الـَراعّب (وصٌي الخإصْ)

البارت ١٧

{اذكرو الحبيب محمد باصلى}
بقلمي : زينب حسن

📍حبايبي لا تنسون التصويت ⭐️
📍ومتابعة حسابي➕ Zainab-Hs
📍وتعليقاتكم الحلوة بين الفقرات 💬

Instagram: zai_h00
Telegram: zainabha9

---------------)*(----------------
راعب... سحر حتة الطفلة ما سلمت من اديجن يا كحا**ب اااخ لو اعرف منو منهن بالضبط

- سيد وضح اكثر هسة هاذا حجيك شنو افهم منة سحر وموت وضح وضحح

ونسة:: اعصابك يمة اعصابك

السيد:: ابني اني ما كدرت أكمل شفت حالتهة شلون لازم استضيفهة فترة ابيتي المتواضع

راعب:: ما تضل مال شنو أخليهة يمك

ونسة:: سيد فدوة العينك أنة هسة احاجي ؛ الزلمة متفهم طلع وعافنة

- يمة انتة ما شفت حالهة شلون تسودنت خليهة يم السيد وأنة اضل وياهة وأنت اخذ اخيتك ورد للبيت شلون تضل هنا الرجال عندة نسوان وأنت زلمة غريب

راعب:: ما اعوفهة انتي وين تكدريلهة لا ترحين تأذينهة

ونسة:: يااااا ولك أنة أذيهة لو خاف على امك تروح اطگني جنهة غولة

راعب:: غولة شوفي شلون كاضية ضالة هيكل

ونسة:: ومن يكضهة بليس أنت وعشرة مثلك ما يكدرولهة

راعب:: اروح اودي جمانة واشوف أبوي مخابرني خل يرجع يم جمانه لو يضل وية ام خليل الله يخليهة آلة

ونسة:: يضل ابوك

راعب:: يي يي

- جر حسرة وگام اااخ الله يهديك ويلين گلبك أعاين لهل بت النايمة جنهة ميتة كعدت وخليت ايدي على راسهة اقرة ايات قرأنية

جمانه... رجعنة بس راعب يسوق وجهة ما يتفسر عيونة مليانة قهر وتعب اردفت

- يابة شبيك ؟

راعب:: تعبان روحي مشتعلة شعل

جمانه:: شلونهة حواء

راعب:: مو زينة ابد ادعيلهة

جمانه:: السيد شنو كال

راعب:: يگلي الحل يطول لو طال تموت شسوي بروحي لو صارلهة شي دگلي من وراك

جمانه:: لا ولله تلكاهة ما تقصدت هيج تحجي هية متعلقة بيك

راعب:: حتة لو ما تقصدت أنة اعرف كلشي بسببي جبتهة وخليتهة بينهن وغطيت وين جان عقلييي

- جفلت على صوتة صار يضرب الستيرن بقوة يريد يفرغ حرگة گلبة ولله لو يعرف منو السوت بيهة هيج آلة ياكل من لحمهة وصلنة

- دخلت للبيت اشوفة يفتر بالطرمة يخابر ويحجي بحرگة خفت اطلع اسمع شوية ودخل ربع ساعة اجة ابوية