♡The Jingle of Doom♡ 《جلجلة الشؤم" 《بالدريجة المغربية "

🎷 الحلقة:التاسعة🎷..

∆°°°🎷ثروى بدم ساخن وقلم ساحر،🎷°°°∆

∆°°°🎷قالت:قدرها شبيه بلدغة الأفعى المجلجلة 🎷 °°°∆

فهد اللحظة تفتح باب الغرفة هزات عينيها بان ليها نفس الرجل وقفت خدات منديل كتكفكف دموعها به وانطقت

سراب: مرحبا اسيدي

مسعود كيشوف فيها بنظرات تساؤل كيحاول يقرا عيونها لي هازين حمل كبير وثقل فوق المستطاع وكذلك حزن بين من اللمعة لي على عينها انطق

مسعود: جيت كنقلب عليك قالو ليا كنت مريضة ميكون عندك بأس

سراب: شكرا لك اسيدي خبرتني الموضفة لي على برا  شنو بغتي مساج ولا تكسلات ولا...

قاطعها فاللحظة الأخيرة وانطق

مسعود: مبغيت حتى وحدة فهم بغيت ندوي معاك على برا إلى كان ممكن

سراب مستغربة شنو ايقولها ؟

سراب: دبا منقدرش محيت عندي خدمة

مسعود: شوفي انخلص لهم هد الليلة بكونك اتكوني محجوزة من طرفي

حركت سراب رأسها بايجاب مع حيرة من أمرها فشنو بغا يهضر معها يكون بغا يقضي معها ليلة زعمة فكرها مشتت

خرجت سراب كان سابقها هضر مع موضفة الاستقبال عطها مبلغ ب800درهم وخرجو

فتح ليها باب السيارة شافت فيه وانطقت

سراب: ممكن تقولي  اسيدي فين غادين وشنو الموضوع؟

مسعود: ركبي من بعد تعرفي متخافيش  ميمشيش بالك بعيد كون باغي شي حاجة كن طلبتها منك هنا

ركبت سراب هي واخا موضفة فهد مكان العاهر، عمرها ركبت مع شي واحد من غير حكيم لي خدلها وفضل يثيق المواقع ولا يثيقها

مسافة ديال طريق كانت طويلة حتى وقف قدام واحد المطعم كبير ومن الكارد لي واقفين قدامو باين بلي فخم وماشي اي مطعم ...دخلو سابق تابعاه من لور في حيرة من أمرها جلس فالطابلة وجلست حتى هي  اوفاص معاه طلب من سرباي يجيب لهم العشاء حدد ليه المأكولات لي بغا وكل شي يكون مناسب

سراب فيها الفضول انطقت

سراب: ممكن تقوليا علاش جينا الهنا اسيدي ؟

مسعود شبك ايديه مع بعضياتهم ركز نظرو فيها وانطق

مسعود: سمتي مسعود هذي اول حاجه انا جيت انقترح عليك واحد الاقتراح إلى عجبك طبعا محيت لمست فيك البراءة شي حاجة خلاتني نتخد هد الخطوة شي حاجة قالت ليا خرج هد البنت من هد المستنقع المنحط

سراب: مفهمتش شنو كتعني بكلامك...

مسعود كيحاول يبسط ليها ويشرح ليها كثر

مسعود: واش تقبلي تزوجي بيا

سراب حسات بصدمة ومن هول الصدمة طلقت واحد الضحكة غير متوقعة لدرجة الكل نتبه ليها وبداو كيشوفو فيها، أكيد اي واحد اتجيه غريبة يكون وسط مستنقع بحال هذا شوية يجي شخص مكيعرفك لا من قريب ولا من بعيد ولا شكون ولا منين يطلب منك زواج
انطقت سراب بعد ما رجعت ضحكتها لدموع وشي لي خلا مسعود يستغرب

سراب: زواج!!! قلتي زواج؟ اممم نفس شي قال لو ليا  قبل مندخل لهد العالم المسخ  كنت بقا بريئة مكنعرف لا كفاش نستغل ولا يستغلوني كانت ريحتي طيبة وكنت بريئة من كل صبغة من صبغيات من كل التهم وبالاخير تخدلت فقط محيت غيري غلط غلطة بحقي ومعارفاش شكون ولا كفاش ولا منين تكرفصت تشردت فالاخير تجي تقوليا زواج بمن اتزوج بوحدة مبقا من نقوتها غير المظهر الخارجي امممم شنو بغي بالضبط شنو متقولش ليا زواج محيت فقدت ثقة فالزواج

وبالنسبة ليا هد الكلمة غير مزيفة كل واحد فاش كيبغي يوصل لشئ حاجة معينة كيدخلك بزواج

وقفت خطت خطوة غادية حتى شد فيديها موقفها

مسعود: مطلبتش منك تمشي بقي مكملت كلامي هذا تقليل احترام رجعي

شافت فيه مطولة الشوفة  فيه نطرت أيدها منو بمهل ورجعت لكرسيها بكل هدوء انطقت

سراب: هاني كنسمع ليك شنو باقي مقلتي ليا

مسعود: نتمنى تسمعي حتى الأخير ومتقطعني اكي (حركت رأسها باكي) شوفي اكيد اتجيك غريبة وتساؤلات كثييرة فراسك علاش انت بالضبط لكن ثقي بيا انا براسي معارف علاش من غير الاحساس لي حسيتو من جهتك شفت حزن كبير فعينك شفت بلي انت مختلفة بغيت نخرجك من هد البلاصة المسخة عتبري بلي ربي لي حطني فطريقك

سراب: واش كتشفق عليا انا ممحتاجاش شفقة ديال حتى واحد قادة براسي اسيدي

مسعود : ثقاي الله علاش لبغا يتزوج كيكون ايشفق على لي بغها تقدري تكوني تلقتي بناس ممزيانين وكرهوك فكل شئ وخلوك تفقدي الثقة لكن هذا مكيعنيش أن الناس المزيانين نعدمو فهمتي

سراب: صراحة هادشي مكيدخلش ليا لراسي علاش انا بالضبط شنو السبب لي خلاك تختارني

مسعود: قلت لك ربي حطني فطريقك معندي حتى دافع اخور وكاين واحد حاجة أخرى أنا رجل ديجا كنت متزوج ولكن وقعو ليا شي أمور إلى فكرتي وافقتي انحكي لك القصة 

فهد اللحظة وصل السرباي جاب الاطباق لي طلب مسعود في ناقلة قاد المأكولات على الطابلة سول مسعود واش محتاج شي حاجة هد الأخير لي شكروا انصرف السرباي ..رجع مسعود يكمل كلامو

مسعود: شوفي خودي راحتك فكري مع راسك ولي ناسبك خبرني به عندي شرط واحد

سراب: شنو هو شرطك ؟

مسعود: كنتمنى يناسبك شرطي بغيت تلتزمي يعني تبرج ممنوع اتلبسي حجاب ديالك بالطريقة لي بغتي شرط يكون لباس محترم

بقات سراب شحال كتشوف فيه مني ذكر ليها الالتزام كبحالة بدأت كتسلل لقلبها قطرات الأمل الصغيرة انطقت

سراب: غادي نفكر وخا معرفت هدشي جاني غريب بزاف زعما واش بنات تقاضاو حتى شفت بنت السبامكس مافهمت والو

مسعود: قضية ماشي بنت سبامكس ولا بنت دارهم قضية كتعلق بالراحة النفسية  تفضلي نتعشاو

بداو كيكلو في صمت دام دقاق شبه طويلة سلو الاكل ناضو حط مسعود الفلوس وخرج ...ركب فسيارتو ركبت حتى هي عطاتو عنوان ديال دار باش يوصلها مسافة طريق وقف بسيارتو قدام المبنى  يلاه اتنزل وهو يمد لها كارت فزيت ديالو

مسعود: نتمنى تفكري مزيان فالموضوع

حركت رأسها نزلت من سيارة دخلت لدار من بعد كمل طريقو ...
يتبع....