...
قصيدة ثگيله للإربعين (آيالخوان)
❥━──➸➽❥❂❥━──➸➽❥❂
اليوم صار الاربعين
گلبي مهموم وحزين
آيالخوان آيالخوان
❥━──➸➽❥❂❥━──➸➽❥❂
اليوم صار الاربعين ودمعي بالعين
بلهفتي تعنيت ازور الگمر وحسين
ارد اسولفله عذابي وهظمة البين
جبت العيال واجيت اجهر بالونين
جيت وعيوني تصب ... لشوفة اعزاز الگلب
آيالخوان آيالخوان
❥━──➸➽❥❂❥━──➸➽❥❂
جيت ازور اخواني النامو عله الگاع
حشمتهم گومو ليه بساع يسباع
نامو بوسط اللحد حلوين الاطباع
من عگبهم حايره ومني الفكر ضاع
حايره انحب واون ... روحي ما ترضى تچن
آيالخوان آيخالوان
❥━──➸➽❥❂❥━──➸➽❥❂
آه يا ظيم اليسر شيبلي گلبي
ساعديني اعله البچي يا عين صبي
وداعت العباس انا ماشوف دربي
من المصايب صحت ساعدني يربي
آه يا عظم المصاب ... شفت اخوتي عالتراب
آيالخوان آيالخوان
❥━──➸➽❥❂❥━──➸➽❥❂
شفت أنواع المصايب والاذيه
شحچي عن شهگة يتيمه لو رقيه
امشي بين أجناب من غصبن عليه
صعبه چلمة امشي يا زينب سبيه
ما گعد واحد الي ... عالثره كلهم هلي
آيالخوان آيالخوان
❥━──➸➽❥❂❥━──➸➽❥❂
عالثرابه نامت عيون النشامه
ياليسر ليلي ونهاري ما انامه
بس حرم وياي واطفال ويتامه
والعليل احتار هم كثرت الآلآمه
كثرت الآلآم السبي ... ونار مستعره بعبي
آيالخوان آيالخوان
❥━──➸➽❥❂❥━──➸➽❥❂*بقلم خادمة اهل البيت*
الشاعره العلويه مريم النور
*نسألكم الدعاء الفاتحه الى روح اختي وﻷمواتكم:*🍃
غير مبري الذمه من يحذف الاسم او ينسب الكلمات له...
https://t.me/mariamaln...
