الـَراعّب (وصٌي الخإصْ)

البارت٥

{اذكرو الحبيب محمد باصلى}
بقلمي : زينب حسن

📍حبايبي لا تنسون التصويت ⭐️
📍ومتابعة حسابي➕ Zainab-Hs
📍وتعليقاتكم الحلوة بين الفقرات 💬

Instagram: zai_h00
Telegram: zainabha9

---------------)*(----------------
قمر... رجعو من الدفنة وخلصت ايام الفاتحة جانن ايام صعبة هواي ناس أجوي بابا معروف بالمنطقة كل الناس نصدمو من خبر موتة وخاصة الطريقة المات بيهة مقتول

-حواء تركت الاكل وحتة مي ما تشرب ضل احمد يعبرلنة مغذيات لان البيت بس للنسوان وسجى تشدلهة المغذي بس ما يفيد كل ما توكف توكع

حواء... فرغ البيت علية ضليت اني وامي مثل الاشباح ما بية حيل اكون وامي ضغطهة ما ينزل البنات ما قصرن وخالة ام احمد حايرة بية بالمستشفيات هية وأحمد قضيت ايامي نوم كل ما انام واكعد احس بروحي بكابوس وابوية بعدة عدل ويمي

ام احمد:: ماما حبيبتي كومي اكلي مو صفيتي جلد وعضم الخاطر ابوج هسة هوة يشوفج لا تقهرينة وهوة بعيد عنج

قمر:: حواء فدوة الخاطري عليج الله تردين تعوفيني وحدي

حواء... مقدرة خوفهم علية بس مو بيدي احس نار بصدري ما تقبل تطفة والغصة البلعمومي ما تخليني ألمي أشربة

احمد:: يلة أم الكمل اكعدي صرتي جنج صميغل

حواء... كعدت اكل بس خاشوكة الشوربة ما تنبع وياية

-رجعت نامت حياتهة كلهة نوم اني رجعت إداوم وأحمد اخذ شهادة الوفاة مال بابا طارق وسوالهة إجازة ضالة لأزمة الأرنوبة الجابهة ابوهة آلهة من جانت طفلة ما تعوفهة وتسولف وياهة

ام احمد:: يمة خاف البنية صار بعقلهة شي  مرات اشوفهة تسولف وحدهة وتضحك لو تبجي

ريحانة:: اني صرت اخاف منها ولله نوب شكلهة صار يخوف

قمر:: لعددد محد جابرج تجين بعدين حقهة يصير بيهة هيج راح اكثر شخص تحبة

ريحانة:: الوكية مالتهة انتي

احمد:: ششش ترة هسة اموتجن ما تستحن حرف ما اسمع

حواء... جابتلي قمر تلفوني وسويت روحي نايمة الحد ما راحت لان ما يخلوني ابجي وافرغ وجع گلبي فتحت تلفوني طلعت صوري ويا بابا وكعداتنة وعصرونياتنة اليحبهة

حواء:: يا روحي بعد وين اشوفك يعني بعد ماكو كعدات وسوالف وياك بعد منو يدعيلي ويضحك على درجاتي

حواء... طلعت من غرفتي رحت لغرفة بابا إمي كامت ما تنام بغرفة ثانية يمكن ما تتحمل تضل بالغرفة وحدهة بس اني اريد ابقة بين غراضة وعطرة

حواء... تمددت على الجرباية وحضنت مختة بيهة ريحتة الطيبة عيوني ما تبطل بجي عفية دموع ما تخلص واني اتصفح موبايلي طلعت قصيدة للرادود باسم الكربلائي ما تحملت صرت ابجي بدون ما احس على روحي واحس كلبي من سرعت ضربتة احسة يرجف