' 𝖺𝖽𝗈𝗋𝖺𝖻𝗅𝖾 𝗋𝗂𝗈𝗍 '

'★'

.

.

.

.ریــــوون.

وامزانی من بەهێزم
گەر سارد بوومایە واتای هێز بوو
خۆمم ئەدزیەوە لە راستیەکان
بۆیە بێدەنگ ئەبووم بۆ کێشەکانم
ئەمەش وای ئەکرد دوور بکەومەوە لە هەڵگرتنی بەپرسیارێتی
کە یەکەم ئەرکی بوون بە مرۆڤە

دەربڕینی هەستەکان هێزێکە کە من نیمە
وامئەزانی بە دەرنەبرینی هەستەکان من بەهێز ئەبم
گەر ڕای خۆم دەرنەبڕم من ڕۆشنبیر ئەبم
من لاوازبووم ...
ئەوە ئەو شێوازەبوو کە خۆمم پێی ڕاهێنا
ووتم کەسایەتیم ئەدۆزمەوە ڕۆژێک
چونکە گەنجم هێزی زیاترم هەیە ..
وامزانی کاتم هەیە تا خۆم بە شتی لابەلاوە تەرخان بکەم
کۆڵم نەدا بۆ ئەم بیرکردنەوانەم
تاوەکو بگریم هەوڵمدا

لە کۆتایدا هەموو ئەوەی کۆمکردەوە لاوازی بوو
تەنانەت نەمتوانی بەرامبەر یەک وشە بووەستم کە روبەڕووم ئەکرا
من ترسنۆک بووم ...
ئەمانەی وامئەزانی ڕۆژێک بەهێزم ئەکەن لاوازتریان ئەکردم

ئەبوایە زووتر ڕای خۆم دەرببڕم
ئەبوایە ڕێگریم بکردایە ئەوکاتەی پێویست بوو بیکەم
ئەبوایە کارم لەسەر بنیات نانی خۆم بکردایە چونکە پێم وابوو کاتم هەیە
خۆمم لە یاد ئەکرد

من کچ بووم . ئافرەت بووم بەر لە هەر شتێکی تر

کاتێ توانای بڕیاردانم نەبوو خەڵکانی دەوورووبەرم لە بری ئەوەی
فێرم بکەن چۆن بڕیار بدەم لە جێگای من بڕیاریان ئەدا
لەبەر ئەوەی لاوازبووم لە شوێنی ئەوەی بەهێزم کەن خۆیان بەسەرم ئەسەپاند ، لاوازتریان ئەکردم
لە جێگای ئەوەی هەستەکانم بپارێزن پێیان ووتم لاوازی
'چونکە من ڕژانی فرمێسکمم پێ باشتر بوو لە دڵ شکاندنیان'

من لاواز نیم چوونکە ئەگریم
من بە هەست و سۆزەوە لە دایک بووم
بۆچی پێم ئەڵێن بێ هەستی کاتێک خۆتان هەستەکانمتان لەناوبرد

'بەراووردم ئەکەی بە خەڵکی تر کە هاوشێوەی من ناژین
خۆ من لە پێشبڕکێدانیم لەگەڵیان تاوەکو لێیان ببمەوە'

من جیهانێکی جیاوازم هەیە
کە تۆ قبوڵی ناکەیت چونکە بەسۆزم
حەزم بە خۆشەویستیە هەرچەندێکیش بێ هەست بم
من بەدوای خۆشەویستیدا وێڵم
بەڵام گێل نیم

ئەوانیان برد کاتێ من بینیم
کۆمەڵێک مناڵی بچووک کە ئەتوانرا بە هەستەوە پەرووەردە بکرێن
بەڵام گێژاوی ژیان ئەم مافەی لێ زەووت کردن
ئەوان یان وەک من بێ هەست ئەبن
یان پڕ ئەبن لە ڕق

ئەوان ژیانی منیان گۆڕی...

...

ڕای خۆتانم پێ بڵێن دەربارەی پێشەکیەکەی
جۆرێک تراژیدیای نهێنی و سەرکێشی

دڵنیام چێژبەخش ئەبێت
یاوەرم بن ...

.𖠌.