الـَراعّب (وصٌي الخإصْ)

البارت ١١

{اذكرو الحبيب محمد باصلى}
بقلمي : زينب حسن

📍حبايبي لا تنسون التصويت ⭐️
📍ومتابعة حسابي➕ Zainab-Hs
📍وتعليقاتكم الحلوة بين الفقرات 💬

Instagram: zai_h00
Telegram: zainabha9

---------------)*(----------------
أمل:: الووو

موسى:: أمل !

أمل:: يي عيني ؛ شنو ماسح رقمي لو ناسي صوتي

موسى:: أمل ضبي خواتج زين لا اني اعرف شلون اتصرف وياهن

- صدمني شنو خواتج شنو هل أسلوب والنبرة هاي

أمل:: خواتي ليش يمة تبريت منهن لو شنو

موسى:: يييي متبري منجن ما منجن بس المشاكل

أمل:: وهسة مخابرني شتريد شمسويات خواتي على گولتك

موسى:: جنان شايفة فاتن بعرس ابن ابو سالم ومسمعتهة حجي ومضوجتهة لا عبالجن يوسف وأصلجن وشديتن ضهرجن بي ترة بس نرجع نتحاجة ما يشوف وجوهجن

أمل:: خايب ما اگلك غير شغلة وحدة همدة الحض الخلاك من ولد إسماعيل أبوي الزلمة الحيد الكل الناس تهابة وتحترمة وتحبة ما اخذت خصلة منة تاليهة تصير مثل النسوان تنقل حجي وتعارك على مود خاطر فاتن الحية

موسى:: ستتجن ترحن فدوة الشحاطت فاتن

- احس گلبي فار فور من حجايتة ااااااخ اني وخواتي اروح فدوة الشحاطت فاتن ولك اني الجنت اشيلك واسبحك هيج تحاجيني

أمل:: ولك يالعار يالاغم يا ما بيك خيررر انيي هيج تحاجيني ولك انتة وفاتن وخلفنك وعشيرتك كلهةةة تروح فدوة للتراب النمشي عليه اني وخواتي

- حجيت بحرگة وصياح وهوة صار يفشر فشار ما يلبس عليه ثوب واني ما سكتتلة كافي ضالة اخليلة اعذار واگول الروحي لا فترة ويرجع الوعية بس مبين أخوي نغسل دماغة وفعلن اطبقت علينة اني وخواتي مقولة الأخ اخو مرتة ويدافعلهة ولا كان احنة من لحمة ودمة

- ما حسيت إلى التلفون نسحب مني وسدة

مصطفى:: صدك تحجين أمل شكو تردين علي رحمة المحمد يعني شوفي روحج وجهج ازرگ وكوة تتنفسين هسة يرتفع ضغطج من عرفتي موسى اسدة بوجهة صوتج من باب الشارع سمعتة

أمل... ما تحملت نفجرت ابجي بصوت مسموع مثل الميتلهة ميت اااخ يا يمة تشوفين حالي شوفي ابنج شسوة بحالي يمةة

- خطية ضل مصطفى يهدي بية ويقيس ضغطي ويفشر على موسى وبنتي تعصرلي ليمون

مصطفى:: يابة ضغطج معلگ لو صارلج شي ربحي بموسى خلفتج شلون بيهم أمل اذكري رابج يمعودة

أمل... مهضومة وما ادري المنو احجي صح مصطفى وياية بس الرجال ما ينحجيلة هل حجي شگول اخوي كسرني ويكولي ترحين فدوة الشحاطت مرتي الرجال يعير بعد كم يوم لو صارت مشكلة ما يعيرني باخوي الشفية