تنهد عجلان ينطق: بتزوجينه وهو كذا ؟ معصي
تلاشت ضحكه نهله وكمل عجلان : منيف وجهه موب بوجهه زواج
بققت عيونها نهله من نطق جراح : هذا شيءٍ منتهين منه
نهله : شلون يعني !
عجلان : يعني خليه ينثبر اذا رجع عقله براسه هذاك الوقت زوجناه
نهله : ياعمي تكفى انا ماصدقت على الله منيف يوافق يتزوج لا تفشلوني من اخوي وانا كلمته
تنهد جراح ينطق :انتي صاحيه شايفه منيف وشايفه اطباعه اخوانه وهم اخوانه مو قاعدين يسلمون من شره
لفت نهله لعجلان تناظره ونطقت : معليك ياعمي انا بكلمه وبعقله بس تكفى لاتقطع بنصيبه انا متاكده ان الزواج بيغير اشياء واجد فيه
زفر عجلان ينطق : كلميه ويجيني هنا يحلف لي انه بيتغير ويتعدل ويترك سهم عنه ويصير رجال زيه زي سهم وسلطان
قامت نهله بغضب تصعد فوق دخلت غرفه منيف تنطق بحده : عاجبك اللي قاعد يصير!
تنهد يجلس بنص السرير ونطق : يمه ماني ناقص عندي اللي يشغلني
اتجهت له تنطق : لا ياشيخ منيف انت بتموتني ناقصه عمر !
تافف يصد عنها وجلست قدامه تنطق : خالك وافق بس جدك وابوك رفضو بعد سواتك اليوم الف مره قلت لك يامنيف اترك سهم عنك بس هذا انت ماتسمع الا نفسك
رجع بظهره يسنده على السرير ونطق : خلي عنك الزواج انا طايح بمصيبه الحين وماعندي وقت
رفعت حاجبها بعدم فهم تنطق : وش فيك بعد ليه انت يجي منك شيء غير المصايب يامنيف ياولد بطني !
تنهد ينطق : احتاج فلوس قبل العصر اليوم
نهله باستغراب: فلوس !
هز براسه ينطق : اي انا صدمت ناقه واهلها يبون تعويض
ارتخت ملامحها بذهول تنطق : ايششش !!!
تنهد يتقدم بجلسته يشرح لها تحت صدمه تحتوي ملامح وجها ونطقت : انت انهبلت ٣٠ الف من وين اجيب لك !
رفع اكتافه بعدم معرفه ينطق: يمه اذا ماتوفرت ال ٣٠ الف اليوم ولدك بينسجن
مسكت على راسها ونطقت: الله لايوفقك يامنيف
منيف : استغفري ربك اكثر من كذا بموت يمه
وقفت تنطق بغضب منه : انا اذا ماانتهيت على يدك انا ما افهم
طلعت من الغرفه تتوجه لغرفتها تفتح دولاب الملابس تاخذ عليه الذهب تطلع منه كم قطعه وترجع لمنيف دخلت تمد له ذهبها ونطقت : امسك بيع هذا
رفع حاجبه ينطق بذهول : ذهبك !
هزت راسها تنطق : اجل ذهب مين ! امسك ولحد يدري تسمع !
منيف : محد راح يدري وابوي وجدي خليهم علي انا بكلمهم كلمي خالي وقولي له بكره واحنا عنده زين !
عقدت حاجبينها تنطق : شلون !
وقف ينطق : انا بتصرف خليها بوجهي
وقف يقبل جبينها وطلع من الغرفه ونزل يطلع من البيت كله لمحل الذهب يبيع الذهب بدون تردد لجل يعطيه سهم وينقذ نفسه من قضيه مالها اصل من الوجود ...
«العصر الساعه ٤:٣٠ مساءًا »
طلع من الدكان يتجهه للمزرعة دخل يمشي بين النخل ينتظره وابتسم بطرف ثغره من سمع خطوات خلفه التفت يناظره ونطق : هاه جبتها !
دخل منيف يده بجيبه يطلع الظرف ويمده له ، رفع حاجبه سهم ينطق: عساها حلال بس ؟
ابتسم منيف بسخريه ومشى يطلع من المزرعه ، فتح سهم الظرف يناظر الفلوس وضحك ينطق : اربيك انا حي عيني اشهد بالله اني قول وفعل
طلع جواله يدخل على احد الجمعيات الخيرية يتبرع من صرافته الخاصه بالثلاثين الف كامله ونطق : الله يكتب الاجر
مشى يطلع من المزرعه لدكان ومد الظرف للعم شهاب ينطق : حطها من ضمن مبيعات هالشهر
هز شهاب براسه ونطق : حقت منيف !
ضحك سهم يهز براسه ومشى ياخذ الراديو يشغل شيلته و يردد خلفها : كتبت لك من خاطري المكنون قصيدة تعرف خوافيها، ارحم حبيبك مد له بالعون
قربك فرح يا حظ لاقيها ، بسمة شفا علة المغبون ارفق بحالي من مساعيها ..
دخل مجيد ينطق : من عله المغبون الوكاد ان الشيخ مروق !
ضحك سهم يرتب الاجهزه ونطق : روقنا ابشرك
ضحك مجيد ينطق : اخذت اللي تبيه ؟
رفع حاجبه ينطق : من متى مااخذت اللي ابيه !
ضحك شهاب ينطق : معه حق هذا سهم يصيب ولا يسمي
ابتسم سهم بدون مايلتفت عليهم وضحك مجيد ينطق : هات العشره !
ضحك سهم بسخريه ونطق : الله يلطف بعقلك مصدق انك بتاخد منها راحت لغيرك يالحبيب
شهق مجيد ينطق : لابو هالوجه والله انك ماتستحي
لف سهم ينطق : خلينا الحياء لك ياولد العم بعدين احد قال لك انك طالع من بطني تراك مجيد بن مُلهم مو مجيد بن سهم فرق بينهم الله يعافيك
ضحك شهاب وجلس سهم يصب له شاهي ونطق مجيد : حسبي الله على ...
قطع كلمته سهم ينطق: على العدو على العدو عشان مااهفك !
همهم مجيد يجلس امامه ونطق : اي في احد غيره
هز براسه سهم ينطق: زين
شهاب : اقول سهم رحت شفت راسك !
هز راسه بنفي ونطق: مايحتاج ماعلي خلاف
تنهد مجيد ينطق : والله انك تسذوب يخوي هاذي خياطه مو استهبال شفيك !
رفع بيالته سهم يشرب ونطق : الامور طيبه
مد يده شهاب يمسك طرف شارب سهم و ينطق : عليك الله تروح انا انفدا هالوجه
ابتسم مجيد ونطق سهم : مجار ابشر على خشمي
ابتسم شهاب ونطق : عليه الشحم يلا قوم روح يامجيد معه
رفع حاجبه مجيد ينطق : بعد الجحده اللي صارت فيني !
ابتسم سهم وضحك شهاب ينطق : الحين انت وش دخلك بالدارهم ماني فاهم !
ضحك سهم ونطق مجيد : افا ياعمي وش اللي وش دخلني صاحب عمره وولد عمه هذا اذا ماكنت كل ك حياته
ضحك شهاب ، وتافف سهم ينطق : ياشينك وشين ثقتك اللي تحوم كبدي
ضحك مجيد ومشى سهم و مجيد معه يطلعون من الدكان للمستوصف لجل يغير سهم جرحه .....
««الساعه ١٠ المساء المزرعه تحديدا »»
تنهد يرفع عيونه لمجيد وينطق : كبستك ماخلصت !
مجيد : يلا شوي كذا
سهم : ها اعجل علي بالحرام مااشوف ابي الفراش لي يومين ماذقت النوم
عبد العزيز : تستهبل الساعه عشر وين تبي الحين تونا جلسنا !
اعتدل بجلسته يسحب احد المراكي لخلفه يسند ظهره ونطق : انت رجال تأمن بالله عندك علم ان لي يومين ماشفت الغرفه !
مجيد : تعشى وروح نام
هز براسه سهم ينطق : هذا اللي بيصير
مشى مجيد يقفل النار على عشاهم ياخذ الصحن يقلب القدر
فيه وينزله قدامهم : يلا سمو بالله
شمر اكمامه يمد يده ياكل ونطق عبد العزيز : وينه سلطان !
بلع لقمته سهم ينطق : الوكاد انه راقد
مجيد : اقول سهم !
همهم له ونطق مجيد : وش صار على خطبة منيف !
زّفر ورفع عيونه ينطق : انت تبي تسد نفسي ولا وشلون قاعد اكل ياخوي
ضحك عبد العزيز ينطق : خله ياكل
وضحك مجيد ينطق : خلاص ازحر ماني سألك
نزل عيونه يكمل اكله ونطق : اقول انت وياه !
همهم مجيد ينطق : وش صار على الموضوع اللي قلت لكم !
رفع انظاره مجيد يناظر عبد العزيز ورفع عيونه سهم يناظرهم ونطق : انطق !
عبد العزيز : ماصار شيء للامانه ماودنا بالكذب
رفع حاجبه سهم ينطق : بالله عليك ودك اعشي اهل الديره من لحمك !
ضحك مجيد ينطق : وش له مستعجل !
زّفر بغضب ونطق : على بالحرام انكم جحلط
تلاشت ضحكت مجيد ينطق : افا عليك !
لف يوقف ونطق لعبد العزيز : شبعت !
هز براسه عبدالعزيز ونطق سهم : تعال امسك لي الماء خلني اغسل يدي واتوكل
وقف عبد العزيز ونزل سهم على ركبه يغسل يده وقف يمسح على شاربه ونطق : مجيد لاتبطي بالنومه ورانا شغل بكره بتجي بضاعه جديده ولازم نكون بالدكان من بدري والموضوع اتمنى انه مايزيد عن اسبوع عشان ماتصير علوم ماترضيك انت وياه خلونا حلوين
مجيد : باذن الله اسبوع وانت تغني عليها واذا على قومة بكره معليك انا رجال تكفيني ساعتين حاك عمرك
سهم : البخ انا اقول
ضحكو العيال ومشى يطلع من المزرعه دخل يده بجيبه من زاد البرد وبردت كفوفه عقد حاجبينه يتحسس مافي جيبه طلع يده يناظر الخلخال رفع حاجبه ينطق : كانك زودتها ياسهم وش تبي فيه ذا !
ومشى يغير طريقه ...."
« بيت الجده ضبيا »
دخلت غرفتها من بعد يوم طويل عاشته سكرت باب غرفتها خلفها ومشت لشباك تفتحه غمضت عيونها تسحب الهواء لداخل رئتها وتوجهت لاحد الادراج تفتحه تنهدت تشوف صوره امها قوست شفايفها تنطق بحزن : اه يمه والله ان بهجتي كلها اختفت من رحتي
رفعت الصوره تقبلها بعمق ، وشتت انظارها من نزلت دموعها ، رفعت عيونها لوشاح الرقص المعلق امامها وقفت تاخذ فستان اسود يوصل لنص ساقها عاري الاكتاف اخذت الوشاح الاسود بقطع ذهبية متدلية تلفه على خصرها تاخذ الراديو من الدرج تختار لها احد محطات الاغاني المحبه لها تنثر شعرها على اكتافها توقف على اصابع رجولها تدور حول نفسها تميل خصرها ليمينها وشمالها عضت على شفتها تبلع غصاتها الواقفه بنص حنجرتها كل ماتذكرت امها كل ما زارها الشوق لها ، لشوفتها ، لضحكتها ، لحنانها ، وحزنها على وحدتها وقسوه الدنيا عليها ولسنين عمرها التعيسه وهي ماتدري وين ابوها ماتعرف احواله حي او ميت ، وقسوة جدتها عليها رفعت خصلات شعرها عن وجها ترجع توقف من جديد على اطراف اصابعها تدور حول نفسها على انغام الاغنيه جاهله الشخص اللي واقف يناظرها من شباك غرفتها مذهول من اللي يشوفه يعجز كل العجز بانه ينزل عيونه من استقرت عليها يعرفها اي يعرفها من اهدابها اخذته رجله لبيتها لجل يرجع لها الخلخال اللي يتوسط كفه جاهل كل اللي بيشوفه مايقوى يرمش مايقوى يرجع بخطواته لجل يوعي نفسه انها ماتحل له وان اللي يشوفه بهاللحظة ذنب يقع على عاتقه شد على الخلخال اللي بكفه يختل توازنه من وقفت تتمايل بخصرها تختفي ملامح وجها من خصلات شعرها وقفت من انتهت الاغنيه زفرت بتعب تسحب الوشاح تحرر خصرها تتجهه لشباك لجل تسكره ، هدت اركانها والجمت حواسها وانحجب الاكسجين عنها تشهق بصدمه وتسكر الشباك بكل قوتها من شافته واقف يناظرها والواضح انه له فتره يناظرها وهي ماتشعر فيه ابدا ارتعش جسدها واجتمعت الدموع بعيونها بخوف وتوتر شديد تضم ذراعينها لها ، تنهد و هو يصد بإنظاره و يرص على أسنانه بغضب تجاه نفسه وينطق : استغفر الله العظيم
مسح على وجهه وشاربه وقفى يمشي فتح كفه يناظر الخلخال يتوسط كفه بلع ريقه بتكرار لن اللي شافه ابدا مو هين يستوطن ثنايا ذاكرته بالكامل
يمشي بخطوات هادئة جدا وعينه على الخلخال اللي بيده رفع راسه من دخل من البوابه واتجهه لبيتهم رجع الخلخال بجيب ثوبه ومشى يدخل زفر بضيق يطلع غرفته دخل يفتح ازرار ثوبه العلويه ولف من دق باب الغرفه ونطق بهدوء نبرته: ادخل !
دخلت نوران تنطق : سهم فاضي !
همهم لها يناظرها ونطق : سمي !
سكرت الباب خلفها تتقدم له وتنطق : سم الله عدوك بغيتك بموضوع
اتجهت تجلس امامه ونطقت: سهم انا اعرفك واعرف انك مو من النوع الطايش وادري انك راكد وخطواتك محسوبه عشان كذا انا متاكده ان عندك سبب
عقد حاجبينه ينطق : وش اسباب هالكلام !
نوران : سهم تذكر البنت اللي جتنا قبل كم يوم تطالب بحقها وقالت ان منيف صدم ناقتها !
ارتخت ملامحه وهز براسه ينطق: اي وش الطاري !
نوران : جتنا اليوم هي وعمتها
بقق عيونه بذهول وكملت نوران : قالت لي عن كل شيء وتبيني اوصل لك انها ماتبي شيء لا منك ولا حتى من منيف ابدا وكل اللي تبيه انك تبعد عنها لان اهلها متشددين ولو يشوفونك بتصير سالفه مالها اول من تالي
ابتسم بطرف ثغره ينطق: زين روحي نامي
رفعت حاجبها بعدم فهم تنطق : بس كذا !
وقف وهو ينطق : وش تبين اقول لك !
رفعت اكتافها بعدم معرفه تنطق : ما ادري انت وش ببالك تقول
رفع حاجبه ينطق : ولا شيء ودي انام بس
نوران : سهم انا ودي اعرف يعن.....
قطع كلامها ينطق : قومي نوران
زّفرت وقامت تطلع من الغرفه سكرت باب الغرفه خلفها ، رفع يده يمسح على وجهه ورمى نفسه على السرير يسند يده على جبينه ونطق : وش موديك افا عليك ياسهم من متى وانت كلب كذا !
ضحك بسخريه ورجع ينطق : لو اني متعشي ومنقلع ارقد مو احسن لي ولا لو اني ساهرن مع العيال علي بالحرام ان مقابل مجيد وعزيز ارحم من اللي شافته عيني صحيح ان وجيهم تقطع الرزق بس عاد الشكوى له طبينا فيها ياويل حالي صدتس ، تافف يناظر حوله لين غفت عينه وهو يحلل موقفه ..."
« غرفة إبتهاج »
غمضت عيونها تنطق بذهول من كل اللي حصل : شلون شلون جاء شلون شافني ياويلي وش شويت انا وش انشبت عمري فيه مشت تفتح باب الغرفه تتجه لغرفه ساره تسكر الباب خلفها وتتجه لسريرها تنطق بخوف
يجتاحها : ساره ساررررره
همهمت لها ساره تترك بانزعاج وصرخت إبتهاج : سارههه قوميي بنتت
فزت ساره تنطق بخوف : الله يفجعتس شفيه !!!
كشرت ملامح إبتهاج تحس انها بتبكي ونطقت : لا تدعين انا انفجعت وخلاص
عقدت حاجبينها ساره تناظره تناظر لبسها ونطقت : وين بتروحين !
رفعت يدها إبتهاج تغطي ملامح وجها ونطقت : بموت يا ساره بموت
جلست ساره على ركبها تنطق بخوف من حالة إبتهاج : ليههه ! وش صار ؟
فرقت اصابعها اللي على وجها تناظر ساره ونطقت : شافني ياساره شافني
رفعت حاجبها ساره تنطق : منهووو !!!
بلعت ريقها تترقب ملامح ساره ونطقت بتردد : اخو منيف
ارتخت ملامح ساره بصدمه ونطقت : ايشش شلون !
بللت شفايفها إبتهاج تنطق : ساره انا دخلت الغرفه وفتحت الدريشه بس ماتوقعت لو واحد بالميه انه بيجي ومن جيت بسكرها شفته واقف يناظر
نزلت راسها على المخده تبكي بخوف
جمدت ملامح ساره بذهول تطغى عليها بهالحظه ماتستوعب كلمه وحده من اللي قالتها لها ونطقت : إبتهاج يمه إبتهاج لحظه لحظه عقلي وقف شلون شافتس شلووون !!
بكت ووجها بالمخده ورفعت راسها تنطق : ما ادري ساره ما ادري اقولتس فجاه لقيته قدامي وكنت ارقص ساره كنت ارقص قلت لتس لانروح اليوم لانروح اخته سوت شيء ؟ لا
مسكت على وجها ساره توقف وتمشي بالغرفه بتوتر ، وسكتت إبتهاج تناظرها ورفعت عيونها ساره لها تنطق : دقي على اخته دقي عليها
ارتخت ملامح إبتهاج تنطق : تستهبلين شايفه الساعه كم !
مشت ساره تتجه لها ونطقت : وش نسوي شلون نوقفه عند حده !
رفعت اكتافها بعدم معرفه ونطقت : ما ادري وش الحل راسي بينفجر ساره
جلست ساره جنبها تناظر الفستان : شافتس بذا !
هزت براسها إبتهاج وسط دموعها ونطقت ساره : ليت هتوف انكسرت رجلها
ضربتها إبتهاج على كتفها ونطقت : استغفر الله ياحيوانه ناقصه انا دعاوي
ساره : لانتس حماره من البدايه ليش رحتي ليش عشان ناقه !
تاففت إبتهاج ولفو ثنتينهم بخوف من دق باب الغرفه ينطق نواف
من خلفه : ساره !
فزت إبتهاج بخوف وشهقت ساره تنطق لإبتهاج : نواف نواف جاء
اخذت إبتهاج المفرش تلفه على اكتافها ونطقت : قومي افتحي قومي
وقفت ساره تنطق : يلا يلا
أتجهت لباب تفتحه وابتسمت تخفي اللي فيها : هلا والله الحمدلله على السلامه
ابتسم نواف ينطق : يسلمتس للحين مانمتي !
هزت راسها بنفي ونطقت : للحين
لف نواف يناظر إبتهاج اللي بنص السرير وتناظره ونطقت من جت عيونه عليها : هلا ياعمي الحمدلله سلامتك
ضحك يناظرها ونطق : يسلمتس بس مو برد مره شفيتس متلحفه كذا !
تنحنت ساره ونطقت إبتهاج : وين مو برد ؟ والله برد ياعمي
هز براسه ينطق : زين نامو الوقت تاخر
ساره: اصحي امي قالت لي بس تجي اقومها !
نواف : لالا خليها
هزت براسها ساره ونطق نواف : تصبحون على خير
ابتسم ساره تنطق : تلاقي الخير
اتجهه لغرفته وسكرت الباب ساره واتجهت لابتهاج تنطق : اسمعيني لازم نكلم اخته
رجعت ظهرها على السرير ونطقت : مو حل والله
رفعت حاجبها ساره تنطق : لا بالله اجل وش نسوي !
رفعت اكتافها بعدم معرفه ونطقت : ماادري سوي اللي تبين
تاففت ساره ونطقت إبتهاج : بنام هنا تكفين ساره
سكتت ساره تمسح على وجها بضيق وتفكر بحل ...."
« يوم جديد الساعه ١٠ صباحًا »
تافف عجلان من اصرار منيف ووعوده بالتغير ونطق عجلان : وعد رجال !
هز براسه منيف ينطق : اي ابشر على خشمي
هز براسه عجلان ولف على جراح ينطق : دق على محسن قول له بنجيهم الليله
ابتسم منيف وقام يطلع من بينهم ونطق جراح : ماني مرتاح
