الدفان

Part 5

﷽

الدفــان
بقلمي: ﻋه‍د كمال

لطفاً لا تنسون التصويت والتعليق بين الفقرات

متابعة للانستا ahed_kamal

______________________

< إيلام >

گاعدة اباوع بالحيطان من الملل وأرسل لوجد بس ماكو ماترد گلت أكيد مرت ابوها عاملة مصيبة وذبتها بوجد
باجر بستفسر منها لانو قلقت عليها مو من عوايدها

انتظرت مرتضى علمود الحلويات بس شكلو نصب عليه وهرب اني لك ولله بس ترجع رح افضحك گدام ابوية وتبوس ايدي علمود ما احجي

مسكت الجوال اقلب بالمسلسلات واكثر فقرة اكرها هي اختيار المسلسل بحتار واني التصنيف الي احبو اكشن

وبس اباوع على اكشن بنص المسلسل يصيبني جفاف واريد اباوع على رومنسي وكوميدي وبعوف المسلسل الاول وما بكمله وبس اباوع على الثاني بيصيبني ملل من الاحداث وبالاخير بعوف كل المسلسلات وبروح اقرا رواية وبندمج بيها بسرعة

حبيت اعمل اجواء واكل وهو اني اصلا جعت گمت عالمطبخ اجيب النساتل الي مخبيتهم بعلبة الادوية علمود مرتضى ما ياكلهم لان اعرفه اذا شاف اي شي گدامه ياكله اخذتهم وجيت ارجع عالغرفة

سمعت صوت طكطكة برا بالحوش گلت يمكن البزونة جاية تعمل حركات وبركات ورومنسيات للعتوي مالتها

بس زاد الصوت وسمعت صوت ضحك گلت عزا اكيد سحلت گلب العتوي وحبها رحت اباوع من الجامة لگيت مرتضى وهشام ابن خالتي گاعدين ويتمضحكوا ويسولفون واني مثل الثولة انتظر بيه للحيوان

شفت هشام گاعد يدخن ومرتضى يسولف بعديها مرتضى اخذ السيجارة الي بيد هشام وسحب منها ودخن اني ابتسمت ابتسامة شريرة وعليت صوتي علمود يسمعني

-إيلام: اسحبببب

لمن سمعني مرتضى ابتسم ابتسامة خفيفة ولف وجهو عني وعمل نفسو ديخابر وهشام فرط من الضحك عليه لان خاف اگول لبوية

لان ابوية مانع اخواني من التدخين حتى لو كبار بس مانعهم من هالشي اما هشام عادي يدخن

واني انبسطت لانو مسكت عليه شغلة وحذلوا بيها لمدة سنة واكسب اكل من وراه

.....

ضربت وجهي الشمس وصوت العصافير دگ مسامعي

تمغطت وابتسمت ابتسامة خفيفة مسكت الجوال اباوع للساعة

-عزااااا تأخرت واني مثل الثولة ليه ساعة اقلد الاتراك