع حته أنسعد
بویه منک أعتذر
طال بعدک هل عمر
لون بیدی إبکربه إویاکم رِحت
عفیه صَبری إشلون بویه مامتت
بویه.......بویه
&&&&&&&&&&&&&&&
