انجبرت على الغلا و هويتها

p5

بسم الله الرحمن الرحيم

ام ضيدان بزعل : لا يولدي تكفى لا تروح
ضيدان ابتسم ينزل نضره لتحت : والله ودي يمه لاكن مابه حد يمسكها عني بشوف اذا خويي يقدر ولا لا
<< الفطور >>
صحوا جوري و احلام و جهزوا الفطور بعد ماحاولوا يصحون غلا لاكن لا فايده
حطوا الفطور و تجمع الكل ياكل
حمد : وينهي ذي الغلا
جوري : نومها ثقيل
عساف : لا حول الساعه كم نامت نومها مره ثقيل ذي البنت
كملوا فطورهم بهدوء و بعدها شالوا اللنات الاكل و جلسوا الكل مع بعض متجمعين
صحصحت غلا شوي شوي من اصوات الضحك و الازعاج و غسلت وجهها و فرشت اسنانها و حطت كونسيلر و بلشر و مسكرا و روج و لبست
لقنز و هودي طويل لركب و لبست حجابها مريومه و طلعت متوجهه للخيمه
غلا : السلام
الكل : وعليكم السلام و الرحمه
حمد بغضب : ليه ما تفطرتي معنا وش ذا النوم المخيس
غلا انحرجت : بابا والله امس ما قدرت انام في اصوات برا خيمتنا و حشرات قعدت متشنجه طول اليل
ام ضيدان : حطوا لها فطور
غلا : لا لا انا مااحب اتريق اصلاً
ام ضيدان : كيفك
كملوا جلستهم بسوالف و ضحك تجمعوا البنات
غلا : شرايكم نأجر بقيات
احلام : وشو ذي بقيات
جوري : هذيج اللي جنها سياره نركبها بالبر
احلام : اسمه دباب يا ذكيه انتي وياها
غلا : المهم نبيهم
احلام : انتي قولي انتي جريئه
غلا قامت عند جدها : جدي
الجد حمد : هلا
غلا : عادي نأجر بقي
بهاج : وش ذا البقي
احلام : دباب
ضيدان بغضب : لا
غلا لفت عليه :  انت محد كلمك
ضيدان صرخ : اسلوبك
الجد عساف : لا يا حمد ما عندنا بنات يركبون دباب
زفرت غلا بملل تجلس جمب البنات : يعني الناس شعرفهم فينا بعدين شهل ناس ماعندهم سالفه غيرنا
دخلت الجده تهاني تقطع حديثهم : بنات قومن جهزو خيمه الحريم جارتي ام حسن بتجينا على المغرب اخلصوا
غلا بصوت باكي : كملتتت
ام سعد : بنت قومي انتي وياها
غلا : طيب شنو ستايل العزيمه يعني نلبس نفنوف ولا .....
الجده تهاني : اخلصي ام نفنوف احلام تعلمكم
طلعوا البنات متوجهين لخيمه الحريم ينضفونها دخلوا بعدها الشباب بينهم ضيدان ماسك جواله
غلا : شجايبكم
سعد : انطردنا
ضحكوا عليهم البنات : احسن
جلسوا الشباب و كملوا البنات تنضيف
غلا بأستعباط : اعتذر بنات وقتي المحدود خلص بروح اكشخ باي
و ركضت لخارج الخيمة
احلام بغضب : غلااا يا زفت تعالي نضفي
جوري : ويعع والله ما يصير اقولج شي اصلاً نضيفه الخيمه امشي
احلام رمت الفوطه تركض للخارج
بهاج : انجنوا
ضيدان جلس يطقطق بتلفونه من برنامج لبرنامج
سعد : يعيال نبي فعاليات
هزاع : فعاليتنا اليوم العزيمه
بهاج : عيالهم راشد و صالح ناس طيبه و محترمه مو تفشلنا
سعد : ليه افشلكم
هزاع : تكلم سعودي
ضحكوا الكل
( خيمه البنات )
الخيمه حوسه بمعنه الكلمه الفساتين منتشره بالارض و الكوايه جمبه مسكره و الميك اب بجهة اكسسوارات بجهة ال كعب بجهه يعني حوسههه
كانوا البنات متجمعين على جهة اليسار حاطين مرايات و يتمكيجون
غلا : بنات تحسون ارسم كحل بأي طريقه
احلام : احس مع فستانك ارسمي كحل بس خط واحد و اسحبي مع فوق عيونك
غلا : طيب بس لحد يحركني
و تكشخوا البنات و لبسوا لبسهم كان بسيط لاانه مو عزيمه كبيره
غلا : لبست فستان وردي قصير لركب و بدون اكمام  و فتحت شعرها سوته ويفي و تعطرت و لبست عقد الماس صغير كان شكلها بسييط
جوري : لبست فستان بوهو ازرق مفتوح من جهة النحر و فيه فتحه من جهة ساق اليسار من الركب لتحت و عقد اللماس و فتحت شعرها و تعطرت
احلام : لبست فستان ابيض طويل و بعنق بدون اكمام و تعطرت و رفعت شعرها و لبست سلبر و توجهوا لخيمه الحريم و لقوا جميع الحريم موجودين
ام حسن تأشر على غلا و جوري : ما شاء الله من ذول 
الجده جواهر : ذول حفيداتي عيال خالد و كوثر
ام حسن : ذي ام وردي الكبيره
ام سعد : لا بنتي الكبيره جوري بعدها غلا اصغرهم
ام حسن : يا حلوهم
و جلست طول الفتره تناضر بغلا
ام ضيدان : اقولك يا ام حسن ليه ما جبتي البنات
ام حسن : والله البنات عندهم اختبارات و اليوم مداومين تعبانات
قامت احلام تقهويهم 
ام حسن : ماشاءالله احلام كم عمرك الحين
احلام بخجل توزع الحلا : عمري ٢١ يا خاله
ام حسن : كبرتي و حلويتي
احلام : مشكوره يا خاله
راحت احلام و جلست جمب البنات
غلا : ماشاءالله ام حسن لفت علينا كلنا
احلام : وترتني
جوري : شوفو نضراتها
غلا : قطيعه توتر