الـَراعّب (وصٌي الخإصْ)

البارت ١٩

{اذكرو الحبيب محمد باصلى}
بقلمي : زينب حسن

📍حبايبي لا تنسون التصويت ⭐️
📍ومتابعة حسابي➕ Zainab-Hs
📍وتعليقاتكم الحلوة بين الفقرات 💬

Instagram: zai_h00
Telegram: zainabha9

---------------)*(----------------
قمر:: ح حواء باعي لا تسوين هيج تعاي ننزل تقبلين ابقة وحدي حبابة لا تسوين هيج

- واكفة على ستارة السطح ومنطيتني ضهرهة ولا عبالك احجي وياهة احس لساني لزگ على لهاتي من الخوف والرهبة

قمر:: بروح بابا طارق انزلي حواء اذا بابا شافج هيج يزعل تقبلين تقهرينة

- كل جسمي يرجف ما ادري منين جبت الشجاعة احاجيهة وهية هيج

- ركض قدس ورى احمد دخلو بسرعة وراعب متصنم بمكانة ويباوعلهة

حيدره:: راعب باااوع ما تموت بس لا ترجع لذيج النقطة

- اهز بي الرجال مثل الحجر ماكو لا حس ولا نفس بس يباوعلهة شهگ بقوة وهوة يشوفهة شمرت روحهة بدون خوف أو تردد

راعب... نفس الموقف ونفس الشعور الفرق تغير موقعي شكد ما مشة بية قطار الحياة يرجع ينزلني بنفس المحطة

- اااااخ ااااخ من الموقف اليجمد جسمك تجمدت وما كدرت اوصللهة بالوقت الصح وهم راح تفارگني

-ليش ما رحمتني دنيتي من ولدت لحد هل يوم الف لجة لجمتني ومستمرة تعلعل بحالي

قمر... ما حسيت بي شلون خطف من يمي لا حسيت بخطواتة سريع ودقيق بركضتة اتجاهة

- صرخت بصدمة من شمرت نفسهة حسيت روحي بحلم مو واقع جانت اصعب دقايق مرت علية بكل حياتي

قمر... بنفس الحضة كمز باتجاهة كل ضني راح يوكع وياهة

قدس... ما جان عندي وقت افكر ليش وشنو وشلون ركضت وبراسي نضرت راعب الرجفت كلبي ما اريد يرجع لوضعة

- او بالآحرة كل همي جان تعيش بعد ما شايفة حلاوة الحياة بس مرهة اذا اكو بهل حياة شي حلو

-وية ما وصلت السطح شفتهة توكع ركضت بأمل الزمهة وما خاب أملي لزمت ايدهة بقوة صار كل جزئي العلوي نازل من ستارة السطح وياهة

احمد:: الزمهةةةةة زين

قمر... اخو جمانة الثاني مجلب بيهة كل جسمهة متأرجح جوة وهوة نص جسمة وياهة وأحمد مجلب بحزام الولد

قدس... ما صدمني غير نضرتهة إلي عيونهة مفتوحة على مصرعهن من شدة توسع بؤبؤ عينهة ما مبين خضار عيونهة بس سواد البؤبؤ مبين

- حسيتهة ما تشوف شخص مثل العابة اليحركونهة عن بعد أو منومة مغناطيسين لان هذا مو شكل انسانة بهيج موقف سحبتهة بقوة

احمد... بس رفعهة شلتهة وخليتهة بارض السطح شنو هذا الموقف العشتة شكد ما اشرح للمقابل يحسة مشهد من فلم اني بنفسي حسيت روحي مو بالواقع