انجبرت على الغلا و هويتها

p8

بسم الله الرحمن الرحييم

( مجلس الحريم )
غلا : والله ما اوقع
ام سعد : تكفى يا غلا تكفى
الجده جواهر : لا تفشلينا
ام ضيدان لولشت بمعنى ان دخل ضيدان للمجلس الفارغ من الناس و الزينه
ضيدان كان جالس و امه و جدته واقفين يلولشون بفرح انه اخذ غلا
غلا كان يدفونها : ماابي ماابي
ام سعد : ابوك وقع بدالك امشي لرجال يلبسك
غلا صرخت : يماا ماابي قلت لج مستحييل
ام سعد : امشي الله يخليج لا تفشلينا تكفى
غلا هدت شوي قررت تطلع يلبسها و ترجع اول ما تشوف ابوها تقول له انها مو موافقه و اكيد بيتركون
طلعت غلا وراها امها و احلام يدفونها لجل تمشي
رفع نضره ضيدان لأول مره يشوفها و يركز بملامحها و بجسمها و فيها هي شافها كيف معصبه و منفسه و الدمعه على طرف عينها و امها تدفها
وقفت ام ضيدان تلولش : مبروك مبروك حمدالله انك خذيتها و ما خذيت ذيك حمدالله
غلا نزلت دمعتها تمسحها فهم ضيدان انها نفس الوضع
ام ضيدان سلمت الشبكه لضيدان و مسك ضيدان عقد الالماس الضخم اللي ما حلى الا على نحرها شالت ام ضيدان شعر غلا اللي كانت جسد دون روح قام ضيدان يقترب لها و يشتم ريحت عطرها تجاهل كل الجمال و الريحه المغريه بالنسبه له و لبسها العقد يقترب لها و يهمس : ولا انا باغيك و مغصوب
غلا رفعت نضرها لأول مره تحط عينها بعينه
ابتعدت عنه بعد ما لبسها الخاتم تمشي لفوق وسط نضرات امها اللي انحرجت من حركتها
ضيدان قام يتوجه للمجلس دخل شاف الرجال يتعشون تركهم يصعد لغرفته يغير لبسه و ياخذ شاور يفكر بهاليوم الكئيب و كيف انجبرت بنت مالها ذنب عليه و هو انجبر عليها و طلع يلبس بجامته و يجلس يطقطق على جواله
غلا كانت بغرفتها تبكي و منهاره تفكر كثير

( بعد انتهاء الملكة و فضى البيت من الناس )
طلب الجد عساف و حمد حضور غلا و ضيدان بروحهم بدون احد
دخل ضيدان اول شي منفس : عاجبكم اللي صار
الجد عساف : ولد !! لسانك
دخلت غلا بعدهم بيدها كلينكس و ملامح وجهها محمره من كثر البكي
غلا بغضب و بكاء : هذا الزواج ما بيصير و انا مو موافقه ولا ابيه ماابيه جدي توني ما تخرجت من الثنوي
ضيدان قام : ولاني باغيك 
الجد حمد : تبون وجهينا تطيح بالارض وش نقول للعالم البنت خطبناها لضيدان كنسلو اليوم وش نقول للناس المعزومه ها وش نقول
الحد عساف : و اصلاً جلسنا انا و جدك و فكرنا انه هو اولى فيك و نثق فيه
و نثق فيك
غلا بصراخ : شنو يعني بتزوجوني اياه الناس و راحت تقدرون تكنسلون تشوفون له شيفه ثانيه ياخذها
الجد حمد : بنت لا يكثر ولد عمك و انقذك من عمر و الحين انتي رجعي له الجميل تبينه ينفضح يقولون الناس الولده فيه عيب مجنون عشان كذا كنسلوا
غلا : ماابيههه
الجد حمد صرخ لأول مره على غلا : بنت زواجك بعد اسبوعين و تصرفي انتي بتتزوجينه هو اولى فيك
ضيدان : يا جد انا مو موافق ولا هي
قاموا الجد حمد و عساف بمعنى انتهى النقاش
وقفت غلا بصدمه من صرخت جدها عليها تحس بأختلاط مشاعر الخوف و الزعل و الضيق و الغضب و الصدمه
ضيدان طلع بعدهم على طول لغرفته يحط راسه و ينام
غلا صعدت لغرفتها وسط نضرات البنات اللي قرروا يعطونها مساحتها الخاصه و ما يتكلمون 
غلا لفت و انفجرت : بنات تكفى ساعدوني
نقزو البنات من تكلمت خوفا  من تنفجر عليهم و تطلع حرتها 
جوري : حبيبي غلا انا اختك الكبيره و اسمعي مني انتي الحين زوجته خلاص تزوجك و هذا النصيب يمكن ربي كاتب انك تكونين من نصيبه يمكن الجازي كانت بتسوي لنا مشاكل و تخرب بينه و بين اهله
غلا بزعل : بس ليه انا ليه
جوري : حبي والله خيره خيره ربي اللي كاتبه بيصير
احلام : غلا اخوي و اعرفه هو شديد و عصبي لاكن اذا طنشتيه او ما عصيتيه او عانتيه ماهو مصرخ عليك
غلا : مستحيل مستحيل بنات مااقدر والله ماابيه يا بنات انا ما تمنيت اتزوج نفس جذي مااحد اخذ رايي ولا سويت مجلة نفس البشر مستحيل
احلام : طيب خلي العرس انتي سوي اللي تبينه و شهر شهرين تطلقي منه و محد بيكلمك
غلا : اتطلقك و انا عمري ١٨ تستهبليين اخرب مستقبلي و حياتي عشان الزفت اللي برا
احلام : تصبري يا غلا والله لو ما انهم خايفين من الفضيه ما زوجوكم بسرعه ولا الزفت الجازي كنسلت بيوم الملكة ماعليك كم شهر و تطلقوا و تزوجي اللي تبينه تراك مو اول وحده تتزوج بعد طلاقها عادي
غلا مسحت مكياجها و هي تفكر و تتخيل حياتها معاه و حطت راسها و نامت