هوس العَاشقين

_ 𝟏𝟎 _

تصويت و مُتابعة لُطفًا .
- هوس العَاشقين
- أيڤار حَمد .

↝↝↝↝↝↝↝↝↝↝

‏أمِس بالليل طيفَك مَر بالعيون
و گعدت و يّاك ساعة و عاتبيتَك
فجأة و راح طيفك !
و فظزّت الروح
گلبت الليل كله و ما لگيتَك ..

﹏ ﹏ ﹏ ﹏ ﹏ ﹏ ﹏ ﹏ ﹏ ﹏

˝ أيلان ˝

- سحبني أبويَّ نطلع برة أسمع حيادر يحجي ..

حيادر : لا يا يُماا گسرتي ضهري بـ روحتچ

أيلان : خلونيي خلوني يَمم أمييي عفية وج يُماا تعاليلييي

أباذُر : أنهارت أعصابي و المُستشفى نگلب من صياح أيلان... أديم اخذها هيَّ و أبويَّ ننجي وراگُم اني و حيادر

أديم : تدلل أخويَّ

أيلان : عوفنييي عوفني ما اريددد اروح اريد اميييي

- أخذوني غَصب عني على بيتنا القديم بس بناء جديد و گُل أغراضة جدد رُغمم هل شيء بس ما جنت فرحانة خسرت اغلى شخص عليَّ مُستحيلل أحد يعوض مكانهاا اني بلاية أمُيي اضيعع ..

- رجعنة للبيت و حالي حالة .. الگُل مِلتم علينا الهوسة و السيارات تارسة شارعنه و لـ أول ما أريد هل هوسة فتت للـ بيت ما بيَّ أي ريحة حنية أسمع البجي و گلماتهن التگطع الگلب عيوني مغورگة أباوع گُلها تبجي هميت خالتي و هيَّ تشهگ

- تعاليي يا يُماا راحت راحت لا تتفقدين

أيلان : حالتي صدمة ما اعرف شنو ارد بس واگفه بـ مكاني أدور أمي ..

- تقربت يم خالتي .. وينها أميي ليش ما اخذتني وياهاا مو تدري بيَّ اخاف من خياليي

لا تبجون هسه تجيي تجي ما تتركنيي .. أحجي لـ حالي مثل المخبلة معقوله هاي هيَّ بعد ما اشوفها؟

- أهخ يا اختيي ما لحگناا نشوفجج

- أسمع حجيهن ينمرد گلبي و اني گاعده بزواية الصالة حاضنة رُوحي

بعد نُص ساعة من الصياح و البجي هوستهم و عقلي المشوش سمعت گُلهاا طلعت و تصيح ' وصلت الچنازة '

- فزيت ارگض يُمااا اعرفج ما تترگيني حتى ما انتبهت لـ حجيهم

وگفت بـ الباب طبوا حيادر و أباذُر و هُما شايلين التابوت و عِيونهم حُمر

طببوها لـ صالة و الگُل أجه يَمها اني بس أباوع دموعي تنزل من حالها

أبويَّ گاعد من جهة راسها حيادر و أباذُر يبجون بـ حياتي ما شايفتهم بـ هل حالة