الدفان

Part 8

﷽

الدفــان
بقلمي: ﻋه‍د كمال

لطفاً لا تنسون التصويت والتعليق بين الفقرات

متابعة للانستا ahed_kamal

متابعة للحساب ahed_kamal

________________________

وابتعدنه بعيد لاجن طيفهم ضل يعتنينه

ضلت حجاياتهم علبال ما جلمه نسينه

-كاظم اسماعيل الگاطع

________________________

< إيلام > 

جنت اخابر نيار ونحجي ونضحك تذكرت وجد او بالاصل هي على طول بفكري جنه نضحك رغم تعبها وما كانت تحب احد يعطف عليها ويشفق على حالتها وتعرضها للضرب شحالها هسه شگاعدة تسوي ووين هيه وشنو سبب اختفائها

تذكرت مره جنه فاتحين كام ونضحك ونسولف وهيه تضحك من كل گلبها والجروح مستحلة جسدها
ولمن اباوعلها واصفن على الاثار بسرعة تضمهن وتخزرني وتگول

- گلتلج الف مره لتباوعي هيج لتصيرين مثلهم

إيلام:: ليش

-لان نظرتج هاي جاي تعذبني وتذلني ولتصيرين مثل الغريب

إيلام:: ليش

-لان ماحب نظرة الشفقة بعيونهم

شفتها تعصبت حيلل حاولت اغير الموضوع وما اجرحها بالزايد وگلتلها

إيلام:: شلونها وياج الحية

وجد:: مثل السمممممم نة والخررررر دل

ضحكت حيللل على طريقة كلامها واني بس اضحك الكل يلتم على ضحكتي تگول بمسح الجام وبشخر

فجأه دخل على غرفتها ابوها وكان ماسك حزام ولافه بيده ومتعصب وهيه لمن شافته هيج تفشلت من الموقف وستحت مني وجانت تريد تقفل الجهاز

بس مالحگت ووگع الجهاز منها على اثر ضربة من والدها على يدها واسمع صراخها وابجي صعبب الموقف

انقهرت عليها حيلل وصراخها بقى مطبوع بذاكرتي وماكان بيدي شي اسويه وهو يضرب بيها مثل المجرم المجنون ولا كأن ابوها وهاي بنته هالگد حامل حقد على بنته المفروض يحتويها  بس هو شجاي يسوي يضربها ضربات الرجال ما يستحمل لعد شلون هيه بنية وجسمها هزيل وترفة