انجبرت على الغلا و هويتها

p9

بسم الله الرحمن الرحيم

مسكت اكياسها  الاربعه الكبار و اخذهم ضيدان منها طلعت و الابتسامه شوي و تشق وجهها  و كل انضار البنات و الشباب عليها غيره تعجب اندهاش من جمالها
لف ضيدان عليها بعد ما شاف نضرات العيال عليها : امشي قدامي
غلا : وين امشي ماادل
ضيدان رفع حاجبه بتعجب : وش ما ادل ذي
غلا : ما اعرف وين اروح
ضيدان : امشي قدام و روحي يمين
بعد ساعات انتهت غلا و هي ملانه كانت تسوي كل شي دون نفس مافي شي عاجبها بس تمشي معه مو قادره تستوعب انها بتعيش مع ذا الانسان
رجعوا للبيت نزلت غلا بنملل
جوري : اول مره اشوف غلا ماسكه جياس ديور و مو مستانسه
احلام : الدلع تعرفين وشلون صاير
غلا : ماشاءالله دمكم خفيف
ام غلا : شريتي كل اللي تبنيه
غلا حطت الكياس و جلست بتملل : ايه
< تسريع بسيط >
مرت الايام بسرعه و هم يجهزون و محيوسين و غلا كانت دايم جالسه و ماتسوي شي و مالها نفس
بيوم العرس
صحوا البنات ابكر من كل يوم ماعدا غلا
جوري : غلا قومي
غلا صرخت : بناام
احلام : مجنونه انتي اخلصي قومي
غلا قامت و هي متنرفزه : انزين انزين قمت
قامت و توجهت للحمام تاخذ شاور سريع و تطلع تلبس بليزر اسود و مريومه و نزلت تشوف الكل متجمع يتفطر ماعدا ضيدان : يالله بنات
ام غلا : حنا بنلحقكم مع سعد
غلا : تمام امشوا
مشوا البنات معها و ركبت جوري قدام و احلام ورا حبت سيارت غلا : كيوت سيارتك ورديه
غلا: ايه احب الوردي
خذوا كوفي و مشوا للصالون و نزلوا
دخلوا بدأت غلا بالشعر
جوري بدأت باضافرها
و احلام كانت واقفه فوق راس الموضفه اللي تسوي شعر غلا : حبيبتي ماما ما تشوفين من هني مو مستشور عدل تراها عروس
الموضفه انجنت من احلام : طيب طيب
ضحكت غلا : ترا حتى اختي جوري ما سوت اللي تسونيه
ضحكوا البنات بخفه

( البيت )
بعد ما تجمعوا الامهات نادوا لسعد ياخذهم للصالون يتجهزون
بالسياره
ام ضيدان : الا يا سعد وش تشتغل انت
سعد ابتسم : محامي
ام ضيدان : ما شاء الله لقيت لك وضيفه ولا
سعد : للحين ما لقيت بالسعوديه اذا لقيت طبعاً راح اقدم على طول
الجده تهاني : ما شاء الله عليك يا سعد كبرت و صرت رجال و محامي

( الليل - عرس ضيدان على غلا )
كانوا الكل بالصاله يتجهزون و يرتبون و بانتضار المصوره من بعدها الضيوف
ام ضيدان : يا غلا يالله انزلي لتحت لجل المصوره
غلا : يا خاله ماابغا تصوير
ام ضيدان شهقت : وليه ما تبين تورين عيالك صورك
غلا همست : هذا اذا ما تطلقت منه اول اسبوع
احلام سمعتها و ضربتها بخفه
اشكال البنات :
غلا العروسه : لبست فستان مخصره طويل بدون اي نفشه يبين تدرجات جسمها و جمال و رقته و انوثته و رفعت شعرها كعكة سلك و تركت خصلتين من قدام و طرحه ساده على شعرها بنفس لون الفستان و مسكه بالون الابيض عليها شريط كشكل فيونكه و كعب شفاف مكياج يناسب ملامحها و بنفس الوقت خفيف كان شكلها روعههه
جوري اخت العروس : كانت لابسه فستان وردي منفوش و من فوق مفتوح دون اكمام و فيه ورود من فوق و من تحت ساده مع حقيبه شانيل الورديه و تركت شعرها مفتوح ستريت
احلام اخت المعرس : لبست فستان زيتي ضيق طويل و في اكتاف طايحه و مفتوح من جهت الصدر و صاير مموج من تحت و رفعت شعرها كعكة سلك و مع حلق كبير و ميك اب ناعم و قلوي
نزلت غلا بشويش رفض ضيدان فكره الفرست لوك و هي بعد
نزلت بعد اصرار الجميع و بدأت زفتها لتصوير دخل ضيدان بعدها و هو منفس و مو منتبه لها ولا معطيها ولو شويه وجه
المصوره : ابيك تمسك يدها ترفعها قدام الكاميرا
تنهد ضيدان بضيق يدخل يده بيدها يرفعها امام الكاميرا
توترت من لمسها تكره تكره لمسته تكره قربه شكله ريحته تكره كل شي فيه ما تتحمله
بعد مده من التصوير خرج ضيدان يتوجه لمجلس الرجال و يبدأ العرضه